NEHEMIA 12:27 - KITAB NU TUMPU ALLA LELE MA'IMAI'

²⁷ Salatan pagan mesen nu kota' kahanda'mo olame'akon, to mia-mian nu Lewi pinahalagamo na aha anu jojoong pa' iyaya mae da hingga-hinggat molame'akon lamean aijo' ka' monyanyiakon bau pontalima kase ka' mule' musik gambus ka' kasapi.

NEHEMIA 12:27 Iomraidhean Croise

2 SAMUEL 6:12

Salatan ihongomo i Daud na i Obed-Edom ka' aha salaigan ka' mule' iwi-iwi' apaa na anu daagi hi aha, binalakatanmo nu Tumpu kalana Peti' Palajanjian pinojoongmo hi aha. Sahingga ia nambamo hi laigan i Obed-Edom nongala Peti' aijo' ka' ilalinnyomo namba i Yerusalem ka' nombaumo bau-bauon na aha nolame'akon Peti' aijo'.

1 TOMU-TOMUNDO' 8:63

Kakona koloban anu bau pompodame, i Salomo nonsombahkonmo 22.000 na sapi' ka' 120.000 na domba. Sumo aijo' na i tomundo' ka' iwi-iwi' na mian da'isan nombau lamean nomposawe'i Laigan nu Tumpu.

1 TAWARIKH 13:8

Lantas i Daud ka' iwi-iwi' na bansa Israel lewa'mo nonsalelei ka' lewa'mo nonyanyi lame-lame' hondo bau pompodaka' Tumpu Allah ka' lewa'mo nongkuti' kasapi', nohapa'i labana, simbal, ka' lewa'mo nompuuhi tolompet.

1 TAWARIKH 15:12

Koonyo i Daud hi aha, “Belemiu to kapa-kapala nu sa'anakan mae hi tulunan nu bansa Lewi. Kalana aijo' tionyo ahi' belemiu ka' to mia-mian nu aha Lewi sangga'at momposusi' butong nu belemiu da timbali molalin Peti' Palajanjian nu Tumpu, Tumpu Allah nu aha Israel, oboa i tampat anu pinosadiangkumo.

1 TAWARIKH 15:16

I Daud suele nompokaumo to kapa-kapalanyo, aha to mia-mian nu Lewi haha aijo' da montiju' to pia-piangkuka na mian anu aijo' hi tulunan nu bansa mae nu aha da manyanyi ka' mongkuti' kasapi ka' simbal anu eloknyo mompolame' hondo.

1 TAWARIKH 15:28

Iwi-iwi' na mian nu Israel namba nontuntuni Peti' Palajanjian aijo' tinoka-toka i Yerusalem ka' lewa' nontaligalai lame-lame', onyi' nu tolompet, napiri, simbal ka' kasapi'.

1 TAWARIKH 15:4

Lantas i Daud nompalentahmo lee' mae i Harun ka' mian nu Lewi da sihuk,

1 TAWARIKH 16:42

I Heman tiba i Yedutun suele kalajanyo mompuhi tolompet, simbal ka' pakakas nu musik sangga'at anu opuhi de manyanyimo nyanyian bau pompuji'. To mia-mian aha mae sa'anakan i Yedutun binee'an kalaja bau ponjaga sabatan toto daka-daka' haha aijo'.

1 TAWARIKH 16:5

I Asaf pinile'anmo salaku kapalanyo ka' i Zakharia na wakinnyo. I Yeiel, i Semiramot, i Yehiel, i Matica, i Eliab, i Benaya, i Obed-Edom tiba i Yeiel, kalajanyo nu aha mongkuti' kasapi, i Asaf kalajanyo mompopahaik simbal,

1 TAWARIKH 23:5

4.000 na mian binee'an kalaja monjaga, ka' 4.000 na mian mule' mompuji' Tumpu mompake pakakas musik anu pinotoukamo.

1 TAWARIKH 26:31

Polaya' nu lee' mae i Hebron aijo'mo i Yeria. Tinoka i taun ko patompulu'nyomo kapamalentahan i Tomundo' Daud sinelidikanmo ka' i humpakmo na aha taalu' daagi' ko to sulu-suludadu anu toto babaani jojoong i Yazer, i da'erah Gilead.

2 TAWARIKH 29:25

Susumo apaa na anu pinoto'imo nu Tumpu hi Daud anu pinotokakon i Nabi Gad, anu mokalaja hi tomundo, ka' anu pinotokakonmo i Nabi Natan, i tomundo nombee'imo kalaja i Laigan nu Tumpu na aha mian nu Lewi mongkuti' kasapi ka' gambuus,

2 TAWARIKH 29:30

I tomundo ka' to mia-mian anu tasanggo nompokaumo da aha mian nu Lewi monyanyiakon pompuji' Tumpu anu tinulis i tomundo Daud ka' i Nabi Asaf. Iwi-iwi' mian i lame'mo hondo na nonyanyi ka' aha tinolodadupumo ka' nonsombahmo Tumpu Allah.

2 TAWARIKH 7:6

To ima-imam tinuminjomo i tampat anu tinantukanmo hi aha; mompaha ahop tiba mian nu aha Lewi anu mompuji' Tumpu mompake musik anu binau i Tomundo Daud, ka' onyanyiakon nu nyanyian, “Kalibosan-Nyo Sampe toka sidu-sidutu'!” Susumo anu pinoto'imo i Daud. To ima-imam mompuhi tolompet hau-haunyo mian da'isan iwi-iwi' samantala tinjo-tinjo.

EZRA 6:16

Lapas aijo' ilame'akonmo nu mian Israel haha aijo', to ima-imam, to mia-mian nu Lewi ka' iwi-iwi' mian anu toho'mo binoa i Babel, nomposawe'imo ka' nondo'akonmo Laigan nu Tumpu aijo'.

NEHEMIA 11:20

Mian da'isan nu aha Israel, to ima-imam ka' to mia-mian nu Lewi labinyo, jojoong i posi tano' nu aha anu i kota-kota' i da'erah Yehuda.

NEHEMIA 12:43

Sinaa aitu manjoo' hondo na koloban anu sinombahkon hi Tumpu. Mian da'isan binalame-lame'mo kalana Tumpu Allah nompobilahimo kantumuu'an nu aha. To bou-boune ka' suele to ana-anak hingga-hinggatmo nolameanmo, ka' elok nu aha, ka' mule' taligala nu aha mau majo'onmo daagi' kahongoan.

NEHEMIA 8:17

Iwi-iwi' na mian da'isan anu ninsusule'mo mae lengkat i Babel pinomboan aha aijo' nombaumo tahop haha aijo' lantas jinojoongmo i kiijo'. Aiyamo na tampu'nannyo nu lamean aijo' binau salatanmo pe'e i Yosua anak i Nun, sahingga iwi-iwi' sinanangmo ka' nohumpakmo kabilahian i kantumuu'an nu aha.

MAZMUR 149:3

Opuji' na sanggo-Nyo ka' ponsalelei, opuji' na Ia ka' okuti'akon kasapi' ka' ohapa'i na gandang!

MAZMUR 30:1

Mazmur i Daud. Nyanyian anu onyanyi momposawe'imo Laigan nu Tumpu.

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

PO'ULE' INGULIT 20:5

Lapas aijo' to kapa-kapala nu suludadu tionyo ahi' mompoto'i potatae aiya hi belemiu, ‘Pa' daagi' ko mian anu aiya hi belemiu anu sala'je nompotinjo laigan, panyo ma'isa nombau adatnyo nomposawe'i? De daagi', pinsusule' pe'e na ia. Kalana de ia osilakaimo i uno nu pahampatean, mian sangga'atmo na monjojoongi laigannyo.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

ANU PINOTO'I HI YOHANES 5:8

Hau-haunyo Anak nu Domba aijo' nombaumo sumo aijo', opa-opat na malaikat ka' uampulu' ka' opat na to pola-polaya' haha aijo' dinumaladupumo i ahopnyo. Aha toto samian montoongi kasapi ka' mangko' mosoni' anu ko isinyo kamangian, aijo'mo iwi-iwi' na do'a nu mian anu pinalesayamo hi Tumpu.