MIKHA 6:16 - KITAB NU TUMPU ALLA LELE MA'IMAI'

¹⁶ Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

MIKHA 6:16 Iomraidhean Croise

1 TOMU-TOMUNDO' 18:4

Tempo'nyo i Izebel nompateimo to nabi-nabi nu Tumpu, i Obaja aiya na nontulungi aha 100 na nabi pinosuluknyo i uno nu liang – 50 na mian i sa'angu' na liang – ka' nombee'i aha anu o kaan ka' anu o inum.)

1 TOMU-TOMUNDO' 9:8

Laigan ponsomban aiya timbalimo tambulan nu anu nopapu sahingga toto samian anu montulu i kiijo' tolokengkeng ka' mongoa'i mabuhuk. Aha motatae, 'Kadaka' Tumpu nombaumo susumo aijo' i lipu' ka' laigan aiya?'

2 TOMU-TOMUNDO' 16:3

Ia tinumuu'mo susumo to tomu-tomundo' nu Israel, pakalaus mule' ia nonsombahkonmo anaknyo momo'ane salaku koloban hi pilogot susumo anu saja'mo nu bau nu to mia-mian padahan bauon aijo' ma'idek, anu lewa' nu bau nu aha anu ia laa'mo nu Tumpu da madi'mo jojoong i lipu' Kana'an tempo'nyo mian nu Israel tinokamo i lipu' aijo'.

2 TOMU-TOMUNDO' 21:3

Tampat anu lewa' ponsomban pilogot anu ingideanmo i Hizkia tuumanyo po'ule'mo binaunyo. Manjoo' na mezbah anu lewa' binaunyo bau ponsomban Baal, ka' nombaumo mule' patong Pilogot boune Asyera, susumo anu binaumo i Ahab tomundo' nu Israel. I Manasye mule' nonsombahmo to bina-binatang.

2 TAWARIKH 22:4

I Ahazia binaladosa'mo hi Tumpu susumo aha sa'anakan i Ahab, kalana ahamo na lewa' nompokinde'i salatan tuumanyo sinilakamo. To mia-mian haha aijo' anu lewa' nompokinde'i, aijo'mo na nonsaduakon ia da nonta'up kasilakan.

2 TAWARIKH 34:25

Aha nohikumo aku ka' nonsombahkonmo koloban hi iwi-iwi na pilogot nu aha. Iwi-iwi' na anu binaumo nu aha nomposumongkelekmo aku. Aku pinusamo hi Yerusalem ka' pusang-Ku aijo' madi'mo Ku poko intim.

MAZMUR 1:1

Mohumpak kabilahian na mian anu madi' mombatuki pokinde' nu mia anu ma'idek na kinyonyoanyo, madi' montiho mian anu baladosa' ka' madi' lewa' gandi-gandian tiba mian anu mompisala'i ka' mongalu Tumpu,

MAZMUR 44:13

Pinobalukmo nu Belento na mian anu palesayamo, olinyo ola dengke-dengke ka' madi' ahi' nohumpak ka untungan maumo pa' apaa.

MAZMUR 44:14

Pinotimbalimo nu Belento na kami sola' nu kokojoi nu mian anu mompaha ohani tiba kami aha sola'mo mongalu ka' mongkokojoi kami.

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

YESAYA 9:16

Bansa aijo' madi'mo pinalesaya hi Tumpu ka' mule' palalente, ka' iwi-iwi' na potatae nu aha madi'mo na'ima'. Kalana aijo' aha to oli-olitau mau pe'e samian madi' ko anu pinoluput nu Tumpu. Ia madi'mo nongkalibosi to balu-balu tiba anu madi'mo ko tuumanyo ka' tinanyo. Panyo Tumpu daagi' ahi' sabole-boleh motambuha' ka' sabole-boleh mohukum.

YEREMIA 19:8

Ku potudunmo hi aha na balaa' anu opalias hondo ikota' aiya sahingga batu-batu mian anu motulu ikiijo' tolokengkengmo ka' mabuhukmo.

YEREMIA 25:18

Yerusalem tiba iwi-iwi' na kota' nu Yehuda tiba to tomu-tomundo' ka' mian anu ko pangkatnyo pino inumankumo anggur aijo', sahingga aha jinadimo susumo padang tampat anu kinunmo ka' okabuhukmo. Sampe toka sinaa uuka sanggo nu aha opakemo bau pongkutuki.

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEREMIA 29:18

Aha Ku pototumputimo nu pahampatean, kasusa'an i anu okaan, tiba panyakit anu molele, sahingga songko-songko na bansa idunia aiya anu montoa aha mabuhukmo na montoa kantumuu'an nu aha. Maumo pa' iyaya mae na pongga'a-ga'atakonan-Ku aha mian mabuhukmo, ka' meatmo na montoa apaa na anu jinadimo aijo' hi aha. Aha sola'mo okokojoi ka' mule' sanggo nu aha opakemo salaku bau lewa' pongkutuki.

YEREMIA 51:51

Belemiu notatae, ‘Kami lewa'mo ingalu ka' lewa'mo pinopo ambang; kami madi'mo pinalesaya kalana aha mian anu isalipu'an nonjojoongimo salipi'-salipi'nyo anu susi' anu kiijo' i uno nu Laigan nu Tumpu.’

YEREMIA 7:24

Panyo aha madi' mongka'oho' mohongo ka' mule' madi' mongka'oho' mompalahatikan. Aha ola mule' ahi' montuluti pongka'oho' nu kinyonyoa nu aha anu bangilan hondo ka' ma'idek hondo aijo'. Aha misa' da tinimbalimo na ima' panyo ola mule' ahi'da lebe na idek.

MOHAANGI 5:1

Inau' pe'e mae, o Tumpu, apaa na anu jinadimo aiya hi kami. Toa mae na kami, ka' tonto'i mae na kahina'an mami.

YEHEZKIEL 39:26

De aha po ule'mo ma'ima na jojoong ilipu' nu aha ka' madi'mo daagi' ko anu sola' mompopobuhuk aha sahingga nu kolilimimo nu aha mosia na aha pinopo ambangmo kalana madi'mo nompajuli mae Aku.

DANIEL 9:16

Belento nontulungimo mae kami tempo'nyo naipuan mae, kalana aijo' bolimo daagi' otambuha'i na Yerusalem kota' nu Belento, puge'nyo nu Belento anu susi'. Kalana dosa' mami tiba palabuatan anu ma'idek nu mompolee' mami sahingga iwi-iwi' na mian anu aitu mae mompaha ohani tiba kami montoa Yerusalem madi'mo ko angga'nyo ka' mule' kona hi aha mian anu palesayamo hi Belento.

HOSEA 12:14

Tumpu nompokaumo samian na nabi da momboa mian nu Israel mosabat da bolimo obotuani kiijo' i Mesir ka' da ojagaimo na aha.

HOSEA 5:11

Israel osakisamo; ia madi'mo ko hak hi tano' nu aha, kalana ia talalomo ahi' nomoita tulung hi aha anu madi' moko ala montulungi ia.

MIKHA 2:6

To mia-mian binalakhotbamo mae hi belengku, koonyo nu aha, “Boli balakhotba mae hi kami. Boli balakhotbah mongkona han aijo' iwi-iwi'. Kami madi' mule' mohumpak ambang.

MIKHA 6:13

Uuka aiya Aku montampu'unimo monsantip ka' mohansuni belemiu kalana dosa' nu belemiu iwi-iwi'.

ANU PINOTO'I HI YOHANES 2:20

Panyo aiya na Ku poto'i hi belemiu: Belemiu nongkanonongimo i Izebel, boune anu mongakui butongnyo pokauhon nu Tumpu aijo'. Manjoo'mo na to posa-posaihon-Ku anu ingakalannyomo ka' ingajannyo da masala', da mongkaan kaanon anu sinombahkonmo hi pilogot.