MIKHA 7:16 - KITAB NU TUMPU ALLA LELE MA'IMAI'

¹⁶ Da iwi-iwi' na bansa montoaje han aijo' ka' ma'ambangmo kalana aha tonginau'mo talu' iwi-iwi' na kahosonan nu aha madi' ahi' ko alati'nyo apa-apaa. Madi' ko anu nupisumbu-sumbu' nu aha sahingga madi'mo daagi' moko ala motatae kabai mohongo.

MIKHA 7:16 Iomraidhean Croise

AYUB 21:5

Tonto'i mae na aku, da belemiu tolokengkengje, belemiu sainjonomo ka' nganga' nu belemiu madi'mo moko ala motatae.

MAZMUR 126:2

Kita saja'mo kinumojo ka' nanyanyi i lame'mo, sahingga iwi-iwi' na bansa sangga'at notataemo, “Tumpu nombaumo hahan anu daka' hondo hi aha!”

AMSAL 30:32

De ola kalana kaponga'an nu beleyum sahingga takabun mo na beleyum, montanga'i palakala-palakala anu ma'idek, jaga!

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

YESAYA 52:15

Panyo uuka aiya manjoo' na bansa nongkabangangimo, to tomu-tomundo' madi'mo noko ala notatae kalana binangangmo. Aha saidi' mae montoaje ka' mangalati'mo apaa na anu momonanyo mae ma'isa ahi' sinumbu' nu aha.”

YESAYA 66:18

Ku sumbu' na pikilan tiba palabuatan nu aha. Aku toka mae momposihuk to mia-mian anu lengkat mae isongko-songko na bansa. De aha sihukmo aha montoamo kuasang-Ku.

YEHEZKIEL 38:23

Tiba jalan anu sumo aijo' na Aku mompotoa hi sinin na bansa taalu' Akumo ahi' aiya na anu daka' na kakuasa'an tiba mule' susi'. Sahingga nu sumbu'je nu aha taalu' Akumo ahi' na Tumpu.”

MIKHA 3:7

To mia-mian anu lewa' mongkila-kila sinaa anu aiya mae i ahop ma ambangmo kalana anu lewa' kinila-kilanyo madi' totu'u. Aha iwi-iwi' madi'mo daagi' opalesaya kalana Tumpu madi'mo montaami aha.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

HAGAI 2:22

to kala-kalaj'an Ku ideimo ka' mule' kuasa nu aha Ku hansunimo. Iwi-iwi' na kareta anu bau pahampate tiba anu mompojalan Ku bali-balikakonmo; iwi-iwi' na ajahan mohopu'mo ka' mule' anu monsake'i mompaha pate-pateimo.

ZAKHARIA 12:9

I sinaa aijo' Ku silakaimo na to bansang-bansang anu monsoba-soba montumbuhi Yerusalem.

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

ANU PINOTO'I HI YOHANES 11:18

To mia-mian anu madi' monsumbu' Tumpu, noto'idekmo kalana tinokamo na tempo'nyo na Kita mompobuntumo pusa-nTo, ka' mule' tempo'nyomo na Kita momputusimo palakala nu to mia-mian anu i natemo. Aiyamo na tempo'nyo mombee'imo tamboonyo hi to posa-posaihon-To, aijo'mo to nabi-nabi. Ka' iwi-iwi' na mian-To anu pinalesayamo, aijo'mo iwi-iwi' na mian anu monsombah Kita, daka' maupe'e ise'. Aiyamo na tempo'nyo mohopu'imo to mia-mian anu nongideimo dunia!”