NEHEMIA 1:11 - KITAB NU TUMPU ALLA LELE MA'IMAI'

¹¹ Potombihingakon mae na do'angku ka' do'a nu posaihonto iwi-iwi' sangga'at, anu mongka'oho' moholomati belento. Tulungiakon mae o Tumpu sinaa aiya da posaihon nu belento aiya nukalibosi mae i tomundo.” Tempo'nyo aitu kalajangku anu nu inum i tomundo memongulus.

NEHEMIA 1:11 Iomraidhean Croise

KAJADIAN 24:42

Ka' salatan aku tinokamo i bubung u'uka, aku binalado'amo i uno nu kinyonyoa, 'O Tumpu, Tumpu Allah nu tuanku i Abraham. Pohumpakakon mae o Tumpu da apaa na anu ku kalaja ko hasinnyo.

KAJADIAN 32:11

Sabole-boleh ku poita, posalamatakon mae na aku hi utusku tu'a i Esau. Aku mabuhuk boli-boli ia tokamo mae ka' mompateimo mae kami iwi-iwi', sumo aitu mule' boune ka' to ana-anak.

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

KAJADIAN 40:1

Madi' pinin ua'aha na posaihon nu tomundo Mesir, aijo'mo anu mongkalesang inumonnyo ka' anu mongkalesang rotinyo, nombaumo kasala'an hi tomundo.

KAJADIAN 40:2

Sahingga notambuha'mo na i tomundo hi ua'aha na posaihonnyo aijo',

KAJADIAN 40:21

Anu mongkalesang inumon po'ule'mo pinokalajanyo i kalajanyo u'utu mae.

KAJADIAN 40:23

Panyo anu mongkalesang inumon aijo' madi'mo nonginau' i Yusuf, kinolilimannyomo totu-totu'u na ia.

KAJADIAN 41:9

Lapas aijo' anu mongkalesang inumon notataemo hi tomundo, “Sinaa aiya ku akuimo na kasala'anku.

KAJADIAN 43:14

O amalakon da Tumpu Allah Anu Daka'hondo na kuasanyo mompotimbali gubernur itina' molibos hi belemiu sahingga ia mongka'oho' monsule'akon mae i Benyamin ka' i Simeon hi belemiu. Mongkona aku aiya, de aku memang madi'mo ahi' ko to ana-anakku yo bemanau'.”

2 TAWARIKH 6:40

Uuka aiya, O Tumpu Allah-ngku, toakon mae na kami ka' potombihingakon mae na do'a iwi-iwi' anu pinotokamo hi belento lengkat i tampat aiya.

EZRA 1:1

Taun momonanyo salatan i Kores tomundo nu Persia nompalentahmo. Tumpu nombaumo apaa na anu pinoto'i-Nyomo hi Nabi Yeremia. Kinakeha'mo nu Tumpu na kinyonyoa i Kores da nombee'mo sulat palentah anu binasa'akonmo hi songko-songko na kalaja'an. Onyi'nyo sumo uuka:

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

NEHEMIA 1:6

Toakon mae na aku O Tumpu, ka' potombihingakon mae na do'angku anu ku potoka hi ahop nu Belento sinaa ka' pihi kona hi aha mian Israel, posaihon nu belento haha aitu. Aku mangakumo saba' kami, mian nu Israel binaladosa'mo; aku ka' to mompo-mompolee'ku binaladosa'mo suele.

NEHEMIA 2:1

Daagi' kino sansinaan, salatan ingopatmo na bitu'on noko lapas na aijo', kinakonamo i bitu'on Nisan, tempo'nyo i Tomundo' Artahsasta hau-haunyo mongkaan, aku nontawa'imo anggur ia, ohupku madi'mo binikas. Ma'isa toho' aku tinoa madi' bikas i ahop i tomundo' susumo sinaa aitu.

NEHEMIA 2:8

Ka' mule', aku nompoitamo sulat anu toka obee' hi Asaf, anu monjagai alas nu kalaja'an, da nu potoukai kau' bau tumban nu sabatan daka' i benteng koko Laigan nu Tumpu, ka' anu opake i pagan mesen nu kota', ka' mule' anu bau laigan kajojoonganku. Iwi-iwi' na anu pinoitangkumo aijo' pinopo'imo i tomundo' kalana Tumpu Allah nontulungimo aku.

MAZMUR 106:46

Binalakatan-Nyomo na aha da kinalibosanmo nu mian iwi-iwi' anu nomboamo aha i lipu' nu aha.

MAZMUR 130:2

O, Tumpu, potombihingakon mae na anu ku kakase, palahatikan mae na anu ku poita.

MAZMUR 61:5

Bakasmo da aku sidu-sidutu' jojoongmo i kema' nu Belento, da madi'mo ko anu mompoposia i uno nu polipik nu Belento,

MAZMUR 86:6

Boli mae okolilimi na do'angku, o, Tumpu, potombihingakon mae na potataengku mongkakase da otulungi mae.

AMSAL 1:29

Belemiu sumomo mian anu madi' toho' nongka' ima'i da mohumpak ilimu' ka' madi' montuluti Tumpu.

AMSAL 21:1

Pokakana susumo Tumpu nongatun uee nukaunyo da mo'ili, montuluti pongka'oho'Nyo, sumo aitu mule' na la mongatun pikilan nu tomundo.

YEREMIA 42:12

Kalana aku mongkalibosimo belemiu, Ku pojadimo na itomundo Babel da mongkalibosimo belemiu ka' mompobee'mo belemiu minsusule'. Aku, Tumpu notataemo'.’ ”

MALEAKHI 3:16

Lantas aha to mia-mian anu mongkabuhuk Tumpu notatae hi samian ka' samian. Nu hongo nu Tumpu ka' mule' nu palahatikan apaa na anu nu taloakon nu aha. To mia-mian anu moholomati Ia ka' mule' mongkabuhuk Ia otulismo na sanggo-Nyo, i sa'angu' na kitab anu bau pontulisan anu kiita i ahop-Nyo.

IBRANI 13:18

Saja' odo'akon mae na kami. Otutugi mami, kinyonyoa mami totu-totu'u hodi', kalana iwi-iwi na han saja' anu totu'u na obau mami.