MIKHA 6:6 - KITAB NU TUMPU ALLA LELE MA'IMAI'

⁶ Apaa na anu tionyo ahi' osombahkonto hi Tumpu, Tumpu kiita i suluga' de kita tokamo mae monsombah Ia? Pa' tionyo ahi' kita momboa sapi' bata'nyo anu ma'ima' hondo na osombahkon salaku koloban anu opotunu na obee' hi Ia?

MIKHA 6:6 Iomraidhean Croise

2 SAMUEL 21:3

ka' pinokilawanyo hi aha, “Apaa na anu tionyo ahi' ku bau hi belemiu? Aku ko tanga'an kahanda' montokong kasala'an anu binaumo hi belemiu, da belemiu mombalakati mae mian anu pinalesayamo hi Tumpu.”

MAZMUR 116:12

Apaa na ku bee' hi Tumpu bau pombalosi kanonongan-Nyo hi belengku?

MAZMUR 22:29

Kalana Tumpu na mongkuasai, Ia na mompalentah to bansa-bansa.

MAZMUR 95:2

Imbo' da kita mangadap hi Ia ka' manyanyi nyanyian bau pontalima kaseh, montaligalai Ia ka' manyanyi, nyanyian anu bau pompuji'.

MAZMUR 95:6

Imbo' da kita tolodadupu monsombah Ia, tolodadupu i ahop nu Tumpu, anu nompotimbali kita.

NOSABATMO 12:5

Belemiu timbali mompile'i domba kabai mee' panyo tionyo ahi' mo'anenyo, umunnyo sataunmo ka' anu madi' ko panyakitnyo.

NOSABATMO 23:15

I bitu'on Abib, kona i tempo'nyo anu pinotantumo nu belemiu tionyo ahi' molame'akonmo lamean nu Roti anu Madi' ko Raginyo susumo sonto' anu pinalentah-ng-Kumo hi belemiu, kalana i bitu'onmo aijo' na belemiu nompala'imo mae Mesir. Boli mongkaan roti anu ginalo'an ragi na mombau, kopinnyo ipitun hau-haunyo molame'akon aijo'. De belemiu tokamo mae monsombah Aku, belemiu tionyo ahi' momboa mae anu osombahkon.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

AMSAL 21:3

Palabuatan anu adin ka' totu'u lebe momposanang Tumpu molingkudui iwi-iwi' na anu opalasombahkon.

YESAYA 40:16

Iwi-iwi' na binatang i, alas nu Libanon madi' sampa' na bau koloban anu opotunu; iwi-iwi' na kau'nyo talalo ahi' sangkiding na bau kau' anu oposun.

YEREMIA 6:20

Bau apaa na kamangian anu nu boa mae nu aha hi beleng-Ku lengkat mae i Syeba, kabai santo lampa-lampa anu lengkat mae ilipu' anu majo'on? Madi' sanang na Aku montalima palasombahan nu aha. Madi' Ku ka'ima'i na koloban-koloban nu aha anu opotunu.

YEHEZKIEL 46:9

Panyo mule' de tokamo na sinaa daka' anu olame'akon, saba' mian da'isan de toka mae monsombah Tumpu aha anu minsoop montulu sabatan daka' sasu utara, ka' de minsusule'mo tionyo ahi' montulumo sabatan daka' sasu salatan de aha lapasmo na monsombah. Ka' de aha anu ninsoop nontulu sabatan daka sasu salatan, saba' aha minsusule' montulumo sabatan daka' sasu utara. To mia-mian madi' timbali opobee' na minsusule' po ule' montulu jalan anu momona tinulunyo mae; aha tionyo ahi minsusule' montulu sabatan daka' anu aijo' mae isambiha'nyo.

DANIEL 3:26

Lantas i Nebukadnezar nongohanimo sabatan pipinombauan apu ka' noloboo'i, “i Sadrakh, i Mesakh, tiba i Abednego to posa-posaihon nu Tumpu Anu Matangkas na Kuasanyo! Posabatmo mae atia' i pinombuan apu!” Sahingga nosabatmo mae na aha.

DANIEL 4:9

“O Beltsazar, polaya' nu to mia-mian anu ko ilimu' ku sumbu' na beleyum kinuasanmo nu roh nu to pilo-pilogot anu susi, sahingga madi' ko lahasia anu opohowini hi beleyum. Potombihing mae na ipionku uuka ka' talangkan mae na alati'nyo.

DANIEL 5:18

Tumpu Anu Matangkas na Kuasanyo, nompojadimo tuuma i Nebukadnezar nu belento Tuanku da tinimbali tomundo' anu daka' hondo na kakuasa'annyo, ka' mule' kaholomatan tinalasanggomo.

DANIEL 5:21

Ia nu laa'mo nu mian da'isan ka' kapandeannyo timbalimo susumo kapandean nu binatang. Ia tumuu'mo tiba keledai nu alas, mongkaanmo hemput susumo sapi' ka' hoyotmo i tano' anu madi' ko atopnyo sahingga nu humpisimo nu dondu'ok. Ahennyo ia mongakuimo talu' Tumpu Anu Matangkas na Kuasanyo na mongkuasai kalaja'an nu manusia ka' mule' kalaja'an aijo' Nu bee'mo maumo pa'hihe na anu pinile'an-Nyomo.

HOSEA 5:6

Aha nambamo nolio Tumpu ka' nomboamo domba tiba sapi' da bau koloban panyo iwi-iwi' aijo' madi'mo kinogunanyo. Kalana Tumpu nompala'imo aha ka' mule' aha madi'mo daagi nompahakabot tiba Ia.

AMOS 5:22

De belemiu momboa koloban anu otunui ka' koloban gandum, Aku madi' montalima. Aku madi' montalima to bina-binatang anu toto lompo-lompo' aijo' anu osombahkon nu belemiu hi belengku. Susumo koloban mompodame.

MATIUS 19:16

Daagi' ko sansinaan, samian na mo'ane tinoka hi Yesus. “Kita Tuumangku Gulu',” tukoonyo, “palabuatan anu ma'ima', apaa na tionyo kubau, da mohumpak kantumuu'an anu talakana' toka sidu-sidutu'?”

MARKUS 12:33

Ka' mian tionyo mongkalibosi Tumpu tiba iwi-iwi' na kinyonyoa, ka' tiba iwi-iwi' na kapandeannyo, tiba iwi-iwi' na kahosonannyo. Ka' ia mule' tionyo mongkalibosi sangalunyo sumomo posi butongnyo. Aijo' lebe ma'ima' de me mule' mompalasombahkon palasombahan anu opapui ka' palasombahan-palasombahan sangga'atannyo hi Tumpu.”

MARKUS 5:7

Tiba potatae anu daka' ia noloboo', “Yesus, Anak nu Tumpu Allah anu Talalo Matangkas na Kuasa-Nyo! Nu posiamo na aku aiya? Tiba sanggo nu Tumpu ku poita, bolimo monsakisa aku!” (

LUKAS 10:25

Lapas aijo' samian na gulu' agama tinokamo da monsobai Yesus. Ia nompokilawa, “Tuumangku Gulu', apaa na tionyo kubau da montalima kantumuu'an anu mingkaliangan ka' toka sidu-sidutu'?”

YOHANES 6:26

I Yesus nontaami, “Totu'u, komiu molio Aku, misa' kalana komiu nonsumbu'mo alati'nyo nu anu okabangangi binaung-Ku, panyo kalana komiu nobosumo na nongkaan.

SISIKON NU TO RASUL-RASUL 16:17

Boune aijo' saja'mo nombatuki i Paulus ka' kami saja'mo moloboo'akon, “Mian haha aiya posaihon nu Tumpu anu Daka'! Aha tinoka da mompoto'iakon hi to Utu-utus mosia na jalannyo komiu timbali salamat!”

SISIKON NU TO RASUL-RASUL 16:30

Lapas aitu ia nomboa aha nosabat ka' notatae, “To Tuan-tuan, apaa na anu tionyo ku bau da aku o posalamat?”

SISIKON NU TO RASUL-RASUL 2:37

Salatan to mia-mian aijo' nohongo han aijo', kinyonyoa nu aha madi'mo talalo sinanang. Lantas aha nompokilawamo hi Petrus ka' hi to rasul-rasul sangga'atannyo, “To Utu-utus, kami tionyo mombau apaa?”

EFESUS 3:14

Mokonyo aitu aku tinolodadupumo i ahop nu Tuuma.

IBRANI 10:11

Batu-batu imam nu aha Yahudi mombau kalajanyo salaku imam sansina-sinaa, ka' saja' opo'uli-ulit na ia monsombahkon anu susumo aijo'. Panyo koloban haha aijo' madi' hondo moko alini dosa'.

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.