MIKHA 7:9 - KITAB NU TUMPU ALLA LELE MA'IMAI'

⁹ Kita binaladosa'mo hi Tumpu kalana aijo' uuka aiya kita tionyo ahi' mongoa'imo kapusan-Nyo. Panyo madi'mo pin Ia monsangaja'imo kita ka' mule' mombee'imo ka adilan hi kita. Ia monsabatakonmo kita ka' momboamo ijingka; kita mongoa'imo kasalamatan lengkat hi Ia.

MIKHA 7:9 Iomraidhean Croise

2 SAMUEL 24:17

I Daud nontoamo malaekat lewa' nompatei mian da'isan aijo', lantas ia notataemo hi Tumpu, “Aku na binaladosa'mo kalana aku na nombau kasala'an aijo'. Panyo' paya' apaa na kasala'an nu bansa anu binala'mo aijo'? Hukummo mae na aku ka' kami sa'anakan!”

AYUB 23:10

Panyo Nusumbu' na kalakuanku ka' mule' apaa na anu ku bau. De lapangnyo susumo mosoni' aku o'uji', tantu osumbu'mo na kinyonyoangku, totu-totu'u molino.

AYUB 35:14

O Ayub, pakaluas mule' de beleyum motatae tukooyum beleyum madi' nontoa Ia, saba' han anu atina' hi beleyum hau-haunyomo i ahop-Nyo ka' beleyum montanda'imo Ia!

MAZMUR 119:154

Tinjohiakon mae na palakalangku ka' pobebasakon mae na aku; posalamatakon mae na aku susumo anu jinanji'mo nu Belento.

MAZMUR 37:6

Ia na momponyata hannyo beleyum tulu-tulutan susumo jingka ka' kahodi'an nu kinyonyoa nu beleyum susumo sinaa.

MAZMUR 43:1

Bee'i mae ka adinan hi belengku, o Tumpu, tinjohiakon mae na aku da madi' nu kabisa'i nu bansa anu geguan. Pobebas mae na aku da madi' nu patei nu mian anu ma'idek na kinyonyoa nu aha tiba anu saja' mongakali.

MAZMUR 7:6

pojohokmo da aku ololoi' ka' nu hakop nu anu monsampobali' mae, lantas nu pateimo ka' nu pojohokmo aijo' i tano'.

MAZMUR 94:15

Sahingga atulan po'ule'mo ahi' otoongi totu-totu'u de momputusimo, iwi-iwi' na mian anu hodi' na kinyonyoanyo monsangaja'imo.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YESAYA 42:7

Da mombuka' mata nu mian anu napisokmo, ka' mule' mompobebasmo mian da bolimo pintung i uno nu talungku'.

YESAYA 46:13

Ku polia'mo mae na katokaan nu sinaa anu baumo pompo bebasan, kasalamatan anu Kubee' madi'mo daagi' otunda. Ku posalamatmo na Yerusalem ka' mombee'imo kaholomatan hi Israel.”

YESAYA 51:22

Sumo uuka na potatae nu Tumpu nu beleyum Tumpu nu beleyum anu nontinjohimo belemiu, “Kasansala'an anu binee'-Kumo kalana Aku notambuha'mo, po ule'mo Ku ala da madi'mo nu kona na belemiu. Aku madi'mo motambuha' ka' belemiu madi'mo daagi' montanggung.

YESAYA 56:1

Tumpu notatae hi mian anu palesayamo hi Ia, “Baumo apaa na anu adin ka' anu situju hi atulan-Ku. Kalana madi'mo daagi' pin Aku tokamo mae momposalamat belemiu ka' ka'adinan-Ku oponyata'mo.

YEREMIA 10:19

Mian anu jojoong i Yerusaem notataemo daka-daka', “Kami binelaonmo daka' hondo ka' madi'mo opoko ala opakuli'i da ma'alin. Momonanyo sinangka mami saba' kasansala'an aiya opoko ala ahi' osimbu mami, padahan madi' ahi'.

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEREMIA 51:10

Mian anu palesayamo hi Tumpu notataemo, “Tumpu nompotoamo mae hi kita saba' kita na ipihak ahi' nu anu madi' kosala'nyo. Imbo kita mambamo i Yerusalem da osisikto kiijo' mae apaa na anu binaumo nu Tumpu Allah-nto.”

MOHAANGI 1:18

Panyo Tumpumo na anu totu'u, kalana palentah-Nyo madi'mo binatukanKu. Potombihing mae na aku, o to bansa-bansa, toa mae na aku i uno nu sansala. To oli-olitau ka' to lalangkoyangku i hakop ka' binoamo ka' binoamo i tampat pompojoongan.

IMAMAT 26:41

sahingga Aku nongalamo kaputusan molaa'mo aha momboamo ka' opojoongmo i lipu' nu anu monsampobali' aha. Ahennyo, de lee' nu belemiu matundu'mo ka' montalimamo hukuman kalana dosa' ka' kalana noto idekmo na aha.

MALEAKHI 3:18

Mian anu palesayamo hi beleng-Ku montoa mule' bedanyo mosia na mian anu manonong tiba mian anu maidek na kalakuannyo, ka' mule' mian anu monsombah Aku tiba mian anu madi' monsombah Aku.”

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

ANU PINOTO'I HI YOHANES 18:20

O suluga', lame'akonmo na kota aijo' anu na'idekmo! O mian anu pinalesayamo hi Tumpu, to rasul-rasul, ka' to nabi-nabi balame-lame'mo! Kalana Tumpu nohukumo ia salaku pombalosi apaa na anu binaunyomo hi belemiu!

1 SAMUEL 24:15

Soba toa mae na aku aiya anu kahanda'mo nu patei nu tomundo' nu Israel! Soba toa mae na aku aiya anu lewa'mo nu loloi' nu aha! Aku aiya ola sumo sa'angu' na dedeng anu natemo, ola susumo sa'angu' na somoyu.

1 SAMUEL 25:39

Salatan i hongomo i Daud na i Nabal sinilakamo notataemo na ia, “O puji' na Tumpu! Ia nombalosakonmo i Nabal anu saja' mongambangi aku, ka' nontewa'mo posaihon-Nyo aiya da bolimo mombau anu ma'idek. Tumpu nohukumo i Nabal kalana ia saja' mombau anu ma'idek.” Lapas aijo' i Daud nonsaimo mian da mamba hi Abigail mondutakon de timbali da baumo bengkele'nyo.

1 SAMUEL 26:10

I uno nu sanggo nu Tumpu anu tumuu' ku sumpa'akon saba' Tumpuje na mompatei i Saul de ukunnyo tokamo mae kabai de ia matemo i uno nu pahampatean.

1 SAMUEL 3:18

Lantas sinisikmo i Samuel iwi-iwi' apaa na anu ihongonyomo aijo' hi Eli. Madi' ko sa'angu' pe'e na anu pinohowininyo. Lapas aijo' notataemo na i Eli, “Ia aijo' Tumpu bakas da Ia mombau apaa na anu kooNyo aijo' ma'ima'.”