MIKHA 7:15 - KITAB NU TUMPU ALLA LELE MA'IMAI'

¹⁵ Pombau mae anu okabangangi hi kami, o, Tumpu susumo anu lewa'mo binau nu Belento naipuan mae tempo'nyo Belento nomboamo kami nosabat lengkat mae i Mesir.

MIKHA 7:15 Iomraidhean Croise

NOSABATMO 3:20

Panyo Ku pakeje na kakuasa'an-Ku, ka' mohukum Mesir nu to bala-balaa' anu okabuhuk anu ku pokona hi aha kiijo' mae. Lapas aijo' ia mompobee'je belemiu mamba.

YESAYA 51:9

Tinjomo mae o, Tumpu, ka' tulungi mae na kami, posalamatakon mae na kami nu kuasa nu Belento, Tinjomo mae susumo naipuan mae tempo'nyo Belento nompohintutumo i Rahab ka' nonjalo'mo ulo daka-daka' nu ambai aijo' sampe inate.

YESAYA 11:16

Kona hi aha mian anu palesayamo hi Ia dadaagi' tinasisa mae tabuka'mo na jalan daka' da posabatan mae lengkat i Asyur, susumo aha Israel nosabatmo mae lengkat i Mesir.

MAZMUR 68:22

Tumpu na tionyo ahi' mompohimpuyu ubak nu anu monsampobali' Ia, to mia-mian anu me saja' tumuu' mombau dosa'.

NOSABATMO 34:10

Tumpu notataemo hi Musa, “Uuka aiya Aku mombaumo Palajanjian tiba bansa nu aha Israel. I ahop nu mata nu aha Aku mombaumo anu okabangangi anu ma'isa toho' binau i bansa mau pa' iyaya mae i dunia aiya. Iwi-iwi' na bansa montoaje Aku mombau anu okabangangi kalana Aku, Tumpu mombaumo apa-apaa na anu okabuhuk nu belemiu.

YESAYA 51:10

Belento mule' ahi' na nompo'otimo ambai, uee nu ndalangon anu maleeng hondo. Belento nombaumo jalan montulu uee aijo da to mia-miana nu oposalamatmo timbali motaap ikiijo'.