MIKHA 7:14 - KITAB NU TUMPU ALLA LELE MA'IMAI'

¹⁴ O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

MIKHA 7:14 Iomraidhean Croise

MAZMUR 100:3

Boli okolilimi kalana Tumpu aijo', Tumpu. Ia na nompotimbali kita ka' kita aiya Ia na tumpu-Nyo; kita mian anu palesayamo hi Ia, bansa anu pinotuu'-Nyomo.

MAZMUR 143:5

Ku inau' hondo na kantumuu'anku i sinaa anu i hikuhakonmo: ku popikilakon iwi-iwi' apaa na anu binaumo nu Belento, ku tutugi iwi-iwi' apaa na anu binaumo nu Belento.

MAZMUR 28:9

Posalamatakon mae na mian anu palesayamo hi Belento, o Tumpu, balakatiakon mae na to mia-mian anu Belentomo na tumpunyo. Jadimo ahi' susumo samian na polaya' aijo' hi aha, ka'jagaiakon na aha sampe toka sidu-sidutu'.

MAZMUR 95:7

Kalana Iamo na Tumpunto, kita mian anu, Nu potuu' susumo domba anu lewa' Nu laya'. Sinaa uuka aiya potombihing mae na potatae-Nyo:

NOSABATMO 33:16

Mosia na mian monsumbu' taalu' Belento sanang hi belengku ka' hi bansa aiya de belento madi' montulungi kami? Tumpu saja' hingga-hinggat tiba kami aijo'mo na salaku tanda saba' kami madi' pokakana tiba bansa-bansa sangga'at i dunia aiya.”

NYANYIAN ANU TALASANGGO 4:1

Beleyum handa hondo ku ka'ima'i, totu-totu'u beleyum handa hondo o sintaku, Mata nu beleyum isambiha' nu hude pinongkukumbungi sumomo malapati', Ubak nu beleyum hambahannyo sumomo mee' sanggombu anu nintatau'mo mae lengkat i bungkutnyo nu Gilead.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

YESAYA 35:2

Padang tampat anu mateges ko ewa-ewanyomo, ka' mongelokmo nu lagu anu mompolame'. Ia ma'ima' hondo sumomo ahi' bungkutnyo nu Libanon, sahayanyo sumomo ahi' bangka'nyo nu Karmel ka' Saron. Sahingga batu-batu mian timbali montoa kuasa nu Tumpu, ka' mule' kaholomatan nu Tumpunto.

YESAYA 37:24

Beleyum nonsaimo tomia-mian da motatae molabi-labi tukoonyo nu aha kalana manjoo' na kareta anu bau pahampate nu beleyum, sahingga noko alamo nompatundu' iwi-iwi na bungkutnyo anu toto tangka-tangkas i Libanon.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

YESAYA 49:10

Aha madi'mo megot ka' mo'ohop, ka' madi'mo nu kona nu singit ipadang tampat anu mateges. Kalana Tumpu mongkalibosimo aha ka' mompotiju'mo aha, ka' montaka'mo mamba i mata nu uee.

YESAYA 65:10

Mian anu palesayamo hi beleng-Ku monsombahmo Aku; domba ka' sapi' nu aha mongototmo hemput i Hatanyo nu Saron ka' i Bangka'nyo nu Akhor.

YEREMIA 49:31

‘Donganmo lambani! Imbo' otumbuhintomo na to mia-mian anu mongoa'i aman ka'madi' ko anu mompoposia. Kota' nu aha madi' ko anu mongompo kalana madi' ko tumbannyo anu daka' ka' mule' madi' ko supatnyo.’ ”

MOHAANGI 1:7

Salatan i hansunmo na kota' ka' sinansalamo, Yerusalem tinonginau'mo tempo'nyo naipuan mae, tempo'nyo ia daagi' ko halata'; mosia na miannyo anu jojoong i kiijo' pinatundu'mo nu sampobali', ka' madi' ko samian pe'e na tinoka nontulungi. Sampobali' haha aijo' ola ahi' mongkokojoi na montoa kahansunannyo.

MOHAANGI 5:21

O Tumpu, boa na kami po'ule' minsusule' hi Belento; kami po'ule'mo minsusule' hi Belento! Po'ule'akonmo mae na ka'ada'an mami susumo naipuan mae.

YEHEZKIEL 36:11

Miannyo ka' potuu'on nu belemiu Ku tuangimo sahingga majoo'mo hondo lebe'mo manjoo' na anu u'utu mae ka' mule' aha mohumpakmo lee' manjoo'. Aha po ule' tumuu' kiijo' mae susumo u'utu mae ka' Ku pojadimo sanang na kantumuu'an nu aha susumo anu ma'isa toho' tina'up nu belemiu. Sahingga nu sumbu'je nu aha taalu' Akumo ahi' na Tumpu.

IMAMAT 27:32

Toto sampulu' na potuu'on o ala sa'angu' na potuu'on aijo' na obee' hi Tumpu. De potuu'on aijo' obilang toto sa'angu', saba' potuu'on anu ko sampulu'nyomo aijo' na obee' hi Tumpu.

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

OBAJA 1:19

To mia-mian nu aha Yehuda anu sasu Salatan, nonjojoongimo Edom. To mia-mian anu lengkat mae i bungkutnyo anu i sasu kinsoban nompatundu'mo da'erah Filistin. Tulunan nu bansa Benyamin saidi mae monjojoongimo Gilead, ka' mule' Israel mian-Ku anu pinalesayamo saidi' mae mongkuasaimo songko-songko na Efraim tiba Samaria.

MIKHA 5:4

ka' mule' Nu bee'imo kadamean. De suludadu nu aha Asyur montumbuhimo mae lipu' to ka' mohobo'akonmo bentengto, kita suele montipaha'imo ahi' to pola-polaya'to anu to hoso-hoson da mongewamo aha. To pola-polaya'to mompatundu'mo Asyur nu toongon nu aha ka' momposalamatmo kita da madi'mo nu patei nu aha.

ZEFANYA 3:13

Aha mian nu Israel anu daagi tuha'nyo madi'mo daagi mombau anu ma'idek maumo pa' hi he; aha madi' modaagi balekos ka' madi'mo lewa' mongakali. Aha mohumpakmo kantumuu'an anu ma'ima' ka' madi'mo daagi mongoa'i mabuhuk maumo pa' hihe.”

ZAKHARIA 10:10

Lengkat mae i Mesir ka' lengkat mae i Asyur na aha Ku sule'akonmo. Ku pojoongmo na aha i posi lipu'nyo. Ku boamo na aha mamba i Gilead ka' suele i Libanon, sahingga songko-songko na lipu' me saja' aha.

ZAKHARIA 11:7

Aku, i Zakharia, lantas tinamboanmo nu to pada-padagang domba da molaya' domba-domba anu okolotmo. Aku daagi' ko tokon ohua'; sa'angu' sinanggohanku, i “Kanonongan” ka' sa'angu' mule' i “Posegot”. Lapas aijo' jinagaankumo ka' lewa'mo pinotuu'ku na domba haha aijo'.

MALEAKHI 3:4

Sahingga susumo tempo'nyo naipuan mae, nu ka'ima'i ahi' nu Tumpu na iwi-iwi na koloban anu sinombahkonmo hi Tumpu nu aha mian Yehuda tiba mian nu Yerusalem.

NOMBILANGMO 23:9

Lengkat mae aita' i bungkutnyo iwi-iwi' tinoangkumo na aha; lengkat mae aita' i puge'nyo iwi-iwi' tinanggalakonkumo na aha. Toa, sa'angu' na bansa nosi po'iwi'mo madi' minsoop hi tompukan nu bansa-bansa sangga'at.

NOMBILANGMO 32:1

Tulunan nu bansa Ruben ka' i Gad ka' potuu'on manjoo' hondo. Salatan tinoa nu aha ma'ima' hondo na tano' nu Yaezer ka' tano' nu Gilead bau pompotuu'an binatang,

MATIUS 2:6

‘Beleyum Betlehem, i tano' nu Yehuda, beleyum misa' anu talalo ise' i to kota-kota anu penting i Yehuda. Kalana lengkat hi beleyum tokaje na samian anu bau polaya' anu molaya' mian-Ku Israel anu palesayamo.’ ”

YOHANES 17:16

Sumo lapangnyo Aku misa' anu nu dunia aha mule' suele misa anu nu Dunia.

PO'ULE' INGULIT 33:28

Aha lee' mae i Yakub tumuu' madi' ko anu mompoposia i lipu' anu manjoo' hondo na gandum ka' anggurnyo, ka' nuhumpisi nu dondu'ok lengkat mae i langit.