NEHEMIA 13:23 - KITAB NU TUMPU ALLA LELE MA'IMAI'

²³ Tempo'nyo aijo' tinoangkumo mule' manjoo' na mian nu Yahudi no'osoamo tiba to bou-boune anu lengkat mae i bansa Asdod, Amon ka' Moab.

NEHEMIA 13:23 Iomraidhean Croise

1 TOMU-TOMUNDO' 11:1

I Tomundo' Salomo nongka'ima'imo manjoo' hondo na to bou-boune nu bansa sangga'at. Misa' ola anak lalangkoyang nu tomundo' Mesir na ingosoan i Salomo, panyo ia mule' nompaka po osoamo tiba to bou-boune nu aha mian Het, Moab, Amon, Edom tiba Sidon.

EZRA 10:10

Lantas i Ezra tinuminjomo ka' notataemo hi aha. Ia notatae, “belemiu binaladosa'mo ka' nompaka sala'mo na Israel kalana nongosoaimo boune bansa anu i salipu'an.

EZRA 10:44

Iwi-iwi' na aha haha aijo' nongosoaimo boune nu aha anu i salipu'an. Sahingga boune haha aijo' gina'atakonmo ka' i laa'mo tiba to ana-anak nu aha.

NEHEMIA 10:30

Kami basumpa'mo da madi'mo mogogalo'an na mo'osoa tiba to bansa-bansa sangga'at anu jinojoongmo i lipu' mami aiya.

NEHEMIA 10:31

De daagi' ko bansa anu i salipu'an mae mompobaluk gandum kabai pa' balang apaa hi kami i sinaa nu Sabat kabai pa' i sinaa anu susi' sangga'at kami madi'mo mongoli. De tokamo na taun anu kopopitu'nyomo kami madi'mo mongale kabai mompoita samaya' mami hi mian.

NEHEMIA 13:1

Salatan Atulan i Musa binasa'akonmo hi mian da'isan, kiijo'je ka' i humpak na katalangannyo sumo uuka: ‘Mian nu Amon ka' Moab madi' hondo timbali maninggalo' tiba mian anu palesayamo hi Tumpu Allah,

NEHEMIA 13:24

Sambagian na to ana-anak nu aha madi'mo nonsumbu' basa' nu Yahudi, panyo basa' nu Asdod kabai basa' nu mian anu i salipu'an mae.

NEHEMIA 13:27

Ma'idek hondo na kalakuan anu binaumo nu belemiu! Belemiu baani madi' mompajuli Tumpu Allah, belemiu nongosoaimo to bou-boune anu lengkat mae i bansa salipu'an!”

NEHEMIA 4:7

Salatan i Sanbalat, i Tobia ka' aha mian nu Amon ka' Asdod tiba to mia-mian nu Arab nohongomo mae taalu' pagan mesen nu Yerusalem binaumo ka' nompaka nalia'mo, ka' mule' pinaha tampolanmo na bolo'nyo aijo' i pagan mesen, aha nompaka potambuha'mo mule'.

NOSABATMO 34:11

Tuluti na to atu-atulan anu Ku bee' hi belemiu sinaa aiya. Aku nolaa'mo bansa Amori, Kana'an, Het, Feris, Hewi, ka' Yebus da belemiu mambamo mahampate.

2 KORINTUS 6:14

Boli mongka'oho' timbali sangalu nu to mia-mian anu madi' palesaya hi Yesus; aijo' madi' sosok. Iya na toho' ka'ima'an mosa'angu' tiba ka'idekan! Madi' toho' jingka maninggalo' tiba pintung.

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

I RUT 1:4

Anaknyo ua-ua'aha aijo' no'osoamo tiba to lalangkoyang nu aha Moab, sanggonyo i Orpa tiba i Rut. Salatan sinampulu'mo na taun,

1 SAMUEL 5:1

Salatan ingagoanmo nu aha mian Filistin na Peti' Palajanjian nu Tumpu Allah, lantas binoamo nu aha lengkat mae i Eben-Heizer namba i kota Asdod.