MIKHA 5:7 - KITAB NU TUMPU ALLA LELE MA'IMAI'

⁷ Aha mian nu Israel anu daagi' jinojoong hi aha to bansa-bansa sumomo singa itotonga' nu to bina-binatang anu i uno nu alas kabai itotonga' nu tompukan nu domba anu i daerah nu padang hemput. Singa aijo' minsoopmo mokiijo' itotonga' nu tompukan nu domba haha aijo' ka' mompahampeja'akonmo ka' mule' mombente-bentekmo; madi' ko anu moko ala molapasakon domba haha aijo'.

MIKHA 5:7 Iomraidhean Croise

2 SAMUEL 17:12

Jadi tionyo ahi' ohumpakto na i Daud maumo ahi' pa' iya na kinajojoongannyo, ka' otumbuhintomo na ia da ma'isa pe'e nu sumbu' pa' apaa na anu jinadimo.

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MAZMUR 133:3

Kabai sumomo dondu'ok i Bungkutnyo nu Hermon, anu no'ilimo nokaiyong i puge'nyo nu Sion. Ikiijo'mo mae na Tumpu montudunakon balakat-Nyo, kantumuu'an sampe toka sidu-sidutu'.

MAZMUR 72:6

O'amalakon da ia sumomo ujan anu tudun i padang anu mateges, sumomo ujan daka' anu nongueeimo iwi-iwi na ale'.

AMSAL 19:12

Tambuha' nu tomundo sumomo polohu' nu singa; kanonongan nu tomundo sumomo dondu'ok mohumpisi sinin na anu tumuu'.

YESAYA 32:15

Panyo daagi' ahi' minsan na Tumpu saidi' mae toka tibamo kakuasa'an-Nyo. Sahingga padang tampat anu mateges timbalimo ale' anu toto lumba-lumba' ka' ale' iwi-iwi' saidi' mae sumomo alas.

YESAYA 44:3

Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.

YESAYA 55:10

Susumo ujan tudun lengkat mae i langit, ka' madi'mo nobalik, panyo mohumpisimo tano', nompa'omuk tano' ka' mompotumuu'mo sosu'anon, mohasinakonmo bua'nyo anu osu'an ka' anu o kaan,

YESAYA 66:19

Aku mompo'una'mo sa'angu' na tanda aijo' hi aha. Madi' manjoo' na anu aijo' hi aha na anu Ku posalamat. Aha Kusai mamba hi to bansa-bansa, ilipu' anu toto jo'o-jo'on, anu ma'isa toho' nohongo lele mongkona Aku kabai nontoa katalasanggoan tiba kuasang-Ku: mamba i Spanyol, i Libia, tiba i Lidia tiba anu to pande-pande na mompana', mamba i Tubal, tiba i Yunani. Aha saidi' mae mombebakonmo katalasanggoan-Ku i bansa haha aijo'.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEHEZKIEL 14:22

De bisuanyo ko anu moko ala mopalai ka' moko ala momposalamat to ana-anaknyo palahatikan na aha de maluanyo aha tokamo mae hi belemiu. Toa na ko ideknyo na palabuatan nu aha sahingga belemiu mangalti'je taalu' memang madi' ahi' sala' na Aku nohukumo Yerusalem.

YEHEZKIEL 47:1

Mo'ane aijo' nomboa mule' aku isabatan pinsoopan mokiijo' i Laigan nu Tumpu. Aku nontoamo uee mo ili lengkat mae akaong i aluk nu sabatan aijo' mamba isasu kabete'an, susumo suele Laigan nu Tumpu mongahopi sasu kabete'an. Uee aijo' mo ili lengkat mae akaong i aluk nu sabatan Laigan nu Tumpu bahagian salatan montulu sulapa'nyo sasu salatan nu mezbah.

YEHEZKIEL 5:5

Tumpu Anu Matangkas na Kuasanyo notatae, “Soba toa aiyamo na Yerusalem. Kota' aiya Ku po una'mo i puso nu dunia tiba nega-negara sangga'at anu mompaha ohani.

DANIEL 11:32

Sahingga tiba akan anu ma'idek tomundo' aijo' pagalamo monsale'i aha to mia-mian anu nompala'imo agama nu aha da mongka'oho' montulungi ia. Panyo to mia-mian anu tulu-tulutan hi Tumpu baani na mongewa ia.

HOSEA 14:5

Tumpu notatae, Mian-Ku anu palesayamo nonoteba'mo na kalakuannyo po ule'mo Ku ala, ka' kinyonyoang-Ku totu-totu'u mongkalibosimo aha madi'mo daagi Ku tambuha'i.

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

YOËL 2:32

Panyo de ihe na momoita tulung hi Tumpu saidi mae nu posalamatmo. Tumpu motataemo, “I Yerusalem to mia-mian anu pinile'an-Kumo oposalamatmo.”

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

MIKHA 2:12

Tumpu notatae mule, “O, mian nu Israel anu daagi' tinontuha'! Belemiu Ku posihukmo ka' mule' Ku posa'angu'mo susumo domba anu ninsusule'mo mae i pangkunnyo. Susumo hemput padang anu kahomo domba, sumo aitumo na lipu' nu belemiu mompaka da'isanmo na miannyo.

MIKHA 4:13

Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”

MIKHA 4:7

Aha ilepo'anmo ka' najo'onmo i kampung nu aha. Panyo kona hi aha mian anu tinontuha' aijo' Ku tampu'unimo na mompojadi sa'angu' na tulunan mule'. Aha saidi' mae timbalimo sa' angu' na bansa anu daka' ka' mahoson. Ku palentahje na aha lengkat mae aita'i Sion sampe toka sidu-sidutu'.”

MIKHA 5:3

De anu mongkuasai aha aijo' tokamo mae, Ia mompalentahmo mian-Nyo anu palesayamo tiba kahosonan ka' mule' kakuasa'an anu lengkat mae hi Tumpu-Nyo. Mian-Nyo anu palesayamo tumuu'mo sanang madi'mo ko anu mompoposia kalana iwi-iwi' na mian i songko-songko na dunia mompototu'umo katalasanggoan-Nyo,

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

ZEFANYA 3:13

Aha mian nu Israel anu daagi tuha'nyo madi'mo daagi mombau anu ma'idek maumo pa' hi he; aha madi' modaagi balekos ka' madi'mo lewa' mongakali. Aha mohumpakmo kantumuu'an anu ma'ima' ka' madi'mo daagi mongoa'i mabuhuk maumo pa' hihe.”

ZAKHARIA 14:8

I sinaa aijo' uee anu molino hondo mo ilimo mae lengkat i Yerusalem; sambagian na ueenyo mo ili mamba i Ambai Mate ka' sambagian mule' mamba i Ambai anu i Totonga'nyo. Uee aijo' mo ili motau-taun na kopinnyo mau i tempo'nu ehua mau i tempo' nu posinaa.

ZAKHARIA 9:13

Yehuda Ku pakemo susumo pana' nu suludadu anu baani ka' mule' Israel susumo hihis nu pana' anu sasadiamo opeletakon. Mian anu jojoong i Sion Ku pakemo susumo bajak tiba bajak aijo' aha to mia-mian nu Yunani Ku tumbuhimo.”

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

SISIKON NU TO RASUL-RASUL 11:15

Ka' tempo'nyo aku nontampu'unimo motatae sumo aitu,” sumo aijo' na i Petrus nolausakon mule' potataenyo, “Roh nu Tumpu Allah tinoka hi aha, pokakana sumo anu jinadimo hi kita u'utu pe'e mae daagi' momonanyo.

SISIKON NU TO RASUL-RASUL 13:46

Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

SISIKON NU TO RASUL-RASUL 16:9

Pihi-pihinyo i kiijo', i Troas, ko anu tinoa i Paulus. I uno nu anu tinoanyo aijo', ia nontoa samian na mian nu Makedonia tinuminjo i ahopnyo ka' pagala nongkakase da ia mamba mokiijo' i Makedonia da montulungi aha.

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

ROMA 10:20

I Yesaya lebee binaani mule': Ia notatae, “Sumo uuka na koo-Nyo nu Tumpu, ‘To mia-mian anu madi' molio Aku, nonsingkabotimo Aku; ka' Aku nompotoamo butong-Ku hi aha anu madi' moleleki mongkona Aku.’ ”

ROMA 11:12

Kalana bansa Yahudi nombaumo sala' ka' madi'mo nohongo-hongo pongka'oho' nu Tumpu, sahingga bansa-bansa sangga'at binalakatanmo nu Tumpu. Apaa mule' de pompahasumbu'an nu bansa Yahudi tiba Tumpu nompo'ule'mo na'ima'; tantu lebe daka' na balakat anu Nubee' nu Tumpu!

ROMA 9:30

Jadi, kahondoannyo aijo' sumo uuka: To bansa-bansa sangga'at anu misa' Yahudi madi' ko tanga'an da pompahasumbu'an nu aha tiba Tumpu mompo'ule' ma'ima'. Panyo kalana aha palesaya, sahingga Tumpu nombau pompahasumbu'an nu aha tiba Tumpu mompo'ule' ma'ima'.

1 KORINTUS 3:6

Aku na monsu'an, lantas i Apolos na nondudu'i, panyo posi Tumpu na mompotimbali pomulaonnyo tumuu'.

PO'ULE' INGULIT 32:2

O amalakon da pangajalan-Ku tudun mae susumo ujan, ka' potataengku jumuju mae susumo dondu'ok ka' mule' susumo dohidi' tudun i to hempu-hemput, ka' ujan daka' tudun i sosu'anon.

TO MIA-MIAN KOPIAN 6:36

Lantas i Gideon notataemo hi Tumpu Allah, “O Tumpu, belento nontaloakonmo tukoonto belento kahanda' mongala aku da mompobebasmo aha mian nu Israel.