MIKHA 7:7 - KITAB NU TUMPU ALLA LELE MA'IMAI'

⁷ Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

MIKHA 7:7 Iomraidhean Croise

KAJADIAN 49:18

O Tumpu, kasalamatan anu obee' nu Belento aijo'mo na anu kupo-kupopea'.

MAZMUR 109:4

Aha montuuk mae aku mau mule' aku mongkalibosi aha, ka' nondo'akonmo aha.

MAZMUR 130:5

Aku montanda'imo pontulungi mae nu Tumpu, anu jinanji'-Nyomo, ku taha'imanimo.

MAZMUR 25:5

Pokinde'i mae ka' potinganakon mae na aku da tumuu' mombatuki pongka'oho' nu Belento, kalana Belentomo na Tumpu anu momposalamat aku, aku saja' montaha'imani Belento.

MAZMUR 37:7

Tanda'imo na Tumpu nu kinyonyoa anu saban popea' nu kasabanan, Iaje ahi' na montindaki. Boli bata-bata kalana mian anu kinohasinnyomo i uno nu kantumuu'annyo kabai anu nombaumo palabuatan sola mongakali.

MAZMUR 38:15

Memang ahi' totu'u, aku sumomo mian anu madi' mohongo, sahingga kalana aijo' aku madi' monggagakon.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 65:2

Konanyomo na kami mompuji' Belento, anu kiita' i Sion, o, Tumpu, ka' mongganapimo janji' mami hi Belento.

MAZMUR 85:5

Po'ule' mae pokopiani na kantumuu'an mami o, Tumpu Allah anu momposalamat kami, bolimo po'ule' otambuha'i mae na kami.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 17:7

Isinaa aijo' mian po ule'mo momoita tulung hi anu Nompotimbalimo ia, aijo'mo Tumpu Allah nu aha Israel anu susi'.

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YESAYA 8:17

Tumpu madi'mo nompotoa butong-Nyo hi lee' i Yakub, mian anu palesayamo hi Ia.

MOHAANGI 3:24

Tumpu aijo'mo na halatangku. Kalana aijo', aku taha iman hondo hi ia.

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

HOSEA 12:6

Tumpu aijo', aijo'mo na Tumpu Anu Daka' hondo na Kuasanyo. Sanggonyo aijo'mo Tumpu. Tiba sanggo aijo' Ia mongkahanda'i da mian monsombah Ia.

YOËL 1:19

Aku momoita tulung i Belento O Tumpu kalana to pada-padang hemput i nanggasmo totu-totu'u. To kau-kau' suele i nanggasmo ka' natemo mimbalu-balu'mo kinaanmo nu apu.

HABAKUK 2:1

Aku mongka'oho'mo moliba' mokiita' ilaigan tangka-tangkas anu bau pontanggalakonan mian ka' montanda'i apaa na anu kahanda' nu taloakon nu Tumpu hi belengku ka' mosia na pontaami-Nyo mae poitaonku aiya.

HABAKUK 2:3

Tulis na aijo' kalana uuka aiya misa' pe'e tempo'nyo. Panyo tempo'nyo aijo' malia'mo mae toka ka' apaa na anu pinoto'ing-Kumo hi beleyum aijo' totu-totu'u tionyo jadi. Maumo aijo' o oa'i daagi pin, panyo tanda'imo! Tempo'nyo aijo' memang ahi' tokamo ka' madi'mo daagi opo edok.

NOMBILANGMO 5:28

Panyo de ia madi' ko kasala'an yo ia madi' ahi' nukona nu kutuk ka' daagi' ahi mohumpak anak.