NEHEMIA 1:9 - KITAB NU TUMPU ALLA LELE MA'IMAI'

⁹ Panyo de kami po'ule'mo mohongo-hongo belento ka' montulutimo palentah nu Belento iwi-iwi', saba' kami anu nobagi-bagimo aijo' po'ule'je oposihuk nu Belento, maumo kami kiijo'mo mae i puusnyo nu dunia. Lantas sinuleakontomo mae nu Belento na kami i tampat anu pinile'anmo nu Belento da bau tampat ponsomban belento.

NEHEMIA 1:9 Iomraidhean Croise

1 TOMU-TOMUNDO' 8:48

De ilipu' aijo' aha sanaangmo ka' totu-totu'umo na kinyonyoa nu aha mompala'imo to dosa-dosa' nu aha ka' balado'amo hi Belento mongahopi mae lipu' aiya anu binee'mo nu Belento ka' laigan ponsomban anu binaungkumo ponsomban Belento aiya.

1 TOMU-TOMUNDO' 9:3

Tumpu nompoto'i hi ia, “Do'a nu beleyum i hongong-Kumo ka' tiba jalan aiya Laigan anu binaumo nu beleyum aiya, uuka aiya Ku poto'imo timbalimo tampat samata-mata bau ponsomban Aku sampe toka sidu-sidutu'. Saja'mo-Ku toa ka' Ku jagai na tampat aiya.

1 TAWARIKH 16:35

Taloakon mae “O Tumpu Allah, anu momposalamat kami, posalamatakon mae na kami da bolimo nu kuasai nu to bansa-bansa, ka' po'ule'mo posihuk na kami da kami timbali montalima kase ka' mompuji' sanggo nu belento anu susi'!”

EZRA 6:12

O' amalakon da Tumpu Allah anu nompile'imo Yerusalem salaku tampat bau ponsomban Ia, mompatei batu-batu tomundo kabai bansa anu baani molanggai palentah aiya, ka' mongkahanda'i mongidei Laigan nu Tumpu kiijo' i Yerusalem, Aku, i Darius nombee'mo palentah aiya. Obau na palentah aiya ma'i-ma'ima'.”

MAZMUR 106:47

Posalamatakon mae na kami, O, Tumpu mami, po'ule' mae posihuk na kami anu noga'a-ga'atmo hi to bansa-bansa sangga'at, da kami montalima kasemo ka' mompuji'mo sanggo nu Belento anu susi' hondo.

MAZMUR 107:3

Belemiu anu jinojoongmo i tano' nu mian pinosihuk-Nyomo lengkat i to kampu-kampung anu isalipu'an, lengkat mae i kabete'an ka' i kinsoban, utara ka' salatan.

MAZMUR 147:2

Tumpu po'ule'mo mompotinjo Yerusalem; to mia-mian anu i hakop ka' binoamo, po'ule'mo Nu sule'akon mae.

YESAYA 11:12

Tumpu mompotinjomo sa'angu' na bandela' bau pontoan nu to bansa-bansa. Aijo'mo na tandanyo taalu' Ia po ule'mo nomposihuk bansa Israel, tiba bansa Yehuda anu noga'a-ga'atmo iyaya mae i dunia aiya ka' monsule'akonmo mae aha.

YESAYA 27:12

Tempo'nyo aijo' Tumpu momposihukmo bansa-Nyo toto sa'angu' lengkat mae i Kaunyo nu Efrat toka-toka ipotempasan tiba Mesir. Nu posi po iwi'mo na aha susumo mian mompo iwi'mo batu nu gandum da madi' maninggalo' tiba ota'nyo.

YESAYA 56:8

Sumo uukamo na potatae nu Tumpu Anu Matangkas na Kuasanyo anu nolaya'mo Israel ninsusule' mae lengkat i tampat pinompojongan aha, “Aku momboamo aha to mia-mian sangga'at da mogalumo hi aha anu sinuhukmo mae.”

YEREMIA 12:15

Panyo salatan osabatakonmo na aha, po ule'je ahi' Ku kalibosi na aha; batu-batu bansa po ule'mo Ku sule'akon mae minsusule' iposi lipu' nu aha.

YEREMIA 3:14

Tumpu notatae, “O mian anu madi' tulu-tulutan pinsusule'mo mae hi beleng-Ku! Belemiu Akumo na tumpunyo. Aku mongalamo belemiu toto samian isa'angu' na kota' ka' mule' toto ua'aha isa'angu' na tulunan nu bansa ka' po ule'mo momboa belemiu i Puge'nyo nu Sion.

YEREMIA 31:10

Tumpu notatae, “Potombihing mae o to bansa-bansa! Poto'iakon na potuunon-Ku toka-toka isantoa nu ambai: Mian anu palesayamo hi beleng-Ku anu gina'a-ga'atakon-Kumo po ule'mo Ku posihuk ka' Ku potuu'mo susumo polaya' domba monjagai dombanyo.

YEREMIA 32:37

Po ule'mo Ku posihuk na bansa aiya lengkat mae ibansa iwi-iwi' tampat pipinongga'a-ga'atakonan-Ku aha kalana Aku pinusamo, ka' notambuha'mo hi aha. Aha Ku boamo mule' mae itampat aiya ka' Ku pobee'mo jojoong i aiya sahingga madi'mo ko anu mompoposia.

YEREMIA 6:22

Tumpu notatae, “Sa'angu' na bansa anu mahoson hondo nolengkatmo mae lengkat ilipu' anu majo'on isasu utara. Aha toka mae kahanda'mo mahampate.

YEHEZKIEL 14:6

Poto'i mule' ahi' hi aha mian nu Israel taalu' Aku, Tumpu Anu Matangkas na Kuasanyo mompoto'i hi aha, ‘Balatobatmo bolimo daagi' mombau dosa' nu belemiu ka' mule' pala'imo na pilogot nu belemiu haha atina anu mompobubun mae.’

YEHEZKIEL 36:24

Ku posihukmo na belemiu lengkat mae i batu-batu bansa tiba lipu' Ka' Ku sule'akonmo itano' nu belemiu.

IMAMAT 26:3

De belemiu tumuu' ka' montuluti atulan-Ku haha aiya ka' mule' montuluti palentang-Ku haha aiya.

ZAKHARIA 8:7

Aku momposalamatmo mian anu palesayamo hi beleng-Ku anu kiijo' mae isongko-songko na lipu' pipinomboanmo aha,

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

PO'ULE' INGULIT 12:21

Kalana tampat anu pinile'anmo nu Tumpu Allah nu belemiu, talalo majo'on lengkat i tampat nu belemiu, belemiu timbali mongkolot sa'angu' na sapi', domba kabai mee' anu binee'mo nu Tumpu hi belemiu, ka' okaan na antoknyo i tampat nu belemiu yayamo pa' iya na anu oka'ima'i nu belemiu, susumo anu pinoto'ingkumo hi belemiu.

PO'ULE' INGULIT 12:5

Songko-songko na da'erah nu to tulu-tulunan nu aha Israel Tumpu Allah nu belemiu mompile'ije sa'angu' na tampat da bansanto moko ala toka i ahop-Nyo ka' monsombah Ia.

PO'ULE' INGULIT 30:1

“Uuka aiya belemiu mompile'imo pa' balakat kabai kutuk susumo anu tinutuhakonmo hi belemiu. De belemiu nongoa'imo kasansala'an aijo' iwi-iwi' ka' tinumuu'mo hi bansa-bansa anu i salipu'an i tampat nu belemiu pinongga'a-ga'atakonan nu Tumpu Allah nu belemiu, belemiu tonginau'mo i apaa na anu pinoki pile'ankumo hi belemiu.