NEHEMIA 13:17 - KITAB NU TUMPU ALLA LELE MA'IMAI'

¹⁷ Pinokinde'ankumo na to pola-polaya' nu Yehuda tukoongku, “Madi' osumbu' nu belemiu na belemiu nombaumo anu ma'idek kalana nohenyuimo sinaa nu Sabat?

NEHEMIA 13:17 Iomraidhean Croise

NEHEMIA 13:11

Jadi pinokinde'ankumo na to tu'a-tu'anyo kalana aha madi'mo mongkalesang Laigan nu Tumpu sahingga madi'mo tinongatun. Lantas po'ule'mo ilagangku na mian nu Lewi ka' to mia-mian anu mahaik musik haha aijo' ka' pinoto'ingkumo da po'ule'mo mule' mombau susumo u'utu mae.

NEHEMIA 13:16

Pa' aha sangkuka na mian nu Tirus anu jinojoongmo i Yerusalem nomboamo ikan ka' ngangahan anu balang sangga'at anu mamba opobaluk i Yerusalem kinakonamo i sinaa nu Sabat, da opobaluk hi aha mian nu Yahudi.

NEHEMIA 13:25

Pinokinde'ankumo na aha ka' kinutukankumo. Daagi' ko anu dinokengkumo ka' kiniiskumo na ubak nu aha. Lapas aijo' pinalentangkumo na aha da basumpa' i sanggo nu Tumpu Allah da aha ka' to ana-anak nu aha madi'mo mo'osoa mogogalo'an tiba bansa sangga'at.

NEHEMIA 5:7

ka' binapikinmo sampa mombau kaputusan. Lantas pinokinde'ankumo na to tu'a-tu'anyo ka' to pola-polaya' nu mian da'isan. Pinoto'ingku, “Belemiu monsakisamo to utu-utus nu belemiu!” Lapas aijo' aku nomposihukmo mian da'isan da mombisalakonmo pa' mosia na mongulus palakala aijo',

AMSAL 28:4

Ihe na madi' montoongi atulan mosambiha' hi mian anu ma'idek na kinyonyoanyo, ihe na montuluti atulan mongewa mian anu palaganta.

YESAYA 1:10

Yerusalem tiba to pola-polaya' ka' bansa nu belemiu tinimbalimo nimbalu-balu'mo mian nu Sodom ka' Gomora. Apaa na anu pinalentahkon nu Tumpu hi belemiu hongo mae; apaa na anu ingajanakonmo nu Tumpu-nto opalahatikan.

YEREMIA 13:18

Tumpu notataemo mae hi belengku, “Palentah na i tomundo' tiba bengkele'nyo da mintatau'mo mae ikadelanyo, kalana makota'nyo anu ma'ima' aijo' nanabu'mo mae madi'mo ko anu atina' i ubak nyo.

YEREMIA 5:5

Sahanyo aku mamba hi aha to pama-pamalentah ka' mompoto'i hi aha. Tantu nu sumbu' nu aha apaa na nu kahanda'i tiba nu tuntut nu Tumpu Allah hi aha.” Panyo aha iwi-iwi' suele madi' ahi' mongka'oho' nu palentah nu Tumpu; aha madi' mongka'oho' montuluti Ia.

YEHEZKIEL 20:13

Panyo ipadang tampat anu kaho bone'nyo aijo' suele ahi' aha madi' mohongo-hongo mae Aku. Aha nolanggaimo iwi-iwi na palentah-Ku ka' madi'mo daagi' nontalima atulan-Ku, anu nompatikolomo tukoonyo mian anu montuluti aijo' tataap tumuu'. Aha talalomo nohumimi'i sinaa nu Sabat. Kalana aijo' ipadang tampat anu kaho bone'nyo Aku sabenannyo mompotudunmo ahi' tambuha'-Ku hi aha ka' monsilakaimo aha.

IMAMAT 19:17

Boli lewa' mongingu mau mule' pa' ihe. Sampa baladame tiba maumo pa' ihe na mian anu nompaha sala'mo belemiu, da belemiu madi' baladosa' nusaduakon nu mian sangga'at.

MIKHA 3:1

Potombihing mae o belemiu anu singkap balakuasa i Israel! Sabenanyo tionyo ahi' osumbu' nu belemiu apaa na anu osanggohi adin,

MIKHA 3:9

Potombihing mae na potataengku aiya, o belemiu anu balakuasa i Israel anu nongka'idekimo ka'adilan ka' mule' nonggeo-geo'akonmo han anu totu'u.