MIKHA 6:4 - KITAB NU TUMPU ALLA LELE MA'IMAI'

⁴ Belemiu binoang-Kumo nosabat nompala'i Mesir ka' pinolapas-Kumo da madi'mo binotuanan; Aku nonsaimo i Musa, i Harun tiba Miryam da molaya' belemiu.

MIKHA 6:4 Iomraidhean Croise

2 SAMUEL 7:23

Songko-songko na dunia madi' ko sa'angu' na bansa anu pokakana sumo Israel. Olamo sa'a-sa'angu'nyo bansa Israel na anu pinobebasmo nu belento, da bolimo timbali posihon da timbalimo mian anu pinalesayamo hi belento Tumpu. Iwi-iwi' na han anu to daka-daka' ka' anu okabangangi, anu binaumo nu belento Tumpu hi aha, sahingga sanggo nu belento tinalasanggomo hi songko-songko na dunia. Aha bansa sangga'at ka' mule' to pilo-pilogot nu aha, i laa'mo nu belento tempo'nyo mian anu pinalesayamo hi belento Tumpu nambamo nahampate.

MAZMUR 77:20

Belento i lumajangmo nontulu bokon, i lumajang i ndalangon, panyo lawo nu Belento madi' tinoa-toa.

NOSABATMO 12:51

I sinaa aijo' tumpu nomboamo iwi-iwi' mian nu Israel nosabatmo nompala'imo Mesir.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 3:10

Uuka aiya beleyum Ku saimo da mangadap hi tomundo Mesir da beleyum timbali molaya' bansang-Ku mosabat lengkat i lipu' aijo'.”

NOSABATMO 4:10

Panyo i Musa notatae, “O, Tumpu, aku misa' mian anu pande na motatae, mau naipuan mae mau uuka aiya, salatan Tumpu nompoto'imo hi belengku. Maboat na jila'ku, manyeeng na motatae ka' motatae madi' lompat.”

NOSABATMO 4:16

Ia tionyo motatae mowakini beleyum i ahop nu layat. Ia na mombolosakon beleyum motatae ka' beleyum nu anggapmo sumo Tumpu Allah anu montaeakon apaa na anu tionyo nu taeakon.

NOSABATMO 6:27

Tempo'nyo Tumpu binasisikmo tiba i Musa ka' i Harun kiijo' mae i Mesir.

YEREMIA 32:21

Tiba kuasa ka' kahosonan nu Belento anu daka' aijo' Belento nomboamo mian nu Israel nosabat lengkat mae i Mesir. Belento nombaumo hahan anu okabangi tiba hahan anu okahelani tiba hahan anu jinadimo nonompotolokengkengmo aha sampobali'.

AMOS 2:10

Belemiu binoang-Kumo mae nosabat lengkat mae i Mesir ka' i laya'-Ku mae nontulu padang bone' anu ewa patompulu' na taun na Kinopinnyo. Tano' nu mian Amori binee'-Kumo hi belemiu da baumo lipu' nu belemiu.

NOMBILANGMO 12:1

I Musa nongalamo samian na boune mian nu Kus binaunyomo bengkele'nyo, ka' han aijo' binaumo sabab i Miryam ka' i Harun da nompisala'imo i Musa.

NOMBILANGMO 33:1

Salatan bansa Israel nompala'imo Mesir, tompukon nu aha lumajang madi' mogogalo'an tiba tulunan nu bansa sangga'at, polaya' nu aha i Musa ka' i Harun, aha sinonso' i pa' sangkuka na tampat.

SISIKON NU TO RASUL-RASUL 7:36

I Musa ai-aijo'mo na polaya' nu bansa Israel nosabat lengkat i Mesir ka' nombau anu okabangangi tiba hahan anu ma'isa toho' tinimbali i Mesir, i Ambai anu Momea' ka' i padang ewa kinopinnyo patom pulu' na taun.

PO'ULE' INGULIT 15:15

O inau' ahi' na belemiu naipuan mae binau botuan i Mesir lantas pinobebasmo nu Tumpu Allah nu belemiu; mokonyo aijo' Aku mombee'i palentah aiya hi belemiu.

PO'ULE' INGULIT 24:18

O inau' saba' belemiu toho'mo suele binotuanan i Mesir ka' pinobebasmo nu Tumpu Allah nu belemiu; mokonyo aijo' binee'ankumo na belemiu atulan aiya.

PO'ULE' INGULIT 4:20

Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

PO'ULE' INGULIT 5:6

‘Akumo na Tumpu Allah nu belemiu anu nomboamo mae belemiu nosabat lengkat i Mesir, tampat nu belemiu binotuanan.

PO'ULE' INGULIT 7:8

Panyo Tumpu nompile'imo belemiu kalana Ia nongkalibosimo belemiu ka' kahanda'mo momponyata' janji'-Nyo anu binau-Nyomo tiba mompolee' nu belemiu. Mokonyo aijo' Ia momposalamatmo belemiu nu kuasa-Nyo anu daka' hondo, ka' mompobebasmo belemiu temponyo binoatuanan i tomundo Mesir.

PO'ULE' INGULIT 9:26

ka' binalado'a sumo uuka: O Tumpu Anu Matangkas na kuasanyo, boli osilakai na mian anu kitamo Tumpu na tumpunyo aiya. Bansa anu pinobebasmo nu belento ka' i laya'mo mae nu belento nosabat mae lengkat i Mesir tiba kahosonan ka' kakuasaan Nu belento anu daka'.

1 SAMUEL 12:6

Lantas po'ule' mule' notatae na i Samuel, “Tumpu na nompile'imo i Musa tiba i Harun ka' anu nomboamo mae mompole' nu belemiu nosabat lengkat mae i Mesir.