NEHEMIA 13:25 - KITAB NU TUMPU ALLA LELE MA'IMAI'

²⁵ Pinokinde'ankumo na aha ka' kinutukankumo. Daagi' ko anu dinokengkumo ka' kiniiskumo na ubak nu aha. Lapas aijo' pinalentangkumo na aha da basumpa' i sanggo nu Tumpu Allah da aha ka' to ana-anak nu aha madi'mo mo'osoa mogogalo'an tiba bansa sangga'at.

NEHEMIA 13:25 Iomraidhean Croise

2 TOMU-TOMUNDO' 2:24

I Elisa nosiloi ka' nontoa aha lantas sinumpa'akonnyomo na aha i uno nu sanggo nu Tumpu. Madi' pinin ohua' na beruang behenyo nosabatmo mae i kuhat ka' nombente-bentek aha patompulu' ka' ohua' na to ana-anak anu sinihuk aijo'.

EZRA 10:5

Jadi i Ezra nompalentahmo. Pinalentahnyomo na to kapa-kapala nu imam, to mia-mian nu Lewi ka' to mia-mian nu Israel sangga'at da basumpa' salaku tanda saba' apaa na anu tinaloakonmo i Sekhanya nubaumo nu aha.

EZRA 7:26

Batu-batu mian anu madi' montuluti Atulan nu Tumpu Allah nu Beleyum utus, kabai to atu-atulan nu kalaja'an, sampa lia-lia' opokonai hukuman silaka, kabai oboa i tano' majo'on, kabai o'ala na halata'nyo, kabai otalungku.’ ”

NEHEMIA 13:11

Jadi pinokinde'ankumo na to tu'a-tu'anyo kalana aha madi'mo mongkalesang Laigan nu Tumpu sahingga madi'mo tinongatun. Lantas po'ule'mo ilagangku na mian nu Lewi ka' to mia-mian anu mahaik musik haha aijo' ka' pinoto'ingkumo da po'ule'mo mule' mombau susumo u'utu mae.

NEHEMIA 13:17

Pinokinde'ankumo na to pola-polaya' nu Yehuda tukoongku, “Madi' osumbu' nu belemiu na belemiu nombaumo anu ma'idek kalana nohenyuimo sinaa nu Sabat?

NEHEMIA 13:24

Sambagian na to ana-anak nu aha madi'mo nonsumbu' basa' nu Yahudi, panyo basa' nu Asdod kabai basa' nu mian anu i salipu'an mae.

NEHEMIA 5:13

Lapas aijo' binukankumo na salempang anu butu-butu' i kompongku lantas kinokabakonkumo ka' pinoto'ingkumo, “Sumo aiya na Tumpu Allah mongkobahakon batu-batu mian anu madi' mongganapi janji'nyo. Mian aijo' timbalimo loloison, laigan ka' iwi-iwi na halata'nyo nu alamo nu Tumpu Allah!” Iwi-iwi' na mian anu binalagombumo nontaami, “Totu-totu'umo na kinyonyoa mami!” Lantas nompuji'mo Tumpu. Jadi to pola-polaya' haha aijo' nongganapimo janji' nu aha.

NEHEMIA 5:6

Nohongo potatae anu notusa'mo sumo aijo', aku notambuha'mo hondo,

MAZMUR 119:53

Tinambuha'ankumo hondo na mian anu ma'idek na kinyonyoanyo, kalana aha nompala'imo atulan nu Belento.

MAZMUR 15:4

anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

NOSABATMO 34:16

De to ana-anak nu belemiu mo'osoamo tiba to bou-boune anu i salipu'an, aha nusale'imo nu boune haha aijo' da opala'imo na Aku ka' monsombahmo pilogot haha aijo' nu aha.

AMSAL 28:4

Ihe na madi' montoongi atulan mosambiha' hi mian anu ma'idek na kinyonyoanyo, ihe na montuluti atulan mongewa mian anu palaganta.

YESAYA 50:6

Ku bee'mo na tundunku hi mian anu mondokemo mae aku; ka' mule' gagisingku hi mian anu monggautmo jangkutku. Aku madi' mombilokakon ohupku, tempo'nyo aku sola'mo o'alu ka' sola'mo otupe'i

PO'ULE' INGULIT 6:13

O adati na Tumpu, Tumpu Allah nu belemiu, ka' ola Ia na osombah, ka' de belemiu basumpa', aijo' obau ka' ola sanggo-Nyo na sanggo.

PO'ULE' INGULIT 7:3

Belemiu madi' timbali mongosoai aha, ka' boli mompobee' to ana-anak miu mo'osoa ka' aha,

YOSUA 23:12

De belemiu madi' mohongo-hongo ka' belemiu maninggalo'mo tiba to bansa-bansa anu daagi' jojoong atina' hi belemiu, ka' belemiu mongosoaimo aha,