NEHEMIA 10:34 - KITAB NU TUMPU ALLA LELE MA'IMAI'

³⁴ Kami mian da'isan to ima-imam ka' mule' aha to mia-mian nu Lewi nombuangmo onde sataun toka sataun da osumbu' pa aha sa'anakan mae ihe na montoukai kau' anu oposun bau pompotunuan koloban palasombahan hi Tumpu Allah mami susumo koonyo nu Atulan nu Tumpu.

NEHEMIA 10:34 Iomraidhean Croise

1 TAWARIKH 24:5

Kalana maumo lee' mae i Eleazar kabai lee' mae i Itamar daagi' ko anu ko pangkatnyo mokalaja i Laigan nu Tumpu ka' to pola-polaya' nu agama sahingga nombagi apaa na anu okalaja binuangakon onde.

1 TAWARIKH 24:7

Aiya na nomon lengkat hi anu momona sampe tinoka hi anu mihi-mihinyo, aijo'mo aha anu mokalaja anu binagi nu ondean kona hi aha anu uampulu' ka' opat na tompukannyo aijo': 1. Yoyarib 13. Yesua 2. Yedaya 14. Sekhanya 3. Harim 15. Elyasib 4. Seorim 16. Yakim 5. Malkia 17. Hupa 6. Miyamin 18. Yesebeab 7. Hakos 19. Bilga 8. Abia 20. Imer 9. Hezir 21. Yakhim 10. Hapizes 22. Gamul 11. Petahya 23. Delaya 12. Yehezkiel 24. Maazya.

2 TAWARIKH 2:3

I Salomo nompotuunmo tanga'annyo aijo' hi Hiram tomundo nu aha Tirus, “De timbali da belento Tuan mompaha bada-badagang tiba aku susumo tiba i Daud tuumangku. Belento Tuan nompobalukmo hi ia kau' lontio' nu Libanon anu binaunyomo laigan nu tomundo kajojoongannyo.

EZRA 3:5

Ka' mule' aha nonsombahkonmo koloban anu opotunu ka' koloban i Sinaa Molame'akon Koloa, anu bete'je mae, ka' iwi-iwi' na sinaa polame'akonan sangga'at bau ponsomban Tumpu. Aha suele nonsombahkonmo hi Tumpu apa-apaa na anu osombahkon, iya na kasanangan nu kinyonyoa nu aha.

NEHEMIA 11:1

To pola-polaya' jinojoongmo tataap i Yerusalem ka' mule' mian da'isan nompile'imo suele ihe na jojoong i kota' aijo' binuangakon onde na nompile'i, to sampulu' na duan, sa'angu' na auwan na jojong i kota' susi' Yerusalem. Anu madi' kinona nu pompile'i jojoong i to kota-kota' sangga'at.

NEHEMIA 13:31

Ingatunkumo mule' da toka i sinaanyo anu tinantukanmo, kau' anu oposun de monsombahkonmo koloban, oposadiamo, ka' mian da'isan tionyo ahi' momboa mae palasombahan isi nu ale' anu momona ingala i'ale'. Ahennyo aku binalado'amo, “O Tumpu Allah-ngku, inau'akon mae na aiya iwi-iwi' ka' balakatiakon mae na aku.”

AMSAL 18:18

Tiba ondean, painggagan timbali opoko ala opobelenti ka' mule' pompahasala'an hi bubu' aha mian anu balakuasa suele timbali opoko ala oputusi ima-ima'.

YESAYA 40:16

Iwi-iwi' na binatang i, alas nu Libanon madi' sampa' na bau koloban anu opotunu; iwi-iwi' na kau'nyo talalo ahi' sangkiding na bau kau' anu oposun.

IMAMAT 24:5

O'ala sampulu' ka' ohua' na kilogram na labu anu ma'ima' hondo ka' baumo sampulu' ka' ohua' na roti anu timpodon, toto sa'angu', sa'angu' na kilogram na labu'anu obau.

IMAMAT 24:6

Opotimpas na roti aijo' ohua' na susunannyo, toto anom na roti aijo' i meja' anu i lapisan nu mosoni' anu madi' ko galo'nyo anu inguna' i uno nu Kemah nu Tumpu.

NOMBILANGMO 28:2

da mompotokakon hi bansa Israel tukoonyo aha tionyo ahi' mongintomakon totu-totu'u da toka i tempo'nyo anu tinantukanmo osombahkonmo na to kolo-koloban sumo kaanon anu momposanang kinyonyoa nu Tumpu.

SISIKON NU TO RASUL-RASUL 1:26

Lapas aijo' ohua' na sanggo aijo' ingonde, lantas ondean nanabu' hi Matias. Jadi ia i hangkat tinimbali rasul da mosangalu tiba sampulu' ka' sa'angu' na rasul sangga'atannyo.

YOSUA 9:27

Panyo aha oppotimbalimo posaihon – bau pongala kau' ka' bau pongasu uee nu aha mian Israel ka' i mezbah nu Tumpu. Sampe tempo' uuka aha daagi' mombau kalaja susumo aijo' i tampat anu pinile'anmo nu Tumpu da bau tampat ponsomban Ia.