NEHEMIA 12:36 - KITAB NU TUMPU ALLA LELE MA'IMAI'

³⁶ Aitu mae i hiku nu aha anu lumajang montuntuni aijo'mo to mia-mian anu bubu' aha mae sa'anakan, aijo'mo: i Semaya, i Azareel, i Milalai, i Gilalai, i Maai, i Netaneel, i Yehuda tiba i Hanani. Aha iwi-iwi' nontoongi pakakas musik susumo anu lewa' nukuti' i Tomundo' Daud, posaihon nu Tumpu Allah. I Imam Ezra, anu pande-pande hondo i Atulan nu Tumpu Allah aijo', lumajang mamba momona hondo aita' hi mian anu nojiji'mo na i lumajang.

NEHEMIA 12:36 Iomraidhean Croise

1 TAWARIKH 23:5

4.000 na mian binee'an kalaja monjaga, ka' 4.000 na mian mule' mompuji' Tumpu mompake pakakas musik anu pinotoukamo.

2 TAWARIKH 8:14

Susumo koonyo nu atulan i Daud tuumanyo, i Salomo nongatunmo anu obau sansina-sinaa nu aha to ima-imam ka' aha mian nu Lewi anu tionyo ahi monyanyiakon nyanyian pompuji-puji' Tumpu ka' montulungi to ima-imam de mokalajamo monsombah Tumpu. Ka' suele to mia-mian anu monjagai Laigan nu Tumpu binaginyomo toto santompuk na anu monjagai sa'angu' na sabatan daka' susumo anu tinantukanmo i Daud posaihon nu Tumpu Allah.

EZRA 7:1

Tino pia-piangka na taun na kinopinnyo ilapas na aijo' tempo'nyo i Artahsasta nompalentahmo salaku tomundo nu Persia, daagi' ko samian na mo'ane sanggonyo i Ezra lee' mae i Imam Daka' Harun. Tatu-tatusannyo mae nu mompolee' nu aha lengkat pe'e hi Ezra toka-toka mokiita' hi mompolee'nyo mae sumo uuka: i Ezra i Seraya i Azarya i Hikia

EZRA 8:1

Aiya na daputan nu to kapa-kapala nu aha toto sa'anakan mae anu binoa i Babel ka' ninsusule'mo mae tiba aku, i Ezra, nambamo i Yerusalem salatan i Artahsasta nompalentahmo salaku tomundo:

NEHEMIA 12:24

I Hasabya, i Serebya, i Yesua, i Binui tiba i Kadmiel na mongatun aha to mia-mian nu Lewi da binagi-bagi toto santompuk. Minsan mohumpak kalaja aha ohua' na tompukannyo, anu mompuji' Tumpu ka' montalima kase hi ia mobolobosan montuluti susumo anu ingatunmo i Tomundo' Daud Posaihon nu Tumpu Allah aijo'.

AMOS 6:5

Belemiu sanang na mombabali'i nyanyian susumo anu binaumo i Daud ka' belemiu mompahaikakon lagu-lagu aijo' tiba kasapi.