MIKHA 5:6 - KITAB NU TUMPU ALLA LELE MA'IMAI'

⁶ Aha mian nu Israel anu daagi' tinontuha' timbalimo susumo dondu'ok ka' loop hondo anu lengkat mae hi Tumpu da bau bagi nu to bansa-bansa ka' mule' susumo ujan tudunmo mongujani sosu'anon. Aha palesaya memo ahi' hi Tumpu ka' misa'mo hi manusia.

MIKHA 5:6 Iomraidhean Croise

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

1 TAWARIKH 1:10

I Kus kino anak mo'ane samian sanggonyo i Nimrod, anu momona hondo tinimbali tomundo' ka' baani hondo i songko-songko na dunia.)

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

AYUB 29:22

Noko lapas na aku notatae, madi'mo daagi' ko anu palalu nompaka tuangi; potataengku nongkonamo aha susumo ujan tinudunmo mae.

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MAZMUR 72:6

O'amalakon da ia sumomo ujan anu tudun i padang anu mateges, sumomo ujan daka' anu nongueeimo iwi-iwi na ale'.

YESAYA 14:2

Manjoo' na bansa montulungimo bansa Israel da minsusule'mo ilipu' anu binee'mo nu Tumpu hi aha ka' ikiijo' mae bansa haha aijo' baumo posaihon nu aha Israel. Israel mompahahakopakonmo aha to mia-mian anu toho'mo nohakop ia ka' mule' mompalentahmo aha to mia-mian anu toho'mo nonsakisa i uno nu pakalaja'an.

YESAYA 14:25

Aha mian nu Asyur anu jojoong i Israel lipu'-Ku aijo' Ku silakaimo ka' anu jojoong aita'mae ibungkutnyo anu Aku na tumpunyo, Ku pahampeja'akonmo. Aku mompobebasmo bansang-Ku da boli lewa' osakisa ka' lewa' obee'i pakalaja'an anu maboat opa-opakisakon nu aha mian Asyur hi aha.

YESAYA 33:1

Silakamo na to sampo-sampobali'to! Aha mompahuhuakon maumo aha madi' opa huhuakon, ka' mombau palabuatan ma'idek maumo madi' obau apa-apaa na anu ma'idek hi aha. Panyo salatan moko pahuhuakonmo ka' mombaumo palabuatan anu ma'idek aha mule' ahi silakamo kalana sola' mompahuhuakon ka' mombau palabuatan anu ma'idek.

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

YESAYA 37:37

Sahingga tinolosule'mo na i Sanherib, tomundo' nu aha Asyur ka' ninsusule'mo ka' ninsusule'mo i Niniwe.

YESAYA 6:13

Pakalaus de daagi' ko anu aha sampulu' na mian lantas samian na daagi' jojoong ilipu' aijo' ia suelemo ahi' opatei. Panyo susumo kau' nunuk de otaa'mo daagi' ahi' ko tu'onyo sumo aijo' mule' daagi' ahi' ko tuha'nyo na bansa aijo' anu saidi' mae pomulaian mian anu susi'mo.”

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

NAHUM 2:11

Iyamo mae na kota' aijo' uuka aiya? Kota' anu sumomo liang tampat kalukutan nu singa? Tampat nu to ana-anak nu singa obee'i mongkaan, tampat anu lewa' kalambanan nu singa lakinyo tiba behenyo tampat anu madi' ko anu mompoposia to ana-anaknyo?

ZEFANYA 2:13

Lapas aijo' Tumpu monggunakonmo kuasa-Nyo da mohansunimo Asyur. Kota' nu Ninewe opotimbalimo da liingmo hondo ka' timbalimo tano' anu mateges.

ZEFANYA 3:12

Ikiijo' mae Ku pobee'mo da tataapmo na sa'angu' na bansa anu madi' takabun anu montaha'imani da Aku ahi' na montulungi. Aku timbalimo jojoong ikiijo' mae.

LUKAS 1:71

da momposalamat kita i sampo bali'to ka' lengkat i kuasa nu to mia-mian anu mongka'ideki kita.

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

PO'ULE' INGULIT 32:2

O amalakon da pangajalan-Ku tudun mae susumo ujan, ka' potataengku jumuju mae susumo dondu'ok ka' mule' susumo dohidi' tudun i to hempu-hemput, ka' ujan daka' tudun i sosu'anon.