MIKHA 5:8 - KITAB NU TUMPU ALLA LELE MA'IMAI'

⁸ Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

MIKHA 5:8 Iomraidhean Croise

KAJADIAN 49:9

I Yehuda sumo singa anu daagi' bata'nyo; ia mompatei gampanyo binatang da nu kaan, lantas po'ule' minsusule' jojoong i liangnyo; ia uminyohatmo lantas lumukutmo, ka' madi' ko samian pe'e na baani mohenggo ia.

MAZMUR 104:20

De Belento montau'akonmo mae pintung, sinaa malomo, ka' iwi-iwi' na binatang ma'ela' i alas motuhekapmo.

MAZMUR 44:5

Belentomo na Tomundo'ku ka' Tumpungku, anu nombee'imo ka untungan nahampate hi mian anu palesayamo hi Belento.

MAZMUR 50:22

Soba palahatikan, belemiu anu mongkolilimi Tumpu; bala ingati mae dumo belemiu Ku silakai, ka' madi' ko anu momposalamat.

AMSAL 30:30

Singa binatang anu talalo hondo mahoson hi iwi-iwi' na binatang ka' madi mabuhuk maumo pa' apaa na itina',

YESAYA 5:29

To sulu-suludadunyo molohuu' susumo singa anu sala'je nonsa'u kaanonnyo lantas pinopadeka'akonnyomo ka' madi' ko anu moko ala mongagoi aijo' hi ia.

YEHEZKIEL 39:10

Jadi aha madi'mo daagi'mo mongala kau' anu oposun i ale' kalana sinin na toongon anu pinala'ianmo aijo' sukupmo na oposun. Aha montololangimo ka' mongagoimo halata' nu to mia-mian anu nontololangimo ka' nongagoimo halata' nu aha. Aku, Tumpu Anu Matangkas na Kuasanyo notataemo.”

HOSEA 5:14

Susumo singa montumbuhi sumo aijo'mo na Aku montumbuhi mian nu Israel tiba Yehuda. Posi Akumo na mombea-beak aha lantas Ku pala'imo. De Ku hela'mo na aha mamba madi' ko samian pe'e na moko ala mompolapas aha.

MIKHA 2:12

Tumpu notatae mule, “O, mian nu Israel anu daagi' tinontuha'! Belemiu Ku posihukmo ka' mule' Ku posa'angu'mo susumo domba anu ninsusule'mo mae i pangkunnyo. Susumo hemput padang anu kahomo domba, sumo aitumo na lipu' nu belemiu mompaka da'isanmo na miannyo.

MIKHA 4:13

Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”

MIKHA 4:7

Aha ilepo'anmo ka' najo'onmo i kampung nu aha. Panyo kona hi aha mian anu tinontuha' aijo' Ku tampu'unimo na mompojadi sa'angu' na tulunan mule'. Aha saidi' mae timbalimo sa' angu' na bansa anu daka' ka' mahoson. Ku palentahje na aha lengkat mae aita'i Sion sampe toka sidu-sidutu'.”

MIKHA 5:3

De anu mongkuasai aha aijo' tokamo mae, Ia mompalentahmo mian-Nyo anu palesayamo tiba kahosonan ka' mule' kakuasa'an anu lengkat mae hi Tumpu-Nyo. Mian-Nyo anu palesayamo tumuu'mo sanang madi'mo ko anu mompoposia kalana iwi-iwi' na mian i songko-songko na dunia mompototu'umo katalasanggoan-Nyo,

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

ZAKHARIA 10:5

Mian anu jojoong i Yehuda untungmo na mahampate susu mo suludadu anu lewa'mo mompahampeja'akon sampobal' sumo hensek aitu i jalan. Aha mahampate kalana Aku, Tumpu na montulungi aha, ka' suludadu nu sampobali' momon sake'i ajahan nu patundu'mo nu aha iwi-iwi'.

ZAKHARIA 11:6

Aku madi'mo daagi' kokalibosan maumo pa'hihe na mian ilipu' aiya. Ku bee'mo iwi-iwi' na miannyo hi aha anu balakuasa. Aha aijo' mohansunimo lipu' aiya, ka' Aku madi'mo mompo ago aijo' ikakuasa'an nu aha.”

ZAKHARIA 12:3

Panyo de sinaa aijo' tokamo mae, Ku baumo na Yerusalem susumo batu anu maboat; maumo bansa pa' iya mae na monsoba mohangkat mohumpakmo bahaya. Iwi-iwi' na bansa i dunia aiya mosa'angu'mo montumbuhi Yerusalem.

ZAKHARIA 14:18

Ka' de mian nu aha Mesir madi' mongka'oho' molame'akon Lamean Tahop o, o, atopi nu Hon nu kau' saba' aha suelemo ahi' nu kona nu panyakit anu nu potoka mae nu Tumpu hi aha to bansa-bansa anu madi' mongka'oho' mamba monsombah Tumpu.

ZAKHARIA 9:15

Mian anu palesayamo hi Ia na memang ahi' Nu jagai, sahingga iwi-iwi' na sampobali' nu aha timbali opoko ala opatundu'. Susumo polo ais nu mian anu nalangumo nu inumon, sumo aitumo na polo ais nu aha hau-haunyo mahampate. Susumo baso' nu koloban anu dinudu'akonmo aita' i mezbah sumo aitumo na baso' nu sampobali' nu aha nobubus.

MALEAKHI 4:3

Kona isinaa aijo' Aku momputusimo, ka' mule' belemiu mompatundu'mo to mia-mian anu ma'idek na palabuatannyo, sahingga aha sumomo abu' anu opahampeja'akonmo nu belemiu.

NOMBILANGMO 24:9

Bansa aijo' sumomo singa lakinyo ka' singa behenyo, anu natidahapamo ka' nati lukutmo. Ihe na baani moliko ia? O amalakon da mian anu mombalakati beleyum obalakati, ka' mian anu mongkutuki beleyum okutuki.”

MATIUS 10:14

De ko laigan kabai kota' anu madi' mongka'oho' montalima komiu kabai madi' mongka'oho' mohongo komiu, pala'i na tampat aijo', ka' sapuakon na abu' nu pala nu tengkeum.

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.