NEHEMIA 1:7 - KITAB NU TUMPU ALLA LELE MA'IMAI'

⁷ Kami pinagagamo hi belento, ka' nolanggaimo iwi-iwi na palentah nu Belento. Kami madi'mo nombau apaa na koonyo nu Atulan haha aijo' anu binee'mo mae nu Belento hi kami aijo'mo anu pipinotokamo i Musa posaihon nu Belento aijo'.

NEHEMIA 1:7 Iomraidhean Croise

1 TOMU-TOMUNDO' 2:3

Ka' obau apaa na anu nu palentahkon nu Tumpu Allah nu beleyum hi beleyum. O tuluti na to atu-atulan ka' to pale-palentahNyo anu tinulismo i uno nu Kitab i Musa, da momoya na kalambanan nu beleyum mingkaliangan na anu nu bau.

2 TAWARIKH 25:4

Panyo to ana-anak nu mian anu ko pangkatnyo haha aijo' madi' pinateannyo kalana montuluti palentah nu Tumpu anu i uno nu Kitab i Musa anu montaloakon, “Boli mohukum opatei na to tu'a-tu'anyo kalana montoa kalakuan nu to ana-anak nu aha anu mombaumo anu ma'idek, ka' boli mohukum opatei na to ana-anaknyo kalana montoa kalakuan nu to tu'a-tu'anyo nu aha anu mombaumo anu ma'idek. Batu-batu mian o hukum opatei, ola de mosi baumo kalakuan anu ma'idek.”

2 TAWARIKH 27:2

I Yotam saja' momposanang kinyonyoa nu Tumpu susumo i Uzia tuumanyo. Ola ia madi' nompapui kamangian i Laigan nu Tumpu, susumo anu binaumo nu tuumanyo. Panyo maumo sumo aijo' mian da'isan na saja ahi' mombau dosa'.

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

MAZMUR 106:6

Kami binaladosa'mo susumo mompolee' mami; kami nombaumo gau' anu ma'idek ka' pinalagantamo.

MAZMUR 89:31

Panyo de lee' nu aha molanggai atulanku, ka' madi' tumuu' mombatuki palentah-ngKu,

MAZMUR 89:32

de aha madi' mompajuli anu tinantukan-Kumo ka' madi'mo montuluti atulan-Ku,

YESAYA 1:4

Silakamo na belemiu bansa anu binaladosa', to mia-mian anu palalente ka' mian anu ma'idek na kinyonyoanyo! Belemiu inanabu'mo kalana-binaladosa'mo na belemiu. Belemiu madi'mo nonsumbu' Tumpu ka' nohikuhakonmo Tumpu anu Talalo hondo susi' anu tionyo ahi' osombah nu belemiu.

DANIEL 9:11

Songko-songko na Israel nolanggaimo iwi-iwi' na atulan nu Belento ka' madi' mongka'oho' mompotombihing potatae nu Belento. Kami binaladosa'mo hi Belento kalana aijo' binee'anmo mae nu belento kutuk na kami susumo anu tinulismo i Kitab i Musa posaihon nu Belento.

DANIEL 9:13

Iwi-iwi' na balaa' anu tinulismo i uno nu atulan i Musa binee'mo mae nu belento hi kami. Panyo maumo ahi' sumo aijo' o, Tumpu mami daagi' ahi' saja' kami madi' mombau anu momposanang kinyonyoa nu Belento. Kami daagi' sabole-bole madi' mongka'oho' mompala'i iwi-iwi na dosa' mami ka' madi mule' mongka'oho' mompalahatikan to panga-pangajalan nu Belento.

HOSEA 9:9

Talalo hondo ma'idek na palabuatan nu belemiu sumo anu toho'mo binau nu aha mian Gibea, Tumpu monginau'mo kasala'an nu belemiu ka' mohukumo belemiu kalana dosa' nu belemiu.

IMAMAT 27:34

Aijo'mo na to pale-palentah anu binee'mo nu Tumpu aita' i Bungkutnyo nu Sinai hi Musa da ogunakon hi bansa Israel.

ZEFANYA 3:7

Aku bapikin, ‘Uuka aiya tantu mian-Ku anu pinalesayamo moholomatimo Aku ka' mompajulimo iwi-iwi' na pokinde'-Ku. Tantu aha monginau'mo pangajalan anu binee'-Kumo hi aha.’ Panyo taalu' aha ola mule' lebe ahi' mombau anu ma'idek lebemo molingkudui anu u'utu mae.

MALEAKHI 4:4

O'intomakon na pangajalan-Ku iwi-iwi' anu pinoto'imo i Musa, o'intomakon na atulan iwi-iwi' ka' mule' palentah iwi-iwi' anu binee'-Kumo hi ia kiita' mae i Bungkutnyo nu Sinai da otuluti nu aha mian Israel iwi-iwi'.

PO'ULE' INGULIT 4:1

Lantas i Musa notataemo hi bansa aijo', “Tuluti iwi-iwi' na atulan anu pinogulu'kumo hi belemiu, da belemiu timbali tumuu' sampe monjojoongimo tano' anu nubee' nu Tumpu, Tumpu Allah nu mompolee' miu, hi belemiu.

PO'ULE' INGULIT 4:5

Iwi-iwi' na atulan haha aijo' pinogulu'kumo hi belemiu susumo anu pinalentahkonmo nu Tumpu Allah-ngku. Tuluti na iwi-iwi' aijo' i lipu' anu opinsoopi miu ka' jojoongmo ikiijo'.

PO'ULE' INGULIT 5:1

I Musa nomposihukmo iwi-iwi' na aha bansa Israel, lantas notataemo hi aha, “To Utu-utus, potombihing mae na atulan haha aiya anu ku bee' hi belemiu sinaa aiya. Opakalioi na atulan haha aijo' ka' otuluti boli okolilimi.

PO'ULE' INGULIT 6:1

“Tumpu Allah nompokaumo aku da mompogulu' iwi-iwi' na atulan aiya hi belemiu da obau nu belemiu i lipu' anu madi'mo pin o jojoongimo nu belemiu.

ANU PINOTO'I HI YOHANES 19:2

Pomputusi-Nyo palakala adin ka' pande hondo! Ia nomputusimo hukuman hi anu talalo hondo masala', anu nongideimo dunia kalana ia lewa' masala'. Tumpu nohukumo anu masala' aijo', kalana ia nompateimo to posa-posaihon nu Tumpu.”