NEHEMIA 12:44 - KITAB NU TUMPU ALLA LELE MA'IMAI'

⁴⁴ Tempo'nyo aitu daagi' ko to pia-piangkuka na mian binee'anmo kalaja monjagai iwi-iwi' na salipi' anu pongisian apa-apaa na anu obee'mo nu mian bau kapalaluan i Laigan nu Tumpu, tibamo anu osombahkon hi Tumpu anu inga-ingala na sambagian i sampulu' na bahagaian na isi nu ale' anu momona ingala i taun aijo'. Aha anu binee'an kalaja monjagai aijo' tionyo molimu' anu nubee' nu mian aijo', lengkat i iwi-iwi' na ale' anu madi' majo'on i to kota-kota'. Anu nubee' mae nu mian haha aijo' obee' hi to ima-imam ka' hi to mia-mian nu Lewi, susumo anu ingatunmo i Atulan nu Tumpu. To mia-mian nu Yehuda mongadati hondo to ima-imam ka' to mia-mian nu Lewi haha aijo',

NEHEMIA 12:44 Iomraidhean Croise

1 TAWARIKH 23:28

Aha tionyo ahi' montulungimo to ima-imam lee' mae i Harun mongatun atulannyo monsombah Tumpu i Laigan nu Tumpu, mompobelesi natan, ka' salipi' anu kiijo' i Laigan nu Tumpu, ka' montoa da iwi-iwi' apaa na anu nu Tumpu, madi' mahenyu.

1 TAWARIKH 26:20

To mia-mian sangga'at kona hi tulunan nu bansa Lewi binee'an kalaja montoa pakakas anu opake i Laigan nu Tumpu, ka' anu pino'una' i gudang, apa-apaa na anu binee' nu mian hi Tumpu Allah.

1 TAWARIKH 9:26

Panyo kapala ponjaga anu aha opat aijo' na tataap ahi'. Aha na mompangakui montoa salipi' i Laigan nu Tumpu ka' montoa pakakas anu opo'una' i kiijo'.

NEHEMIA 10:36

Kami tionyo ahi' momboa to ana-anak mami anu to momo ane tumpenyo hi to ima-imam i Laigan nu Tumpu da obee' hi Tumpu Allah susumo koonyo nu Atulan nu Tumpu. Kami suele mombee' anak nu sapi', anak nu domba kabai anak nu mee' mami anu momona o anakakon.

AMSAL 8:34

Mohumpak kasaangan i uno nu kantumuu'an na mian anu mompotombihing mae aku, anu toka sansina-sinaa sumuhang montanda'i isabatan nu laiganku, ka' balajaga-jaga isabatan daka'nu laigan kajo-kajojoonganku.

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

NOMBILANGMO 3:10

Panyo i Harun ka' to ana-anaknyo tionyo ahi' nu hangkat da mokalaja salaku imam; de misa' aha, maumo pa' ihe na anu monsoba mokalaja aijo' tionyo ahi' o hukumo mate.”

ROMA 12:7

Mian anu ko balakat montulungi mian sangga'at, tionyo totu-totu'u montulungi mian sangga'at. Mian anu ko balakat mompogulu', tionyo totu-totu'u mompogulu'.

PO'ULE' INGULIT 18:8

Ia tionyo ahi' mohumpak anu okaan pokakana na konjoo'nyo susumo to ima-imam sangga'at; apaa na anu ihumpaknyomo hi to utu-utusnyo suele anunyomo.”