MIKHA 6:10 - KITAB NU TUMPU ALLA LELE MA'IMAI'

¹⁰ I laigan nu to mia-mian anu ma'idek na palabuatannyo daagi' ko halata' anu i humpak kalana lewa' nongakali. Aha mompake takalan anu madi' totu'u, aijo' sa'angu' na palabuatan anu Ku ka'ideki. Mian anu mombau sumo aijo' Ku hukum.

MIKHA 6:10 Iomraidhean Croise

AMSAL 10:2

Kakaya'an anu ohumpak nu katageo'an madi' mombee'i ka untungan; panyo mule' anu madi' tageo' timbali momboa kasalamatan.

AMSAL 11:1

Tumpu mongka'ideki mian anu mompake timbangan anu mongakali; panyo Ia sanang hi mian anu mompake timbangan anu totu'u.

AMSAL 20:10

Pontimbang ka' pongukun anu mongakali madi' nuka'ima'i nu Tumpu.

AMSAL 20:23

Timbangan ka' batu timbangan anu madi' totu'u madi' nu talima nu Tumpu.

AMSAL 21:6

Kakaya'an anu i humpak kalana katageo'an nu kinyonyoa malia' hondo molapus ka' momboa mian i bolo' nu kubun.

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

AMOS 3:9

Bebaakonmo na aiya hi to mia-mian anu jojoong i Mesir ka' Asdod i laigan nu tomundo, “Posa'angu'mo i to bungku-bungkutnyo anu atina' i Samaria ka' potoakon na kahengge'an anu talalomo hondo, lewa'mo nompakisa anu nu mian ikiijo' mae.”

MIKHA 6:9

Talalo hondo pande na pikilan de mabuhuk hi Tumpu. Ia notataemo daka-daka' hi mian anu jojoong i kota', “Potombihing mae o, belemiu anu sinihukmo i kota'!

ZEFANYA 1:9

Ku hukumo na mian iwi-iwi' anu monsombah susumo mian anu madi' monsumbu' Aku, ka' anu mombuling ka' anu lewa' mompatei da bau pongalapan bau pomposukup isi nu laigan nu tuan nu aha tiba to bala-balang anu ingagoan.”

ZAKHARIA 5:6

Pinokilawangkumo, “Apaa na a aijo'?” Tinaamannyo, “Sa'angu' na kalajang aijo' mongibalatakon dosa' iwi-iwi' nu lipu' aiya.”

YOSUA 7:1

Tumpu nompalentahmo aha mian nu Israel da iwi-iwi' na anu kiijo' i kota Yerikho, tionyo ahi' ohopu'imo iwi-iwi', maumo ola sa'angu' madi' timbali o ala. Panyo palentah aijo' madi' tinulutan nu aha. Samian na mo'ane sanggonyo i Akhan madi'mo nompajuli palentah aijo', sahingga Tumpu talalomo hondo nontambuha'i aha mian nu Israel. (Tuumanyo i Akhan sanggonyo i Karmi ka' utusnyo tu'a sanggonyo i Zabdi minsoop tompukan i Zerah tulunan mae nu bansa Yehuda.)