MIKHA 6:12 - KITAB NU TUMPU ALLA LELE MA'IMAI'

¹² To mia-mian anu kaya i kota nu belemiu mongkabisa'i mian anu kasiasi ka' mule' belemiu iwi-iwi' singkap ahi' baleko'.

MIKHA 6:12 Iomraidhean Croise

MAZMUR 120:2

O Tumpu, posalamatakon mae na aku da boli opoposia nu mian anu baleko' ka' anu pangakali.

MAZMUR 35:20

Potatae nu aha madi' ma'ima' aha nontanga'imo da mongakali hi mian anu tumuu' madi' sola' mombau anu ma'idek.

MAZMUR 78:36

Panyo aha ola nombaleko'i Ia, anu, nutaeakon nu aha madi' ko anu totu'u.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 3:8

Memang Yerusalem madi'mo kino angga'nyo! Yehuda madi'mo tinala sanggo! Kalana iwi-iwi' na potatae tiba palabuatan nu aha madi'mo nontuluti Tumpu ka' madi'mo nompajuli kakuasa'an-Nyo.

YESAYA 5:7

Kalana ale' nu anggur nu Tumpu Anu Daka na Kuasanyo aijo'mo aha mian nu Israel, ka' aha mian nu Yehuda aijo'mo na anggur anu sisinu'an-Nyomo. Aijo'mo hi aha na pontaha'imanian-Nyo ka'adilan panyo ola mule' ahi' kabuhingison. Aha na Nu taha'imani montoongi totu-totu'u anu hondo padahan ola mule' ahi ko anu aijo' hi aha na momoita ka'adilan.

YEREMIA 9:8

Potatae nu aha monsilakai hondo timbali mompatei susumo pana' anu ko bisa'nyo. Apaa na anu sola' nu taloakon nu aha saja' leko'. Potatae nu aha matami' hondo ka' timbali monggoda, panyo sabenannyo aha nonta'anmo so'o.

HOSEA 7:1

Tumpu notatae, “De Aku kahanda'mo mompa alin mian-Ku Israel anu palesayamo ka' po ule'mo mompokopiani kalakuan nu aha, panyo anu Ku toa ola ka'idekan tiba dosa' nu aha. Aha mompaha bale-baleko'i, aha mompinsoopi laigan nu mian ka' mombulingi, ka'aha mongagoi anu nu mian i jalan-jalan.

HOSEA 7:13

Silakamo na aha kalana aha nompala'imo Aku. Aha hansunmo kalana aha madi'mo nontuluti Aku. Aku ko kahanda' momposalamat aha panyo aha toka mae monsombah Aku madi' buke-buke' na kinyonyoa.

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.

AMOS 6:4

Silakamo na belemiu anu male' i kamale'an anu to ima-ima', ka' nombaumo bau-bauon nongkolotmo sapi' tiba domba anu daagi' bata'nyo!

ZEFANYA 1:9

Ku hukumo na mian iwi-iwi' anu monsombah susumo mian anu madi' monsumbu' Aku, ka' anu mombuling ka' anu lewa' mompatei da bau pongalapan bau pomposukup isi nu laigan nu tuan nu aha tiba to bala-balang anu ingagoan.”

ZEFANYA 3:3

To mia-mian daka' anu i kota' aijo' sumomo singa anu lewa' molohu'. To mia-mian kopiannyo sumomo to seri-serigala anu no'ohopmo, aha talalomo hondo nangoa sahingga sangkolong pe'e na buku madi'mo ko tuha'nyo anu okaan dodop.

SISIKON NU TO RASUL-RASUL 24:9

To mia-mian Yahudi anu i kiijo' suele nontuukmo i Paulus ka' mompototu'u iwi-iwi' anu tinaloakon i Tertulus.

ROMA 3:13

Gogohong nu aha sumo kubun anga-anga'. Pangakali ka' baleko' nu aha mo'ili lengkat mae i jila' nu aha, ka' biwi nu aha monsabatakon pitana', sumo bisa nu ulo.