NEHEMIA 12:25 - KITAB NU TUMPU ALLA LELE MA'IMAI'

²⁵ To mia-mian anu monjagai sabatan daka' Laigan nu Tumpu anu binee'an kalaja monjagai salipi' pompo'una'an posadiaon mantu anu o kaan koko sabatan daka' Laigan nu Tumpu aijo'mo: i Matanya, i Bakbukya, i Obaja, i Mesulam, i Talmon ka' i Akub.

NEHEMIA 12:25 Iomraidhean Croise

2 TOMU-TOMUNDO' 7:10

Kalana aijo' aha ninsusule'mo namba i Samaria ka' nompoto'i hi mian anu monjagai sabatan daka' nu kota'; “Kami nambamo i kemah nu aha mian Siria, ka' tinokan mami madi'mo ko miannyo i kiijo' mae. Ajahan ka' keledai nu aha tinokan mami dagi' sego-segot, i tampatnyo, ka' kemah nu aha iwi-iwi' pinojohokmo nu aha ka' pinala'ianmo nu aha.”

1 TAWARIKH 23:32

Aha mule' binee'anmo kalaja saja' montoa ka' mompokopiani Kemah nu Tumpu ka' laigan nu Tumpu ka' montulungi to utu-utus nu aha aijo'mo to ima-imam lee' mae i Harun, de mongantanmo anu monsombah Tumpu i tampat aijo'.

1 TAWARIKH 26:12

To mia-mian anu monjagai Laigan nu Tumpu binagi-bagi motumpu-tompuk ingala hi sa'anakan mae nu aha. Aha mule' suele binee'an kalaja i Laigan nu Tumpu susumo mian nu Lewi sangga'at.

1 TAWARIKH 26:15

I Obed-Edom nongkona i sabatan daka' sasu selatan ka' to ana-anaknyo binee'an kalaja monjagai to guda-gudang ponguna'an posadiaon.

1 TAWARIKH 26:17

Sansina-sinaa i sasu kabete'an aha 6 na ponjaga, i sasu utara aha 4 ka' i sasu selatan aha 4. To guda-gudang anu pongisian posadiaon suele aha 4 na monjagai; toto sa'angu' na gudang ua'aha na monjagai.

2 TAWARIKH 8:14

Susumo koonyo nu atulan i Daud tuumanyo, i Salomo nongatunmo anu obau sansina-sinaa nu aha to ima-imam ka' aha mian nu Lewi anu tionyo ahi monyanyiakon nyanyian pompuji-puji' Tumpu ka' montulungi to ima-imam de mokalajamo monsombah Tumpu. Ka' suele to mia-mian anu monjagai Laigan nu Tumpu binaginyomo toto santompuk na anu monjagai sa'angu' na sabatan daka' susumo anu tinantukanmo i Daud posaihon nu Tumpu Allah.

YESAYA 21:8

Lapas aijo' mian anu monjaga notatae, “O, Tuan, aku nonjagamo sansina-sinaa mau pihi mau sinaa.”