MIKHA 7:8 - KITAB NU TUMPU ALLA LELE MA'IMAI'

⁸ Madi' ko bau pikilan nu aha to sampo-sampobali'to na balame-lame' kalana kita ihansunmo. Kalana maumo ahi' kita pinatundu'mo, panyo kita po ule' ahi' tootinjo. Uuka aiya kita i unomo nu pikat panyo Tumpu na monjingkai mae kita.

MIKHA 7:8 Iomraidhean Croise

AYUB 31:29

Ma'isa toho' ola sanang na kinyonyoangku de mian anu madi' ma'ima' hi belengku mohumpakmo kasansala'an kabai ola aku lame' kalana ia mohumpakmo balaa'.

MAZMUR 112:4

Jingka monjingkaimo i uno nu pikat kona hi mian anu hodi' na kinyonyoanyo, kona hi mian anu adin, pangkalibosi ka' manonong.

MAZMUR 143:3

Anu monsampobali' mae aku nololoi'mo mae ka' nompatundu'mo aku, ka' nontuamo aku i uno nu talungku' anu pintung: aku timbalimo susumo mian anu pininmo na sinilaka.

MAZMUR 20:8

Daagi' ko mian anu montakabunakon kaletanyo anu opake mahampate, daagi' mule' ko anu montakabunakon ajahannyo. Panyo kita montakabunakon kuasa nu Tumpu, Tumpu-nto.

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 35:19

Boli opojohok na aku opopo ambangmo nu mian anu monsampobali' mae aku padahan madi' ko sababnyo. Boli opojohok na aku okokojoi nu mian anu mongka'ideki mae aku padahan madi' ko sababnyo.

MAZMUR 37:21

Mian anu ma'idek na kinyonyoanyo monsabon hi mian ka' madi'mo daagi' monsule'akon panyo mian anu ma'ima' na kinyonyoanyo na mombee'i ahi' ka' sanang ahi' na kinyonyoanyo.

MAZMUR 37:24

De maluanyo ia manabu' madi' ahi' belaon taha-tahahumo, kalana Tumpu na montoongi limanyo.

MAZMUR 38:16

Panyo aku na montaha'imani ahi' Belento o Tumpu ka' Belento, o Tumpungku nontaamimo mae aku.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

MAZMUR 97:11

Jingka binete'mo, da monjingkaimo mian anu hodi' na kinyonyoanyo; ka' kalame'an hi aha anu hodi' na kinyonyoanyo.

YESAYA 2:5

O, lee' mae i Yakub, imbo' kita lumajangmo ijingka nu Tumpu!

YESAYA 49:9

Mian anu tinalungku'mo Ku palentahmo da mosabat; anu daagi' itampat anu pikat Ku boamo itampat anu majingka. Ka' mule' ipuge'nyo anu madi' ko anu montumuu'i, aha madi' kakulangan, tutus jalan daagi ko anu okaan.

YESAYA 50:10

O, belemiu anu moholomati Tumpu, ka' mompotombihing mae potatae nu posaihon-Nyo, jalan anu otului nu belemiu ugaat ahi' pintung madi' kojingkanyo anu monjingkai belemiu; panyo palesaya na Tumpu; paninseha hi Tumpu nu belemiu.

YESAYA 9:2

O, Tumpu binee'anmo nu Belento kabilahian na aha anu taha-tahahumo Pinojadimo nu Belento na aha da lewa' nontaligalai. Aha ilame'mo kalana kanonongan nu Belento. Susumo mian anu binilahimo tempo'nyo nomposihukmo anu pinadakmo kabai nombagimo anu pinahuhuakon mae.

YEREMIA 48:27

Te misa' naipuan mae mian nu Israel kinokojoanmo ahi' nu aha mian nu Moab ka' lewa'mo pinobau-bau au'aitu aha kinadapatanmo hingga-hinggat iba aha anu sola' montomang?

YEREMIA 50:11

Tumpu notatae, “O, mian nu Babel, belemiu nontololangimo mian anu palesayamo hi beleng-Ku. Belemiu naha lumpatanmo kalana ilame'mo sumomo ahi' ajahan anu nontihaha'mo, ka' mule' sumomo ahi' sapi' anu hau-haunyo mongotot.

YEREMIA 8:4

Tumpu nompalentahmo aku da mompoto'i sumo uuka hi mian anu palesayamo hi Ia, “De mian anu manabu' tantu ia po ule' mobula ka' de mian anu talas ijalan tantu ia po ule' minsusule' mae.

YEHEZKIEL 25:6

Tumpu Anu Matangkas na Kuasanyo notatae, “Belemiu mohapa'imo lima ka' lame'mo na monsalelei. Belemiu madi'mo mompajuli tano' nu Israel.

YEHEZKIEL 35:15

pokakanamo susumo belemiu sinanangmo tempo'nyo nontoamo Israel anu Aku na tumpunyo iliingmo hondo. Iwi-iwi na bungkutnyo nu Seir ka' mule' songko-songko na tano' nu Edom timbalimo liing hondo. Sahingga nu sumbu'je nu mian iwi-iwi' taalu' Akumo ahi' na Tumpu.’ ”

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

OBAJA 1:12

Madi' pantas na beleyum ola sanang na montoa nasib anu sinoe'mo hi aha mian nu Yehuda ka' ola mule' lame' de tokamo isinaanyo utus nu beleyum aijo' osilakaimo. Madi pantas na beleyum manjoo' na potatae de ia susa'mo.

MIKHA 4:10

O, mian anu jojoong i Yerusalem, uminyohatmo ka' tolo odosmo susumo boune anu kahanda'mo mongaanak! Kalana uuka aiya belemiu tionyo ahi' mompala'imo kota' ka' jojoongmo i padang. Belemiu memang ahi' mambamo i Babel, panyo ikiijo' mae Tumpu molapasakonmo belemiu da madi'mo nu pahampateakon nu mian anu monsampobali' belemiu.

MIKHA 7:10

Naipuan mae sampobali' mongalu kita, aha notatae, “Iya mae na Tumpu nu belemiu aijo'?” Panyo uuka aiya aha montoamo apaa na anu nu bau Tumpu, hi kita, ka' aha ma'ambangmo. Kita monsakisamo to sampo-sampobali'to ka' opantundu'tomo ka' opahampeja'akonmo susumo hensek i jalan.

ZAKHARIA 12:8

I sinaa aijo' Ku jagaimo na mian anu jojoong i Yerusalem; ka' anu madi' mahoson aijo' hi aha timbalimo mahoson susumo i Daud. Aha lewa'mo nu potiju' nu lee' mae i Daud susumo anu lewa' binau nu malaekat-Ku, ka' mule' susumo anu lewa' binaung-Ku.

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

MATIUS 4:16

Bansa anu tumuu' i uno nu pintung montoamo jingka anu jongkilaban! Anu jojoong i uno nu lipu' anu pintung kapatean binete'mo na sahaya nu jingka!”

YOHANES 16:20

Palesayamo, komiu humaangje ka' montando'i, panyo dunia ola lame'. Komiu susa' na kinyonyoa, panyo kasusa'anum aijo' timbalije kalame'an.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

2 KORINTUS 4:9

Manjoo' na anu monsampobali kami, panyo madi' toho' kami oposi pala'i. Ka' mau mule' toto minsan kami obanda sampe tohumpuk panyo kami madi' mate.

ANU PINOTO'I HI YOHANES 21:23

Kota aijo' madi' palalu nujingkai nu batu nu sinaa kabai bitu'on, kalana katalasanggoan nu Tumpu na monjingkai, ka' Anak nu Domba aijo', atina'mo na sulu'nyo.

ANU PINOTO'I HI YOHANES 22:5

Aha madi'mo mompalalui sulu' kabai jingka nu batu nu sinaa, kalana madi'mo daagi' pihi, ka' Tumpuje na monjingkai aha. Sahingga aha saidi' mae mompalentahmo susumo tomundo sampe toka sidu-sidutu'.