MIKHA 5:2 - KITAB NU TUMPU ALLA LELE MA'IMAI'

² Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MIKHA 5:2 Iomraidhean Croise

KAJADIAN 35:16

Lapas aijo' i Yakub ka' iwi-iwi' na miannyo nompala'imo Betel. Salatan aha madi'mo talalo majo'on na mokiijo' i Efrata, tinokamo na tempo'nyo i Rahel mompohampemo anak. Panyo anaknyo susa' na hampe.

KAJADIAN 35:19

Salatan i Rahel sinilakamo, ia i lamunmo i sohipi' nu jalan anu mamba i Efrata, anu tempo' uuka aiya osanggohi Betlehem.

KAJADIAN 48:7

Ku bau na han aiya sumo aijo' kalana i Rahel tina nu beleyum. Tempo'nyo aku ninsusule'mo mae lengkat i Mesopotamia tina nu beleyum sinilakamo i tano' nu Kana'an, madi' majo'on lengkat i Efrata, ka' aku nolibosmo hondo. Aku nolamunmo ia kiijo' mae i sohipi' nu jalan mamba mokiijo' i Efrata.” (Tempo' uuka Efrata sinanggohanmo Betlehem.)

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

1 TAWARIKH 2:54

I Salma aijo'mo na anu nombau kota' Betlehem, iamo na mompolee' mae nu mian Netofa, mian nu Atarot-Bet-Yoab, ka' mian nu Zori, aijo'mo sala' sa'angu' na aha sa'anakan mae anu ohua' aijo' anu jojoong i Manahti.

MAZMUR 132:6

Kiijo' mae i Betlehem i hongontomo na Peti' Palajanjian, lantas i humpakmo i padang yaar.

MAZMUR 90:2

Ma'isa pe'e bungkutnyo iwi-iwi' pinotimbali, ma'isa pe'e tano' ka' dunia tinali' nu Belento, Belentomo na Tumpu anu sampe toka sidu-sidutu', madi' ko katampu'unannyo ka' madi' ko ka'ahenannyo.

NOSABATMO 18:21

Panyo tionyo ahi' suele beleyum mompile'i to pia-piangkuka na mo'ane anu pande, ka' mohangkat aha timbali polaya' hi mian anu samadala, mian anu sa'atu, mian anu limampulu' ka' mian anu sampulu'. Aha tionyo ahi' to mia-mian anu mabuhuk ka' mohongo-hongo Tumpu Allah, ka' timbali opalesaya ka' madi' mongka'oho' mongala doi bau pontutup palakala.

NOSABATMO 18:25

ka' nompile'imo to mia-mian anu pande hi aha mian nu Israel. Ia nohangkatmo aha timbali polaya' hi mian anu samadala, hi mian anu sa'atu, hi mian anu limampulu', ka' hi mian anu sampulu'.

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YESAYA 53:2

Tumpu mongkahanda'i da posaihon-Nyo aijo' susumo ahi' sulot mae nu kau' anu tumuu' i tano' anu nategesmo. Madi' ko anu ma'ima' na otoanto aijo' hi ia madi' ko anu ma'ima' na anu timbali o kamiluinto.

YESAYA 55:4

Totu-totu'unyo, ia Ku pojadimo timbali bau polaya' ka' talenga', sakisi nukuasang-Ku toka hi to bansa-bansa.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YEREMIA 30:21

Tomundo' anu mompalentah belemiu ohangkat anu atina posi bansa nu belemiu Bebas na ia mompaha sumbu' mae tiba Aku de maluanyo ia Ku lagamo, mangadap mae hi beleng-Ku Kalana ihe na baani moko ala mangadap mae hi beleng-Ku de ola posi pongka'oho'nyo? Belemiu timbalimo mian anu palesayamo hi beleng-Ku ka' Aku timbalimo Tumpu Allah nu belemiu. Aku, Tumpu na anu nontaeakonmo aijo'.”

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

MIKHA 4:10

O, mian anu jojoong i Yerusalem, uminyohatmo ka' tolo odosmo susumo boune anu kahanda'mo mongaanak! Kalana uuka aiya belemiu tionyo ahi' mompala'imo kota' ka' jojoongmo i padang. Belemiu memang ahi' mambamo i Babel, panyo ikiijo' mae Tumpu molapasakonmo belemiu da madi'mo nu pahampateakon nu mian anu monsampobali' belemiu.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MATIUS 2:1

I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

MATIUS 2:6

‘Beleyum Betlehem, i tano' nu Yehuda, beleyum misa' anu talalo ise' i to kota-kota anu penting i Yehuda. Kalana lengkat hi beleyum tokaje na samian anu bau polaya' anu molaya' mian-Ku Israel anu palesayamo.’ ”

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

LUKAS 23:2

I kiijo' aha nontampu'unimo nontuuk Ia. Koo-Nyo nu aha, “I humpak mami na Mian aiya, mompogulu' sala' hi mian daisan. Ia nonsale'i mian da boli mombayan hasin hi Tomundo, kalana tukoonyo Ia atina'mo i Kristus samian na Tomundo.”

LUKAS 23:38

I bawo nu kau' salib i Yesus, tinulis na potatae aiya: “Aiyamo na Tomundo nu Mian Yahudi!”

YOHANES 7:42

I uno nu Kitab nu Tumpu tinulis, ‘Tomundo anu Momposalamat te lee' mae i Daud, ka' anu toka lengkat mae i Betlehem, aijo'mo kampung kajojoongan i Daud.’ ”

PO'ULE' INGULIT 1:15

Saba' aitu i totonga polaya'-polaya anu pinela'an miu topia-piangkuka na anu pande ka ku ala ka ku hangkat da bau kapala miu. Topia-piangkuka obau kapala anu samadala, sagaat anu saatu na mian, anu limampulu na mian, ka' sampulu na mian. Aku suele mohangkat kapala-kapala sanggaat da mengatun bansa-bansa.

KOLOSE 1:17

Ma'isa pe'e iwi-iwi na apaa daagi', i Kristus momonanyo polo-polo'mo daagi'. Ka' kalana Ia ahi', sahingga iwi-iwi na apaa tinondaagi'mo i posi-posi tampatnyo.

IBRANI 13:8

I Yesus Kristus tataap pokakana mau naipuan mae, tempo' uuka, ka' sampe toka sidu-sidutu'.

IBRANI 7:14

Iwi-iwi' na mian monsumbu' saba' Tumpunto nolengkat mae i tulunan nu Yehuda; ka' i Musa madi' toho' nonsanggo tulunan aijo' tempo'nyo ia nombisalakonmo to ima-imam.

1 YOHANES 1:1

Isi nu sulat aiya mongkona Potatae nu Tumpu anu mompotumuu', aijo'mo Potatae nu Tumpu anu polo-polo'mo daagi' salatanmo pe'e momonanyo. Kami nohongomo ka' nontoamo nu posi mata mami. Kami nontoamo ka' lima mami nongkanyangmo ia.

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”

ANU PINOTO'I HI YOHANES 2:8

“Toka hi malaikat anu kiijo' i jama'at nu Smirna, tulismo sumo uuka: Aiyamo na potuunon lengkat mae hi Ia anu i momona ka' anu imihinyo – anu sinilakamo ka' po'ule'mo tinumuu'.

ANU PINOTO'I HI YOHANES 21:6

Lantas Ia notataemo, “Ilapasmo! Akumo na anu momonanyo, ka' anu imihinyo; Akumo na Tumpu lengkat pe'e Momonanyo toka-toka Imihinyo. Batu-batu mian anu megot, Ku po'inumije madi' pilenje o'oli i mata nu uee anu mombee'i kantumuu'an.

TO MIA-MIAN KOPIAN 17:7

Tempo'nyo aijo' suele daagi ko samian na olitau hi aha tulunan nu bansa Lewi. U'utu mae ia jinojoong i Betlehem i daerah nu aha Yehuda.

I RUT 1:1

Tempo'nyo naipuan mae ma'isa pe'e Israel kino tomundo'nyo, lipu' nu Kana'an tinokanmo nu balaa' kasusa'an i anu okaan. Tempo'nyo aitu daagi' ko samian na mo'ane sanggonyo i Elimelekh. Ia lengkat mae hi aha mian nu Efrata, ka' kajojoongannyo i Betlehem da'erah nu Yehuda. Kalana tinokamo na tempo'nyo kasusa'an i anu okaan, sahingga ia nambamo i lipu' Moab tiba bengkele'nyo, i Na'omi, tiba anaknyo to momo'ane ua'aha: I Mahlon tiba i Kilyon. Lantas aha jinojoongmo ikiijo' mae. Tempo'nyo aha daagi' kiijo' mae, i Elimelekh sinilakamo.

I RUT 4:11

To tu'a-tu'anyo ka' mian sangga'at anu ikiijo' notatae, “Ii', kamimo na nonsakisi. O amalakon mami da Tumpu mompotimbali bengkele' nu beleyum aijo' sumo i Rahel ka' i Lea anu nohampeakon manjoo' na anak hi langkai'nyo nu aha i Yakub. O amalakon mami da beleyum kaya hi aha to mia-mian lee' mae i Efrata ka' o amalakon da beleyum talasanggo i Betlehem.

1 SAMUEL 10:19

Aku nompobebasmo belemiu da boli sansala ka' mongoa'i kasusa'an, panyo uuka aiya belemiu madi'mo nompajuli Aku, Tumpu Allah nu belemiu, kalana belemiu nompoitamo da Aku montiju' samian anu bau tomundo' nu belemiu. Jadi ma'ima'mo sihukmo mae aiya i ahop-Ku Tumpu Allah nu belemiu iwi-iwi' na tulunan nu bansa gampa mae nu belemiu.’ ”

1 SAMUEL 17:12

I Daud anak i Isai mian nu aha Efrata lengkat mae i Betlehem Yehuda. I Isai ko anak aha ualu' na to momo'ane, ka' tempo'nyo i Saul nompalentah i Isai i langkai'mo hondo'.

1 SAMUEL 17:18

Boa suele na keju sampulu' na batuannyo aiya ka' obee' hi kapala nu suludadu. Pokilawa pa' mosia na lele nu to utu-utus tu'a nu beleyum ka' boa mae na tanda hi belengku de beleyum siningkabotmo tiba aha ka' aha ma'i-ma'ima' ahi i kiijo'.

1 SAMUEL 23:23

Jadi otoa hondo mana-manasa na liang haha itina' anu toho'mo pinainsulukannyo, ka' po ule' mae mo uuka monsusule' mompoto'i hi belengku. Lantas aku mambaje hingga-hinggat tiba belemiu, ka' de ia daagi i daerah itina' memang kubali balikakon totu-totu'u, ka' Yehuda tionyo ahi' ku songkohimo.”

1 SAMUEL 8:12

Sambagian nu hangkat mongkapalai suludadu aha samadala na mian, ka' sambagian mule' mongkapalai aha limampulu' na mian. Tomundo aijo' saidi mae mompakisa to ana-anak nu belemiu mompajeko ale'nyo, mongalapakon hasin u ale'nyo, mombau toongon da bau pimuhuk ka' pakakas nu kareta anu opake mahampate.