MIKHA 6:2 - KITAB NU TUMPU ALLA LELE MA'IMAI'

² O, to bungku-bungkutnyo, o, to lana-lananyo nu dunia, hongo na Tumpu mongkalakmo! Ia ko palakala hi aha Israel mian-Nyo anu palesayamo ka' montuntutmo aha.

MIKHA 6:2 Iomraidhean Croise

2 SAMUEL 22:16

Lana nu ambai tinabuka'mo ka' suele babatungo nu dunia tinabuka'mo tempo'nyo Tumpu nonsegaimo iwi-iwi' na sampo bali'nyo kalana Ia pinusamo.

2 SAMUEL 22:8

Lantas dunia ilulu'onmo, ka' ginayu'anmo, pu'unnyo nu bungkutnyo iwi-iwi' nongkohenggomo kalana Tumpu Allah notambuha'mo!

MAZMUR 104:5

Dunia binaumo hoso-hoson nu Belento i tampat anu pinaningkoannyo, sahingga madi'mo gayu'an sampe toka sidu-sidutu'.

AMSAL 8:29

salatan Ia nompalentahmo ambai da boli molanggai potempasannyo. Aku suele hingga-hinggat kiijo'mo mae. Salatan latas nu dunia pinolatas-Nyomo.

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

YESAYA 3:13

Tumpu sinadiamo da po ule'mo obali'i nakaputusan hi aha mian anu palesayamo hi Ia.

YESAYA 43:26

Po ingat mae hi belengku, imbo' kita mambamo hi mian kopian, kalakmo na palakala nu beleyum da nyata'mo taalu' beleyum totu'u ahi'.

YESAYA 5:3

Jadi uuka aiya sangalung-Ku notataemo, “Belemiu iwi-iwi' anu jojoong i Yerusalem tiba i Yehuda, putusi na ulusannyo pa' mosia na ale' nu anggur-Ku tiba Aku.

YEREMIA 2:9

Tumpu notatae, “Uuka aiya mian anu palesayamo hi beleng-Ku Ku sampopalakala mule' ka' lee'nyo Ku ulusmo na palakalanyo.

YEREMIA 25:31

Toka-toka ipuus nu tano' na loung nu potatae-Nyo; Tumpu nahampalakalamo tiba to bansa-bansa. Iwi-iwi' na mian oputusimo na palakalanyo ka' anu ma'idek na palabuatannyo obee'imo hukuman mate.’ ”

YEREMIA 31:37

De maluanyo ka kaminsanannyo aita' langit timbali o ukun mokiita', ka' lananyo nu tano' opoko alamo oselidiki saba' tempo'nyoje ahi' aijo' na Israel madi'mo Ku ala. Kalana iwi-iwi' na palabuatan nu aha ma'i-ma'idek aijo'. Aku, Tumpu notataemo.”

HOSEA 12:2

Iwi-iwi' apaa na anu binaumo nu bansa Israel lengkat pe'e daagi' subu sampe malom madi' ko gunanyo ka' saja' ko kinyonyoa mompatei susumo mombun nu kabete'an. Katageo'an tiba kabuhingisan ko sida-sidanyomo aijo' hi aha. Aha sola'mo mombau palajanjian tiba Asyur ka' momboa lanya' i Mesir salaku tanda mompahabela'mo.”

HOSEA 12:3

Tumpu ko palakalamo hi aha bansa Yehuda; Ia suele mohukumo Israel kalana palabuatan nu aha. Ia mombalosakonmo palabuatan nu aha.

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

MIKHA 6:1

Potombihing pa' apaa na anu nonsaduakon sahingga Israel tinudumo nu Tumpu. Tinjo o, Tumpu ka' pongkalakmo na Belento! Da bungkutnyo tiba puge'nyo mohongo apaa na kahanda' nu taloakon nu Belento.

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.

PO'ULE' INGULIT 4:26

Langit ka' tano' na timbali sakisi sinaa aiya de maluannyo belemiu madi' tulu-tulutan hi belengku, belemiu malia-lia' sampa mate i tano' anu o jojoongi miu i santoa nu Kaunyo Yordan aijo'. Belemiu madi' pin na jojoong ikiijo', belemiu opateimo ingko-ingkot.