NEHEMIA 10:36 - KITAB NU TUMPU ALLA LELE MA'IMAI'

³⁶ Kami tionyo ahi' momboa to ana-anak mami anu to momo ane tumpenyo hi to ima-imam i Laigan nu Tumpu da obee' hi Tumpu Allah susumo koonyo nu Atulan nu Tumpu. Kami suele mombee' anak nu sapi', anak nu domba kabai anak nu mee' mami anu momona o anakakon.

NEHEMIA 10:36 Iomraidhean Croise

2 TAWARIKH 31:5

Kalana palentah aijo' binebakonmo, mian nu Israel nomboamo mae i Laigan nu Tumpu apa-apaa na anu binee'mo nu aha aijo'mo isi nu ale' nu aha anu momona ingala, aijo'mo: labu, anggur, lanya' nu zaitun, juu' nu uwani', ka' isi nu ale' sangga'at. Ka' mule' aha suele nomboamo mae sambagian anu ingala i sampulu' na bagian na halata' nu aha.

NEHEMIA 12:44

Tempo'nyo aitu daagi' ko to pia-piangkuka na mian binee'anmo kalaja monjagai iwi-iwi' na salipi' anu pongisian apa-apaa na anu obee'mo nu mian bau kapalaluan i Laigan nu Tumpu, tibamo anu osombahkon hi Tumpu anu inga-ingala na sambagian i sampulu' na bahagaian na isi nu ale' anu momona ingala i taun aijo'. Aha anu binee'an kalaja monjagai aijo' tionyo molimu' anu nubee' nu mian aijo', lengkat i iwi-iwi' na ale' anu madi' majo'on i to kota-kota'. Anu nubee' mae nu mian haha aijo' obee' hi to ima-imam ka' hi to mia-mian nu Lewi, susumo anu ingatunmo i Atulan nu Tumpu. To mia-mian nu Yehuda mongadati hondo to ima-imam ka' to mia-mian nu Lewi haha aijo',

NEHEMIA 13:5

I Elyasib nombee'mo hi Tobia sa'angu' na salipi' anu daka' anu sabenannyo oposadia samata-mata pongisian gandum anu sinombahkonmo hi Tumpu, ka' mule' kamangian, pakakas anu opake i Laigan nu Tumpu, ka' mule' palasombahan mo da obee' hi to ima-imam, anu ingalana sambahagian na gandum, anggur, ka' i sampulu' na lanya' nu zaitun bahagian ka' obee' hi to mia-mian nu Lewi, to mia-mian anu mompahaikakon musik ka' anu monjagai Sabatan Daka' Laigan nu Tumpu.

NOSABATMO 13:2

“Osombahkon mae iwi-iwi' na anak to momo'ane anu tumpe hi belengKu. Batu-batu anak to momo'ane anu tumpe i Israel, ka' batu-batu potuu'on lakinya anu momona inganakakon, atina' anu nu beleng-Ku.”

NOSABATMO 23:19

Sataun toka sataun belemiu tionyo ahi' momboa i Laigan nu Tumpu Allah nu belemiu, gandum anu momonanyo pinadak nu belemiu. Antoknyo nu anak nu domba kabai anak nu mee' madi' timbali okola' tiba juu' nu susu nu tinanyo.”

NOSABATMO 34:19

Batu-batu anak mo'ane tumpe ka' binatang lakinyo anu momona inganakakon, Aku na tumpunyo.

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

GALATIA 6:6

Mian anu nontalimamo pangajalan i Kristus, tionyo ahi' mobagi hi gulu'nyo apaa na anu ma'ima' iwi-iwi', anu daagi'mo hi ia.

PO'ULE' INGULIT 12:6

I tampatmo aijo' na tionyo ahi' pomboan nu belemiu to kolo-koloban anu opotunu ka' to kolo-koloban sangga'at, anu osombahkon nu belemiu sambagian o ala i anu sampulu' na bagian tiba iwi-iwi' na anu osombahkon sangga'at, koloban bau pombayan anu jinanji'mo nu belemiu, koloban kasanangan nu kinyonyoa miu ka' anak nu sapi' ka' mee' ka' domba nu belemiu anu momona pino'anaknyo.