NEHEMIA 12:30 - KITAB NU TUMPU ALLA LELE MA'IMAI'

³⁰ To ima-imam ka' aha to mia-mian nu Lewi haha aijo' nombaumo adat momposusi' butong nu aha lapas aijo' ahamo mian da'isan, ka' mule' iwi-iwi' na sabatan daka' ka' pagan mesen nu kota'.

NEHEMIA 12:30 Iomraidhean Croise

KAJADIAN 35:2

Lantas pinoto'imo i Yakub hi aha sa'anakan ka' hi iwi-iwi' na mian anu galu-galum tiba ia, “Kita mambamo lengkat i aiya ka' mokiijo'mo i Betel. Ikiijo' mae aku mompotinjomo mezbah ponsomban Tumpu Allah anu nontulungimo mae aku tempo'nyo aku kinasusa'anmo ka' anu nonjagaimo mae aku iyaya na kinalambananku. Jadi alin na patong nu to pilo-pilogot anu lengkat mae i salipu'an anu daagi' hi komiu; bau na adat pompobelesi butong ka' pusok na baju' anu belesi'.”

1 TAWARIKH 15:14

Jadi to ima-imam ka' mian nu Lewi nomposusi'mo butong nu aha da timbali molalin Peti' Palajanjian nu Tumpu, Tumpu Allah nu Israel.

2 TAWARIKH 29:34

To ima-imam anu nomposusi'mo butongnyo madi' da'isan na mongkiliti binatang haha aijo'. Kalana aitu aha tinulunganmo nu to mia-mian Lewi, kalana mian nu Lewi na talalo tulu-tulutan hi atulan nu momposusi'. Aha tataap montulungi sampeje sukupmo na imam anu momposusi'mo butongnyo.

2 TAWARIKH 29:5

ka' pinoto'inyomo hi aha kiijo' mae. Ia notatae, “Belemiu to mia-mian nu Lewi tionyo ahi' mompatikolomo butong nu belemiu da mombau apaa na anu nukahanda'i nu Tumpu, ka' momposusi' Laigan nu Tumpu. Tumpu Allah nu mompolee' nu belemiu. Iwi-iwi' na anu nompohenyu Laigan nu Tumpu aijo' tionyo o'alini.

EZRA 6:21

Koloban haha aijo' okaan nu aha Israel iwi-iwi' mian anu minsusule'mo mae lengkat i Babel pinomboan aha ka' mian anu jojoong i lipu' aijo', anu nompala'imo kantumuu'an anu moko baladosa', ka' tinokamo monsombah Tumpu, Tumpu Allah Israel.

NEHEMIA 12:29

Lengkat mae i Bet-Gilgal, Geba tiba Asmawet.

NEHEMIA 13:22

Lantas pinokaungkumo na mian nu Lewi haha aijo' mombau adatnyo pomposusi' butong ka' monjagai sabatan daka' haha aijo' montoa ka' montewa' anu toka mae, da mian iwi-iwi' mongadati sinaa nu Sabat. Aku binalado'amo, “O Tumpu Allah, inau'akon mae na aku kalana han aijo', ka' kalibosiakon mae na aku nu kalibosan nu Belento anu talalo hondo daka'.”

NEHEMIA 13:30

Sumo aitu na aku nompobelesi' bansa Israel i hahan anu madi' toho' obau. Pinokemakonkumo na to atu-atulan hi to ima-imam ka' hi aha mian nu Lewi, sahingga aha toto samian ko posi-posi kalajamo nu aha anu pinotataapmo.

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

IBRANI 5:1

Batu-batu Imam Daka' opile'i hi aha mian anu palesayamo hi Tumpu, ka' o hangkat da mompojalan palentah nu Tumpu salaku wakin nu aha. Kalajanyo aijo'mo monsombahkon hi Tumpu, apa-apaa na obee' ka' okolobanakon bau pongampuni dosa'.

IBRANI 5:3

Ka' kalana ia madi' moko ala mombau apa-apaa, ia tionyo ahi' monsombahkon koloban, misa' ola kalana dosa' nu mian anu palesayamo hi Tumpu, panyo suele kalana dosa'nyo.