MIKHA 7:6 - KITAB NU TUMPU ALLA LELE MA'IMAI'

⁶ Kalana de tempo'nyo tokamo mae mian anu sa'a-sa'angu' na laigan mompaha ka'i-ka'idekimo, anak mo'ane mongalumo tuumanyo, anak boune panggagamo hi tinanyo ka' mule' monian boune mahanggagamo tiba tina nu moniannyo.

MIKHA 7:6 Iomraidhean Croise

KAJADIAN 49:4

Beleyum dengke na mokokembong susumo uee, sahingga misa'mo anu tongkoimoona; kalana beleyum nongkamale'imo ambahue'ku, beleyum nombusikimo kamale'an nu tuuma nu beleyum.

2 SAMUEL 16:11

Lantas i Daud po ule' mule' notatae hi Abisai ka' hi iwi-iwi' na posaihonnyo, “Posi anaku pe'e ko gia'mo mompatei aku; yo kadaka' na belemiu na ko banga-bangangmo na montoa mian nu Benyamin aiya? Tantu Tumpu na nompokau mae ia montotobi'akon aku; kalana aijo' boli opoposia na ia ka' pojohokmo na ia montotobi'akon mae aku.

MAZMUR 41:9

Aha notatae, “Panyakitnyo tinadokmo hondo, ia madi'mo bisa po ule' mobula.”

AMSAL 30:11

Daagi' ko mian anu montotobi'akon tuumanyo; ka' madi' moholomati tinanyo.

AMSAL 30:17

Mian anu lewa' mongalu tuumanyo kabai tinanyo anu i langkai'mo ka' binengkele'mo, pantasmo ahi' na o'alin i sambiha'nyo da matanyo nu tungkugi nu papaa' ka' bangke'nyo nu kaanmo nu bonyia'.

YESAYA 3:5

Aha to mia-mian mompaha bebee'mo kasusa'an. To oli-olitau madi'mo mompajuli aha to tu'a-tu'anyo ka' mian anu kasiasi madi'mo mompajuli mian anu kaya.

YESAYA 9:19

Isongko-songko na lipu' aijo' mian mo agomo maumo pa' apaa na anu timbali okaan panyo madi' mongoa'i mobosu. Aitu pe'e to sanga-sangalu nu aha na kaanmo nu aha!

YEREMIA 12:6

Beleyum kinabisa'anmo, pakalaus mule' ahi' tibamo to utu-utus nu beleyum na nongkabisa'i; aha suele ahi' nolambanimo beleyum. Boli opalesaya na aha, maunyomo ahi' matami' na potatae nu aha.”

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

YEREMIA 9:4

Maumo ahi' sangalu, panyo batu-batu mian na saja' ahi' balajaga-jaga ka' mau mule' utus sa'a-sa'angu' na ma'alum madi'mo timbali opalesaya. Kalana, susumo i Yakub sumo aijo'mo na aha, toto samian nongakalimo utusnyo. Batu-batu mian mambamo iyaya mae da sola' monsisik pitana' hi mian ka' sola' baleko'.

YEHEZKIEL 22:7

Madi'mo daagi' ko samiannyo na anu jojoong atina' hi beleyum na moholomati tu'anyo nu aha. Beleyum nongakalimo mian anu lengkat mae isalipu'an ka' nongalamo ka'untungan hi mian anu binalumo ka' mule' anu madi'mo ko tuumanyo tiba tinanyo sisingkapmo sinusa' aijo'.

OBAJA 1:7

Beleyum o akalimo nu mian anu nosa'angu'mo nontulungi belemiu ka' ilaa'mo mae lengkat i kampung nu belemiu. Belemiu pinatundu'mo nu to sanga-sangalu nu belemiu, tinuamo nu mian anu nongkaan hingga-hinggat tiba belemiu. Aha lewa'mo noleleki mongkona butong nu beleyum. ‘Iyamo uuka aiya na kapandeannyo aijo' iwi-iwi'?’

MATIUS 10:21

Saidi' mae timbalije saba' mian posi utusnyo mombee' da o patei. Ka' aitu mule' na saidi' mae timbali hi tuumanyo tiba anaknyo. To ana-anak tionyo mongewa tina ka' tuumanyo, ka' mombee' aha da o patei.

MATIUS 26:23

I Yesus nontaami, “Mian anu momposoop roti i uno nu mangko' hingga-hinggat Aku, iamo na anu mongkabisa'i Aku.

LUKAS 12:53

Tuuma mongewa anaknyo mo'ane, ka' anaknyo mo'ane mongewa tuumanyo. Tina mongewa anaknyo boune, ka' anaknyo boune mongewa tinanyo. Tina nu monian mongewa moniannyo boune, ka' monian boune mongewa tinanyo nu moniannyo.”

LUKAS 21:16

Komiu saidi' mae nukabisa'i nu tina ka' tuumaum nu to utu-utusum, nu anak nu to tomi-tominsanum tiba to sanga-sangaluyum. Sambagian na komiu saidi' mae nupatei nu aha.

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’