MIKHA 7:11 - KITAB NU TUMPU ALLA LELE MA'IMAI'

¹¹ O, Yerusalem! Tinokamo na tempo'nyo belemiu po'ule'mo mombau pagan mesen nu kota' nu belemiu.

MIKHA 7:11 Iomraidhean Croise

NEHEMIA 2:17

Panyo mamanga ahi' pinoto'ingkumo hi aha, “Soba toa na kita sinansalamo sumo aiya! Yerusalem me himpupuknyo ka' sabatannyo anu toto daka-daka' pinapuanmo nu apu. Imbo' da kita po'ule'mo mombau pagan mesen nu kota' Yerusalem da kita bolimo lewa' o'alu.”

NEHEMIA 2:8

Ka' mule', aku nompoitamo sulat anu toka obee' hi Asaf, anu monjagai alas nu kalaja'an, da nu potoukai kau' bau tumban nu sabatan daka' i benteng koko Laigan nu Tumpu, ka' anu opake i pagan mesen nu kota', ka' mule' anu bau laigan kajojoonganku. Iwi-iwi' na anu pinoitangkumo aijo' pinopo'imo i tomundo' kalana Tumpu Allah nontulungimo aku.

NEHEMIA 4:3

Lantas i Tobia anu suele tinjo-tinjo koko hi ia suele notataemo, “Toa na pagan mesen anu binaumo nu aha aijo'! Ola dedeng nu alas timbalimo mohobo'akon!”

NEHEMIA 4:6

Tempo'nyo aitu kami sabole-bolemo nombau pagan mesen aijo', ka' madi' pinin ingko-ingkot na pagan mesen aijo' inintonga'mo na kotangkasnyo na binau, kalana mian da'isan nakekemo hondo na nokalaja.

YESAYA 54:11

Tumpu notatae, “O Yerusalem, kota' anu sinusa'mo, beleyum madi'mo moko ala mombau apa-apaa ka' madi'mo ko anu momposanang kinyonyoa. Pundasinyo haha aijo' po'ule'mo Ku bau akon, tiba to batu-batu anu halaga'nyo mahan.

YESAYA 54:2

Po'ewamo na kema kajojoongan nu beleyum; pomantan na ponsegotinyo ka' pohoson na pontotolinyo!

YESAYA 58:12

Kota' anu pininmo na na'idek po'ule'mo opotinjo i tampatnyo anu momona. Belemiu osanggohimo ‘Bansa anu po'ule'mo nombau pagan mesen ka' nompokoima'imo to lai-laigan anu i hansunmo.’ ”

YESAYA 61:4

Aha mombaumo to kota-kota' anu pininmo na na'idek ka' mompotinjomo tampat-tampat anu pininmo na i liing.

DANIEL 9:25

Tulis ka' alati'imo na aiya; Pimpitun lipat na popitu na taun na ohikuhakon, i mulaan pe'e mae tempo'nyo nonontalimamo palentah da po ule'mo mombau kota' Yerusalem sampe tokamo mae na samian na polaya' anu pinile'anmo nu Tumpu. Kopinnyo pimpitun lipat na anompulu' ka' ohua' na taun, iwi-iwi' na jalan tiba to bente-benteng nu Yerusalem anu ma'idekmo po ule'mo obau, panyo tempo'nyo aijo' manjoo' hondo nakasansala'an na ota'up.