NEHEMIA 13:15 - KITAB NU TUMPU ALLA LELE MA'IMAI'

¹⁵ Tempo'nyo aitu tinoangkumo i sinaa nu Sabat daagi' ko mian nu Yehuda pa' aha sangkuka nompao'mo anggur. Daagi' mule' ko mian sangga'at anu momposake'mo gandum, anggur anu noko pao'mo, bua' nu anggur, bua' nu ara ka' balang sangga'at aijo' i keledai nu aha ka' binoamo nu aha i Yerusalem. Tinewa'kumo na aha mobalu-baluk i Yerusalem.

NEHEMIA 13:15 Iomraidhean Croise

2 TAWARIKH 24:19

Tumpu nonsaimo to nabi-nabinyo da mompokinde'i aha da po'ule' palesaya hi Tumpu, panyo mian da'isan madi'mo mongka'oho' mompotombihing.

NEHEMIA 10:31

De daagi' ko bansa anu i salipu'an mae mompobaluk gandum kabai pa' balang apaa hi kami i sinaa nu Sabat kabai pa' i sinaa anu susi' sangga'at kami madi'mo mongoli. De tokamo na taun anu kopopitu'nyomo kami madi'mo mongale kabai mompoita samaya' mami hi mian.

NEHEMIA 10:32

Sataun toka sataun kami toto samian tionyo ahi' mombee' olima' na gram na salaka anu bau pongongkosi Laigan nu Tumpu.

NEHEMIA 13:16

Pa' aha sangkuka na mian nu Tirus anu jinojoongmo i Yerusalem nomboamo ikan ka' ngangahan anu balang sangga'at anu mamba opobaluk i Yerusalem kinakonamo i sinaa nu Sabat, da opobaluk hi aha mian nu Yahudi.

NEHEMIA 13:21

Pinoto'ingkumo hi aha, “Palasuma na belemiu montanda'i sampe dodop subu i kiijo'. Ingat, de po'ule' obau nubelemiu atina', ku babaumo na belemiu!” Nolengkat pe'e i sinaa aitu aha madi'mo toho' tinoka i sinaa nu Sabat.

NEHEMIA 9:29

Pinokinde'anmo nu Belento na aha da pangajalan nu belento otapali ahi', panyo aha madi'nontalima atulan nu Belento kalana kinyonyoa nu aha takabun. Padahan de atulan nu Belento obau ahi' na bau-baunyo, tantu mohumpak ka'ima'an na kantumuu'an. Aha panggaga hondo ka' mule' ulawon na kinyonyoa nu aha, madi' mongka'oho' mohongo ka' madi' tulu-tulutan.

AYUB 39:12

Pa' nu palesayakonmo hi ia na montoluki anu pinadakmo nu beleyum, ka' oboa i tampat anu lewa' pongututan nu beleyum?

MAZMUR 50:7

“Potombihingakon mae, o mian anu palesayamo hi Beleng-Ku, Aku mongka'oho'mo motatae, O Israel, Aku mongka'oho'mo timbali sakisi mongkona belemiu; Aku aiya Tumpu, Tumpu nu belemiu.

NOSABATMO 31:12

Tumpu nompalentahmo i Musa

NOSABATMO 31:16

Bansa Israel tionyo ahi' molame'akon sinaa aijo' sampe molapi-lapis na lee' salaku bau pontandai palajanjian.

NOSABATMO 34:21

Anom sinaa na nokalaja; boli mokalaja i sinaa ko ipitunnyo mau mule' aijo' loonumo nu pompajekoan kabau loonumo nu pompadakan.

NOSABATMO 35:2

Anom sinaa na mokalaja, panyo sinaa ko ipitunnyo aijo' sinaamo pilawean, sinaa daka' anu ponsombanmo Tumpu. Ihe na mokalaja i sinaa nu Sabat tionyo ahi' mohumpak hukuman opatei.

AMSAL 28:4

Ihe na madi' montoongi atulan mosambiha' hi mian anu ma'idek na kinyonyoanyo, ihe na montuluti atulan mongewa mian anu palaganta.

YESAYA 58:13

Tumpu notatae, “Holomati na sinaa nu Sabat sinaa bau ponsomban Tumpu. Boli ola mongkalesang posi kapentingan nu belemiu isinaa aijo'. Lame'akon na sinaa aijo' salaku sinaa anu ma'ima'; holomati na sinaa nu Tumpu, boli mamba moyaya: boli mokalaja kabai montaloakon potatae anu madi' kokaliangannyo.

YEREMIA 17:24

Otuluti iwi-iwi' na palentah-ngKu. Boli mongato maumo pa' balang apaa montulu sabatan daka' ikota' aiya kakona isinaa nu Sabat. Tungka'akonmo samata-mata na sinaa nu Sabat bau bahagian-Ku, ka' mombau apa-apaa isinaa aijo'.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 42:19

Lantas aku motataeje mule', “Tumpu nompalentahmo da belemiu anu daagi' tinontuha' i Yehuda madi' mamba i Mesir. Kalana aijo' Ku bee'i pokinde' na belemiu uuka aiya,

YEHEZKIEL 20:13

Panyo ipadang tampat anu kaho bone'nyo aijo' suele ahi' aha madi' mohongo-hongo mae Aku. Aha nolanggaimo iwi-iwi na palentah-Ku ka' madi'mo daagi' nontalima atulan-Ku, anu nompatikolomo tukoonyo mian anu montuluti aijo' tataap tumuu'. Aha talalomo nohumimi'i sinaa nu Sabat. Kalana aijo' ipadang tampat anu kaho bone'nyo Aku sabenannyo mompotudunmo ahi' tambuha'-Ku hi aha ka' monsilakaimo aha.

AMOS 8:5

Belemiu notatae i posi butong nu belemiu, “Ibe na kinopinnyo na sinaa mombau lamean. Ku kahanda'i da lia-lia' opobaluk na gandumto, panyo lamean aijo' madi' sampa lapas. Hipian na sinaa nu Sabat lapasmo, da kita kahanda' mobaluk mule'? Kita mongka'ima'i mobaluk mompake jalan anu madi' ma'ima', ka' mongakali nu takalan ka' mongakali nu timbangan.

MIKHA 6:3

Tumpu notatae, “O, mian-Ku anu palesayamo apaa na anu binaung-Kumo hi belemiu? I han apaa na Aku nomposusa'mo belemiu? Taami mae na Aku!

SISIKON NU TO RASUL-RASUL 2:40

Sumo aitumo na i Petrus nompotalangakon hi aha. Ka' manjoo' na potatae sangga'at, suele pinoto'inyo hi aha da butong nu aha boli maninggalo' i bansa anu ma'idek aiya, anu nu hukumje nu Tumpu.

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

GALATIA 5:3

Po'ule' mule' kupotuka' hi mian anu mompoita da o sunat, sabenanyo ia palalu ahi' mompojalan iwi-iwi' na atulan nu agama!

EFESUS 4:17

Mokonyo aijo' tiba sanggo nu Tumpu, aiyamo na anu ka'oho' kutaloakon ka' kupokeman: bolimo daagi' tumuu' sumo to mia-mian anu madi' monsumbu' Tumpu, ka' mompopikilakon anu madi' mingkaliangan.

PO'ULE' INGULIT 8:19

Boli okolilimi na Tumpu Allah nu belemiu ka' boli palesaya hi to pilo-pilogot sangga'at ka' opuji' montuluti aha. Sinaa aiya aku mompotuka'mo belemiu kalana de belemiu mombau mule', belemiu tionyo ahi' nusilakaimo nu Tumpu.

1 TESALONIKA 4:6

I uno nu han anu sumo aijo' boli ko samian na mombau kasala'an hi utusnyo kabai mongakali ia. U'utu mae kami nompo'ingatmo totu-totu'u hi komiu, kalana Tumpu mohukumo to mia-mian anu mombau kasala'an-kasala'an anu sumo aijo'.