NEHEMIA 13:22 - KITAB NU TUMPU ALLA LELE MA'IMAI'

²² Lantas pinokaungkumo na mian nu Lewi haha aijo' mombau adatnyo pomposusi' butong ka' monjagai sabatan daka' haha aijo' montoa ka' montewa' anu toka mae, da mian iwi-iwi' mongadati sinaa nu Sabat. Aku binalado'amo, “O Tumpu Allah, inau'akon mae na aku kalana han aijo', ka' kalibosiakon mae na aku nu kalibosan nu Belento anu talalo hondo daka'.”

NEHEMIA 13:22 Iomraidhean Croise

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

2 TOMU-TOMUNDO' 23:4

Lapas aijo' pinalentahmo i tomundo' na Imam Daka' Hilkia, to ima-iamam anu lewa' mompaha tulungi Imam Daka' tiba to mia-mian anu monjagai ka' mokalaja i sabatan nu Laigan nu Tumpu, da mosabatakon iwi-iwi' na pakakas anu kiijo' i uno nu Laigan nu Tumpu anu opake monsombah Baal, Pilogot boune Asyera, tiba manda-mandala'. Iwi-iwi' na pakakas aijo' pinapuan i Tomundo' Yosia i sambiha' nu kota' koko Bangka'nyo nu Kidron, lantas abu'nyo binoamo i Betel.

2 TAWARIKH 29:24

Lapas aitu mee' haha aijo' pinahang kolotakonmo nu to ima-imam ka' baso'nyo dinudu'akonmo i mezbah salaku koloban pongampuni dosa' nu mian da'isan iwi-iwi'. Han aijo' binaumo nu aha kalana pinalentahkonmo nu tomundo da obau na koloban anu opotunu ka' koloban pongampuni dosa' hi aha iwi-iwi' mian da'isan nu Israel.

2 TAWARIKH 29:27

I Hizkia nombee'imo tanda da koloban anu osombahkon otampu'unimo na monsombahkon. Hau-haunyo koloban osombahkon, to mia-mian monyanyimo nyanyian pompuji' Tumpu ka' to mia-mian anu mompahaikakon musik mompuhimo tolompet ka' mule' pakakas musik sangga'at.

2 TAWARIKH 29:30

I tomundo ka' to mia-mian anu tasanggo nompokaumo da aha mian nu Lewi monyanyiakon pompuji' Tumpu anu tinulis i tomundo Daud ka' i Nabi Asaf. Iwi-iwi' mian i lame'mo hondo na nonyanyi ka' aha tinolodadupumo ka' nonsombahmo Tumpu Allah.

NEHEMIA 12:10

Aiya na tatu-tatusannyo nu lee' i Imam Daka' Yesua: i Yesua, i Yoyakim, i Elyasib, i Yoyada,

NEHEMIA 12:30

To ima-imam ka' aha to mia-mian nu Lewi haha aijo' nombaumo adat momposusi' butong nu aha lapas aijo' ahamo mian da'isan, ka' mule' iwi-iwi' na sabatan daka' ka' pagan mesen nu kota'.

NEHEMIA 13:14

O Tumpu Allah-ngku, inau'akon mae na anu binaungkumo iwi-iwi' anu binaumo kapalaluan i Laigan nu Belento ka' apa-apaa na anu obau i unonnyo.

NEHEMIA 13:31

Ingatunkumo mule' da toka i sinaanyo anu tinantukanmo, kau' anu oposun de monsombahkonmo koloban, oposadiamo, ka' mian da'isan tionyo ahi' momboa mae palasombahan isi nu ale' anu momona ingala i'ale'. Ahennyo aku binalado'amo, “O Tumpu Allah-ngku, inau'akon mae na aiya iwi-iwi' ka' balakatiakon mae na aku.”

NEHEMIA 5:19

Ku kakaase o Tumpu Allah, inau'akon mae na iwi-iwi' na anu binaungkumo hi bansa aiya ka' balakatiakon mae na aku.

MAZMUR 130:7

Tumpumo ahi' na otaha'imani o mian anu pinalesayamo hi Ia, kalana Ia sabole-boleh mongkalibosi, ka' saja' sadia momposalamat.

MAZMUR 5:7

Nupatei nu Belento na to mia-mian anu mongka'ima'i lewa' baleko' anu saja' mongakali ka' anu saja' mompatei otoa nu Belento madi' ko angga'nyo.

MAZMUR 51:1

Anu mongkapalai panyanyi. Mazmur kalangan i Daud

YESAYA 38:3

“Tutugiakon mae na aku aiya nontulutimo hondo-hondo Belento nu kinyonyoangku anu sahodi-hodi'nyo. Aku saja'mo binala usaha nontuluti pongka oho' nu Belento.” Lantas i Hizkia ihumangmo ka' talalomo hondo nolibos.

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

YESAYA 55:7

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

PO'ULE' INGULIT 5:12

Olame'akon na sinaa nu Sabat ka' o adati salaku sinaa anu susi' kalana Akumo na Tumpu Allah nu belemiu anu nompalentahkonmo hi belemiu.