NEHEMIA 13:12 - KITAB NU TUMPU ALLA LELE MA'IMAI'

¹² Lapas aijo' songko-songko na mian da'isan nu aha Israel nompo'ule' mule' nombee' anu oba-obagi sampulu' na bahagian ka' sambagian na obee' aijo'mo gandum, anggur ka' lanya' nu zaitun lantas oboamo i salipi' lewa' pompo'una'an mantu posadiaon.

NEHEMIA 13:12 Iomraidhean Croise

2 TAWARIKH 31:4

Ka' mule' i tomundo nompalentahmo da mian anu jojoong i Yerusalem momboa mae anu osombahkon, anu tinantukanmo bau bagi nu to ima-imam ka' aha mian nu Lewi, da aha timbali mokalaja totu-totu'u mongatun kalaja i Lagian nu Tumpu susumo anu tinulismo i uno nu atulan nu Tumpu.

2 TAWARIKH 31:5

Kalana palentah aijo' binebakonmo, mian nu Israel nomboamo mae i Laigan nu Tumpu apa-apaa na anu binee'mo nu aha aijo'mo isi nu ale' nu aha anu momona ingala, aijo'mo: labu, anggur, lanya' nu zaitun, juu' nu uwani', ka' isi nu ale' sangga'at. Ka' mule' aha suele nomboamo mae sambagian anu ingala i sampulu' na bagian na halata' nu aha.

NEHEMIA 12:44

Tempo'nyo aitu daagi' ko to pia-piangkuka na mian binee'anmo kalaja monjagai iwi-iwi' na salipi' anu pongisian apa-apaa na anu obee'mo nu mian bau kapalaluan i Laigan nu Tumpu, tibamo anu osombahkon hi Tumpu anu inga-ingala na sambagian i sampulu' na bahagaian na isi nu ale' anu momona ingala i taun aijo'. Aha anu binee'an kalaja monjagai aijo' tionyo molimu' anu nubee' nu mian aijo', lengkat i iwi-iwi' na ale' anu madi' majo'on i to kota-kota'. Anu nubee' mae nu mian haha aijo' obee' hi to ima-imam ka' hi to mia-mian nu Lewi, susumo anu ingatunmo i Atulan nu Tumpu. To mia-mian nu Yehuda mongadati hondo to ima-imam ka' to mia-mian nu Lewi haha aijo',

IMAMAT 27:30

Sampulu' na bagian na hasinnyo nu ale', sambagian na o ala pa' aijo' gandum kabai to bua-bua' nu kau', aijo' na obee' hi Tumpu.

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

MALEAKHI 3:8

Uuka aiya Ku pokilawamo hi belemiu: Pa' timbali ahi' na manusia mongakali Tumpu? Tantu ahi' madi'. Panyo belemiu nongakalimo Aku. Belemiu nompokilawa, ‘Mosia?’ Tinamaan-Ku: Tentang han mombayan anu sampulu' na bagian sampulu' na o'ala ka' mombee' palasombahan.

PO'ULE' INGULIT 14:22

“Sataun toka sataun belemiu tionyo ahi momposi po'iwi' anu sampulu' na bagian, sambagian na o ala i hasinnyo nu tano' miu iwi-iwi'.