MIKHA 7:4 - KITAB NU TUMPU ALLA LELE MA'IMAI'

⁴ Anu talalomo ma'ima' na kinyonyoa ka' mule' anu talalomo tageo' na kinyonyoanyo aijo' hi aha panyo sumo-sumomo ahi' hemput anu kohii'nyo madi' kokaliangannyo. Tinokamo na tempo'nyo Tumpu mohukumo mian-Nyo anu palesayamo susumo anu toho'mo pinotuka'-Nyo hi aha to nabi-nabi-Nyo ka' to nabi-nabi-Nyo na nompoto'imo hi aha. Uuka aiya tinokanmo nu pahantuda'an hi posi bubu'mo aha.

MIKHA 7:4 Iomraidhean Croise

YESAYA 10:3

Apaa na daagi' obau nu belemiu de tokamo na sinaanyo nu Tumpu mohukum belemiu? Daagi' apaa na usaha nu belemiu de Ia mompotokamo mae balaa' anu lengkat mae ilipu' majo'on? Hihe na timbali pomoitan tulung nu belemiu? Iyamae na timbali pomposulukan kakaya'an nu belemiu?

YESAYA 22:5

Memang Tumpu Anu Daka' na Kuasanyo nontantukanmo sinaa aiya salaku sinaa anu kalangkabutmo, ka' kahengge'anmo nu mian, ka' bingungmo na mian i Bangka'nyo nu Pinontoan. Iwi-iwi' na pagan mesen nu kota' pinaha hobo'akonmo. Loboo' momoita tulung ihongomo i iwi-iwi na puge'nyo.

YESAYA 55:13

Kau' lontio' mombolosakonmo kuhat kohi'nyo, bunga-bunga anu sinu'an nombolosakonmo kuhat. Aijo' jadimo da Aku talapuji'mo salaku tanda anu madi' okolilimi sidu-sidutu'.”

YEREMIA 10:15

Pilogot haha aijo' madi'mo ko halaga'nyo, pantasmo ahi' na oletakon ka' lewa' o, alu. De tokamo mae na tempo'nyo aha opateimo.

YEREMIA 11:23

Aku nontantukanmo tempo'nyo bau pompotokan mae balaa' hi aha mian nu Anatot, ka' de tempo'nyomo nu hukuman anu onabu'akon hi aha aijo' tokamo, madi' daagi' ko samian na anu madi' nu kona nu balaa'.”

YEREMIA 46:21

Ka' mule' to sulu-suludadu anu sola' nu tamboi madi'mo noko ala nombau apa-apaa sumomo ahi' anak nu sapi' anu talalomo nolompo'. Aha madi'mo noko ala nontinjohakon. Iwi-iwi' ninsusule'mo ka' nopalaimo da salamat. Sinaa pohukumanmo aha tinokamo; tempo'nyomo na aha nu tuda'imo mae nu balaa'.

YEREMIA 8:12

O mian anu palesayamo hi beleng-Ku, sabenannyo ahi' belemiu na ambangmo kalana nombaumo iwi-iwi' na palabuatan anu moko ambang aijo'! Panyo belemiu madi'leges ka' madi' monsumbu' ma ambang. Kalana aijo' belemiu silakamo susumo mian sangga'at anu sinilakamo; madi'mo ko sisikonnyo na beleyum de Ku hukumo na belemiu.

YEHEZKIEL 2:6

Panyo beleyum, o, manusia anu madi' tumuu' batu boli mabuhuk hi aha anu sosola' motomuhuk aijo' kabai apaa na anu nu taloakon nu aha. Aha saidi' mae mongewamo ka' mompopo ambangmo beleyum, sahingga beleyum sumomo ahi' tumuu' galo-galo' hi beyua'. Panyo maumo ahi' sumo aijo', boli mabuhuk.

YEHEZKIEL 28:24

Tumpu notatae, “Iwi-iwi na lipu' anu mompaha ohani anu madi' toho' nompopo ise' Israel madi'mo daagi' sumo unok tiba hii' anu monsakiti Israel. Aha mangalati'mo taalu' Akumo ahi' na Tumpu Anu Matangkas na Kuasanyo.”

AMOS 8:2

Pinokilawa nu Tumpu, “Beleyum nontoa apaa, Amos?” Tinamaan-Ku, “Sa'angu' na kalanjang isinyo bua' nu kau' anu nahamo.” Tumpu notatae, “Tempo'nyo i nahamo na aha mian-Ku Israel anu palesayamo. Aku madi'mo daagi' mombabali'i tanga-an-Ku, ka' memang ku hukumo na aha.

NAHUM 1:10

Beleyum opapuimo susumo hat anu nanggasmo, susumo kuhat anu ko hii'nyo anu ningkalekotmo.

LUKAS 21:25

“Hi batuje nu sinaa, bitu'on ka' to manda-mandala' otoaje na tandanyo haha aijo'. I dunia aiya bansa-bansa mabuhukmo ka' bingongmo mongahopi buhook tiba bokon to daka-daka' nu ambai.

IBRANI 6:8

Panyo de tano' aijo' mohasinakon to pada-padang ka' anu tumuu' kohii'nyo, saba' tano' aijo' madi' ko gunanyo ka' saidi' mae nu kutukimo nu Tumpu ka' ahennyo opapui sampe mingkot.