NEHEMIA 10:37 - KITAB NU TUMPU ALLA LELE MA'IMAI'

³⁷ Kami tionyo ahi' momboa hi to ima-imam i Laigan nu Tumpu kompolan nu gandum anu binaumo labu aijo'mo bua' nu gandum anu momona opadak na bua'nyo sataun toka sataun ka' mule' iwi-iwi' na palasombahan sangga'at sumo anggur, lanya' nu zaitun ka'iwi-iwi' na ngangahan nu bua' nu kau' sangga'at. Palasombahan anu sambagian na o ala i sampulu' na bagian na isi nu ale' tionyo ahi' oboa mami hi to mia-mian nu Lewi anu molimu' apa-apaa na palasombahan anu o ala sambagian hi sampulu' na bagian anu lengkat mae i songko-songko na kota' anu ko ale'nyo.

NEHEMIA 10:37 Iomraidhean Croise

2 TAWARIKH 31:6

Iwi-iwi' na mian anu jojoong i to kota-kota' nu Yehuda nomboamo mae sambahagian na potuu'on nu aha anu ingala i sampulu' na bagian na sapi', ka' domba nu aha, ka' mule' manjoo' hondo na balang sangga'at lantas sinombahkonmo nu aha iwi-iwi' hi Tumpu Allah nu aha.

NEHEMIA 13:10

Ka' mule', sinumbu'kumo taalu' to mia-mian anu mompahaikakon musik ka' to mia-mian nu Lewi nompala'imo Yerusalem ka' po'ule'mo ninsusule' i ale' nu aha toto samian, kalana mian da'isan madi' momposukupakon apa-apaa na anu nupalalui nu aha.

NEHEMIA 13:12

Lapas aijo' songko-songko na mian da'isan nu aha Israel nompo'ule' mule' nombee' anu oba-obagi sampulu' na bahagian ka' sambagian na obee' aijo'mo gandum, anggur ka' lanya' nu zaitun lantas oboamo i salipi' lewa' pompo'una'an mantu posadiaon.

NEHEMIA 13:5

I Elyasib nombee'mo hi Tobia sa'angu' na salipi' anu daka' anu sabenannyo oposadia samata-mata pongisian gandum anu sinombahkonmo hi Tumpu, ka' mule' kamangian, pakakas anu opake i Laigan nu Tumpu, ka' mule' palasombahan mo da obee' hi to ima-imam, anu ingalana sambahagian na gandum, anggur, ka' i sampulu' na lanya' nu zaitun bahagian ka' obee' hi to mia-mian nu Lewi, to mia-mian anu mompahaikakon musik ka' anu monjagai Sabatan Daka' Laigan nu Tumpu.

NEHEMIA 13:9

Lapas aijo' pinokaungkumo da mombau adatnyo momposusi' salipi' haha aijo'. Ilapas na aijo' po'ule'mo sinule'akonku nokiijo' iwi-iwi' na gandum anu sinombahkonmo ka' kamangian ka'to paka-pakakas nu Laigan nu Tumpu.

NOSABATMO 13:12

belemiu tionyo ahi' monsombahkonmo batu-batu anak mo'ane tumpe ka' batu-batu potuu'on lakinyo anu momona inganakakon. Iwi-iwi' aijo' anumo nu Tumpu,

NOSABATMO 13:2

“Osombahkon mae iwi-iwi' na anak to momo'ane anu tumpe hi belengKu. Batu-batu anak to momo'ane anu tumpe i Israel, ka' batu-batu potuu'on lakinya anu momona inganakakon, atina' anu nu beleng-Ku.”

IMAMAT 23:17

Toto sangauwan tionyo ahi' monsombahkon ohua' na roti bau palasombahan anu obee' hi Tumpu. Roti haha aijo' tionyo ahi' obau ohua' na kilogram na labu anu ma'ima' hondo ogalo'i ragi ka' tionyo ahi' obee' hi Tumpu salaku palasombahan hasin nu ale' anu momonanyo.

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

MALEAKHI 3:8

Uuka aiya Ku pokilawamo hi belemiu: Pa' timbali ahi' na manusia mongakali Tumpu? Tantu ahi' madi'. Panyo belemiu nongakalimo Aku. Belemiu nompokilawa, ‘Mosia?’ Tinamaan-Ku: Tentang han mombayan anu sampulu' na bagian sampulu' na o'ala ka' mombee' palasombahan.

NOMBILANGMO 18:15

Iwi-iwi' anu momona pinohampe nu manusia kabai anu inganakakon nu binatang anu sinombahkonmo nu aha mian Israel hi beleng-Ku baumo bagi nu belemiu. Panyo belemiu tionyo ahi' montobus to ana-anak nu belemiu anu tumpe ka' mule' anak nu binatang anu madi' timbali okaan.

NOMBILANGMO 18:18

Antoknyo baumo bagi nu belemiu, pokakana sumomo saha'annyo ka' pa'anyo koanan anu obee' ka' osombahkon hi beleng-Ku.

NOMBILANGMO 18:21

Tumpu notataemo hi Harun, “Iwi-iwi' na palasombahan nu aha mian Israel anu sampulu' na bahagian, sambahagian na Ku bee' hi aha mian nu Lewi. Aijo'mo na bau bagi nu aha kalana aha nokalajamo i Kemah-Ku.

ROMA 11:16

De sandihis na roti anu momona binee'mo hi Tumpu, aijo' alati'nyo iwi-iwi' na roti obee'mo hi Tumpu. Ka' de bakat nu kau' anu Nu Tumpu, aijo' alati'nyo to panga-panga'nyo anu-Nyomo suele.

PO'ULE' INGULIT 14:22

“Sataun toka sataun belemiu tionyo ahi momposi po'iwi' anu sampulu' na bagian, sambagian na o ala i hasinnyo nu tano' miu iwi-iwi'.

PO'ULE' INGULIT 18:4

Gandum anu momona o padak, anggur, lanya' nu zaitun ka' bulu nu domba aijo' suele baumo bagi nu aha.

PO'ULE' INGULIT 26:2

saba' isinyo momona nu ale' miu tionyo ahi' olimu' miu ka' o isi i basung, ka' oboa miu i tampat anu pinile'anmo nu Tumpu Allah nu belemiu.