NEHEMIA 13:11 - KITAB NU TUMPU ALLA LELE MA'IMAI'

¹¹ Jadi pinokinde'ankumo na to tu'a-tu'anyo kalana aha madi'mo mongkalesang Laigan nu Tumpu sahingga madi'mo tinongatun. Lantas po'ule'mo ilagangku na mian nu Lewi ka' to mia-mian anu mahaik musik haha aijo' ka' pinoto'ingkumo da po'ule'mo mule' mombau susumo u'utu mae.

NEHEMIA 13:11 Iomraidhean Croise

NEHEMIA 10:39

Mian da'isan nu aha Israel tiba to mia-mian nu aha Lewi tionyo ahi' momboa anu nu bee'mo mae nu mian, anu saja nu bee' mae nu mian aijo'mo: gandum, anggur, ka' mule' lanya' nu zaitun oboa i salipi' pompo'una'an mantu ka' suele pompo'una'an pakakas nu Laigan nu Tumpu. Ikiijo'mo suele na kajojoongan nu to ima-imam anu mohumpakmo gililan mokalaja sinaa aitu, to mia-mian anu monjaga sabatan Daka' Laigan nu Tumpu ka' mule' to mia-mian anu lewa manyanyi i Laigan nu Tumpu. Kami madi' lenta na mongkalesang Laigan nu Tumpu mami.

NEHEMIA 13:17

Pinokinde'ankumo na to pola-polaya' nu Yehuda tukoongku, “Madi' osumbu' nu belemiu na belemiu nombaumo anu ma'idek kalana nohenyuimo sinaa nu Sabat?

NEHEMIA 13:25

Pinokinde'ankumo na aha ka' kinutukankumo. Daagi' ko anu dinokengkumo ka' kiniiskumo na ubak nu aha. Lapas aijo' pinalentangkumo na aha da basumpa' i sanggo nu Tumpu Allah da aha ka' to ana-anak nu aha madi'mo mo'osoa mogogalo'an tiba bansa sangga'at.

AYUB 31:34

Pikilan nu mian da'isan madi' ku kabuhuk, ka' mian mongalu mae madi'mo ku pajuli. Madi' toho' aku jinojoong i laigan kabai me ola momohokot, ola kalana nabuhukmo dumo saidi' mae o'alu.

AMSAL 28:4

Ihe na madi' montoongi atulan mosambiha' hi mian anu ma'idek na kinyonyoanyo, ihe na montuluti atulan mongewa mian anu palaganta.

1 SAMUEL 2:17

Sumo aijo'mo na anak i Eli ua-ua aha aijo' binaladosa'mo hondo imata nu Tumpu, kalana aha madi'mo nongangga'i koloban anu sinombahkonmo hi Tumpu.