NEHEMIA 11:14 - KITAB NU TUMPU ALLA LELE MA'IMAI'

¹⁴ Aha sa'anakan mae aiya 128 na mian, suludadu anu toto babaani. Kapala mae nu aha atina'mo: i Zabdiel, anak i Gedolim.

NEHEMIA 11:14 Iomraidhean Croise

1 TAWARIKH 26:6

I Semaya anak tumpe i Obed-Edom kino anak mo'ane aha 6: i Otni, i Refael, i Obed, i Elzabad, i Elihu tiba i Semakhya; iwi-iwi' to mia-mian anu talasanggo hi aha sa'anakan, kalana aha toto babaani, anu talalo hondo baani aijo'mo i Elihu tiba i Semakhya.

1 TAWARIKH 9:13

To ima-imam anu salaku tu'anyo nu auwan iwi-iwi' aha 1.760 na mian. Aha pande hondo na mombau apa-apaa anu okalaja i Laigan nu Tumpu.

NEHEMIA 11:13

To kapa-kapala nu auwan hi aha sa'anakan aijo' konjoo'nyo 242 na mian. I Misai anak i Asareel ka' makumpu i Ahzai. Sala'samian na mompolee'nyo mae sangga'at aijo'mo: i Mesilemot tiba i Imer.

NEHEMIA 11:15

To mia-mian nu aha Lewi: I Semaya anak i Hasub ka' makumpu i Azrikam. Sala'samian na mompolee'nyo mae sangga'at aijo'mo: i Hasabya tiba i Buni. I Sabetai tiba i Yozabad, aha to mia-mian nu Lewi anu talasanggo hondo anu monjagai kalaja i sambiha'nyo nu Laigan nu Tumpu. I Matanya anak i Mikha ka' makumpu i Zabdi, aha lee' mae lee' i Asaf. Ia kapala nu to mia-mian anu manyanyi de balado'amo montalima kase hi Tumpu. I Bakbuya na wakin i Matanyo. I Abda anak i Samua tiba makumpu i Galal, aha lee' mae i Yedutan. Iwi-iwi' konjoo'nyo 284 na mian.

NEHEMIA 11:22

To mia-mian nu aha Lewi anu montoa mian anu mokalaja, anu jojoong i Yerusalem aijo'mo: i Uzi anak i Bani ka' makumpu i Hasabya. Sala'samian na mompolee'nyo mae sangga'at aijo'mo: i Matanya tiba i Mikha. Ia minsoop aha sa'anakan mae i Asaf anu mokalaja mongulus to panya-panyanyi i Laigan nu Tumpu.

NEHEMIA 12:42

anu i lumajang nontuntuni aha, i Maaseya, i Semaya, i Eleazar, i Uzi, i Yohanan, i Malkia, i Elam ka' i Ezer. Anu nongkapalai to panya-panyanyi i Yizrahya.