MIKHA 6:5 - KITAB NU TUMPU ALLA LELE MA'IMAI'

⁵ O, mian-Ku anu palesayamo boli okolilimi apaa na anu tinanga'anmo i Balak tomundo' nu aha Moab kona hi belemiu ka' mosia na i Bileam anak i Beor nontaami hi ia. Boli okolilimi apaa na anu jinadimo i jalan olot nu pinombauan kemah kiijo' i Sitim tiba Gilgal. De madi' okolilimi nu belemiu iwi-iwi' aijo' tantu osumbu'je nu belemiu apaa na anu binaung-Kumo kahanda' momposalamat belemiu.”

MIKHA 6:5 Iomraidhean Croise

MAZMUR 111:4

Tumpu aijo' pangkalibosi ka' manonong hondo, Ia nombaumo hahan anu okabangangi da kita sabole-boleh ahi' monginau'.

MAZMUR 143:11

Posalamatakon mae na aku susumo anu jinanji'mo nu Belento, o, Tumpu, kalana kanonongan nu Belento, pobebasakon mae na aku da madi' mongoa'i kasansala'an.

MAZMUR 36:10

Belentomo na pinolengkatan nu kantumuu'an nu iwi-iwi' na anu konyawanyo, i uno nu jingka nu Belento na kami nontoamo jingka.

MAZMUR 71:19

O Tumpu, ka'adilan nu Belento matangkas hondo sumo langit; daka' hondo na hahan anu binaumo nu Belento; ihe na moko ala mompokakanai Belento?

YESAYA 1:27

Tumpu adin kalana aijo' Nu posalamatmo na Yerusalem tiba miannyo anu i kiijo' anu mombabali'imo palabuatannyo.

NOMBILANGMO 22:41

Dodododopnyo i Balak nomboamo i Bileam nindako i bungkutnyo nu Bamot Baal. Kiita' mae i Bileam nontanggalakonmo sambahagian na bansa Israel.

NOMBILANGMO 23:27

I Balak notatae, “Imbo da kita mambamo i tampat sangga'at. Ihe na monsumbu' Tumpu Allah mompobee'mo beleyum mongkutuki Israel susumo anu ku kahanda'i i tampat kiijo'.”

NOMBILANGMO 25:1

Hau-haunyo bansa Israel jinojoongmo i Bangka'nyo nu Sitim, to momo'ane nu aha nasala'mo tiba to bou-boune nu aha Moab anu jojoong ikiijo'.

NOMBILANGMO 25:2

To bou-boune ikiijo' lewa'mo nonsale'i da mamba i lamean monsombahkon koloban bau pongadati pilogot nu aha. Mian nu Israel suele nongkaanmo koloban aijo' ka' nonsombahmo pilogot nu aha mian Moab.

NOMBILANGMO 31:16

Te misa' bounemo haha aijo' na nontulutimo pokinde' i Bileam, sahingga nonsale'imo aha mian nu Israel kiijo' i Peor da boli mohongo-hongo Tumpu? Ka' aijo'mo na nonsaduakon sahingga aha mian anu pinalesayamo hi Tumpu tinuda'anmo nu balaa'!

NOMBILANGMO 31:8

tibamo tomundo nu aha Midian aha olima', aijo'mo i Ewi, i Rekem, i Zur, i Hur ka' i Reba. I Bileam, anak i Beor, suele pinateanmo.

EFESUS 2:11

To Utu-utus anu misa' mian nu Yahudi! Inau' na kantumuu'an miu tempo'nyo naipuan mae: Komiu sinanggohanmo “mian anu madi' o sunat”, nu mian Yahudi anu mangaku butongnyo sinunatmo (makisutnyo anu nohumpakmo tanda anu binau nu mian i butong nu aha).

PO'ULE' INGULIT 16:3

Palasombahan i Paskah aijo' tionyo ahi' okaan tiba roti anu madi' ko raginyo. Pitun sinaa na kopinnyo na belemiu tionyo ahi' mongkaan roti anu madi' ko raginyo susumo tempo'nyo belemiu nompala'imo mae tano' nu Mesir anu nolosia'mo mae hondo. Kaanmo na roti aijo', roti anu osanggohi roti nu kasansala'an, da i uno nu kantumuu'an nu belemiu, saja' belemiu tonginau' i sinaa tempo'nyo belemiu nompala'imo mae Mesir, tampat miu nongoa'i kasansala'an.

PO'ULE' INGULIT 23:6

I uno nu kantumuu'an nu belemiu ka' sampe toka sidu-sidutu', boli montulungi bansa haha aijo' kabai mompotimbali aha da sanang na kantumuu'an nu aha.

PO'ULE' INGULIT 8:18

O' inau' kalana Tumpu Allah nu belemiu na anu mombee'i kakaya'an aijo' hi belemiu.

PO'ULE' INGULIT 8:2

O' inau'! Patompulu' na taun na kopinnyo Tumpu Allah miu nolaya'mo mae belemiu i uno nu lumambanan anu majo'on nontului mae padang bola. I uno nu lumambanan aijo' niat nu Tumpu Allah da monsobai belemiu, da Nu toa apaa na anu i uno nu kinyonyoa nu belemiu ka' apaa belemiu montuluti sagala palentah-Nyo.

PO'ULE' INGULIT 9:7

Inau' mosia na belemiu nonsabapi Tumpu Allah nu belemiu pinusa i padang bola. Salatanmo pe'e belemiu nompala'imo mae Mesir sampe tinoka i aiya belemiu saja' pinanggaga hi Tumpu.

YOSUA 2:1

Lapas aijo' lengkat mae i Kemah nu aha kiijo' mae i Sitim, i Yosua nonsaimo ua'aha na mian anu mamba mondoyoni Kana'an. Ua'aha na mian aijo' pinalentah da mamba montoa pa' mosia na lipu' Kana'an panyo matikohowini da boli nusumbu' nu aha, ka' anu talalo penting hondo kota Yerikho. Sahingga nambamo na aha i kota aijo' ka' nompoita da jojoong pe'e i laigan nu samian na boune anu biasa masala', sanggonyo i Rahab.

YOSUA 3:1

Dodododopnyo, i Yosua ka' iwi-iwi' na mian nu aha Israel daagi' subu-subu hondo aha nobulamo, lantas nompala'imo tampat pinombauan nu aha kemah kiijo' i Sitim, ka' nambamo nokiijo' i Kaunyo nu Yordan. Tinoka ikiijo' aha nombaumo kemah polalanuan hipian na motaap.

YOSUA 4:19

Mian nu Israel tinokamo i santoanyo nu Yordan i tanggan sampulu' bitu'on anu momonanyo ka' aha binakemahmo i Gilgal i sasu kabete'an Yerikho.

2 PETRUS 2:15

Kalana aha madi' mongka'oho' montuluti jalan anu hodi', sahingga aha tinalasmo. Aha nongalamo jalan anu tinuus i Bileam, anak i Beor naipuan mae. I Bileam aiya mongka'ima'i hondo da mohumpak doi i palabuatannyo anu ma'idek.

1 YOHANES 1:9

Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.

ANU PINOTO'I HI YOHANES 2:14

Mau mule' sumo aitu daagi' ko to pia-piangkuka na han anu madi' Ku ka'ima'i hi belemiu: Daagi' ko sambahagian na mian atina' hi belemiu anu nontulutimo apaa na anu ingajanakonmo i Bileam. I Bileam nompogulu'mo i Balak mosia na monabu'akon mian nu Israel i uno nu dosa'; aijo'mo pagala monsale'i aha mongkaan kaanon anu sinombahkonmo hi pilogot ka' mombau hahan masala'.

TO MIA-MIAN KOPIAN 11:25

Kooyum beleyumo na lebe ma'ima' molingkudui i Balak anak i Zipor, tomundo nu Moab? I Balak madi' toho' nongewa kabai nahampate tiba kami.

TO MIA-MIAN KOPIAN 5:11

Koko bubung haha aijo' i hongomo na mian balame-lame', nonsisikmo Tumpu saja' inguntung na nahampate, Israel inguntung na nahampate, mian anu pinalesayamo hi Tumpu. Sahingga aha nojijimo nambamo i sabatan daka' nu kota.

1 SAMUEL 12:7

Uuka aiya boli pe'e mamba. Ku posala' mo na belemiu i ahop nu Tumpu. Soba tutugi na kalibosan nu Tumpu iwi-iwi' anu pinotoa-Nyomo hi belemiu ka' hi mompole' nu belemiu.