MIKHA 4:9 - KITAB NU TUMPU ALLA LELE MA'IMAI'

⁹ Kadaka' humangmo na beleyum hoso-hoson? Kadaka' beleyum nongoa'imo kasansala'an susumo boune anu kahanda'mo monganak? Pa' ugaat kalana beleyum madi' ko tomundo'nyo ka' mule' anu lewa' mompokinde'i beleyum sinilakamo?

MIKHA 4:9 Iomraidhean Croise

YESAYA 13:8

Aha iwi-iwi' jadimo mabuhuk anu taha-tahahumo, ka' lewa'mo maha piosan nu buhuk susumo boune anu kahanda'mo mompohampe anak. Aha mompaha didinmo ka' bata-batamo, ohup nu aha mohahamo kalana na ambangmo.

YESAYA 21:3

Anu tinoangku aijo' nompobingungmo hondo aku sampe aku madi'mo noko ala nontoa kabai nohongo. Aku nabuhukmo ka' mule' nasakitmo sumomo ahi' samian na boune anu kahanda'mo monganak.

YESAYA 26:17

Susumo boune anu kahanda'mo mompohampe anak mongka'oa'imo ka' mondede'akonmo sakitnyo, sumo aijo'mo na kami i ahop nu Belento, o, Tumpu.

YEREMIA 22:23

Belemiu jojoong madi' ko anu mompoposia nu tikubi nu ohii' kau' lontio' lengkat mae i Libanon, panyo saidi' mae de belemiu nu tokaimo mae nu kasusa'an belemiu mongoa'imo kasansala'an susumo boune anu kahanda'mo monganak.”

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

YEREMIA 4:21

Sampe toka hipian na aku tionyo monsakisi mian mahampate taha-tahahumo? Sampe toka hipian na tionyo aku mohongo onyi' nu tolompet anu talalomo na onyi'nyo?

YEREMIA 4:31

Ihongongkumo na mongkadede'akon sumomo boune anu kahanda'mo monganak; sumomo langkoyang anu ai-aituje na monganak, sumo aijo'mo na haang nu Yerusalem anu binusokmo na mingkinyonyoa. Limanyo maha kaweanmo ka' ia mompele-pele'mo, “Silakamo na aku – aku nu pateimo nu sampobali'!”

YEREMIA 48:41

Sinin na kota'nyo tiba bentengnyo iwi-iwi' opatundu'mo ka' suludadunyo singkapmo mabuhuk sumomo boune anu kahanda'mo mompohampe anak.

YEREMIA 50:43

Salatan nohongo lele aijo' itomundo' Babel madi'mo daagi' noko ala nombau apa-apaa. Ia tinokanmo nu buhuk anu taha-tahahumo, ka' nongoa'imo sakit susumo boune anu kahanda'mo mompohampe anak.

YEREMIA 8:19

Hongo ahi' isongko-songko nalipu' kinolongnyomo kihis tiba haang nu bansangku mompokilawa, “Pa' madi'mo daagi' ko Tumpu kiita' i Sion? Iyamo mae na tomundo'nyo uuka aiya?” Tinaamanmo nu Tumpu, tomundo' nu aha, “Kadaka' belemiu tinolodadupumo monsombah to pilo-pilogot anu madi' hondo-hondo ko gunanyo? Kadaka' sinakitanmo nu belemiu na kinyonyoang-Ku nononsombahmo to pilo-pilogot?”

MOHAANGI 4:20

Aha nohakopmo tomundo anu pinile'anmo nu Tumpu, mian anu obuulakon mami salaku anu mombee'i kantumuu'an, ka' monjagai de ko sampobali'.

HOSEA 10:3

Madi'mo daagi pin aha motataemo, “Kita madi'mo ko tomundo'nyo kalana kita madi'mo nabuhuk hi Tumpu. Apaa na gunanyo samian na tomundo' hi kita?”

HOSEA 13:13

Israel daagi ko kasampatan na tumuu' panyo aha talalo hondo ponga', sahingga madi' monggunakon kasampatan aijo'. Ia sumomo bunga mea' anu sasaidi' uuka hampemo, panyo madi' mongka oho' mosabat mae aijo' i ma'alum nu tinanyo.

HOSEA 3:4

Sumo aijo'mo na bau-baunyo na aha bansa Israel; pini ahi' hondo na aha tumuu' madi' ko tomundonyo kabai polaya', madi' ko koloban kabai tugu anu pinotinjo i tempat ponsomban, madi'mo ko to pilo-pilogot, kabai to aji-ajimat anu mompoto'i lahasia anu jadi aiya mae i ahop.

MIKHA 5:3

De anu mongkuasai aha aijo' tokamo mae, Ia mompalentahmo mian-Nyo anu palesayamo tiba kahosonan ka' mule' kakuasa'an anu lengkat mae hi Tumpu-Nyo. Mian-Nyo anu palesayamo tumuu'mo sanang madi'mo ko anu mompoposia kalana iwi-iwi' na mian i songko-songko na dunia mompototu'umo katalasanggoan-Nyo,

YOHANES 16:21

De samian na boune ohanimo na mohampeakon, ia susa' kalana tempo'nyomo na ia mongoa'i sansala. Panyo salatan anaknyo i hampemo, nukolilimimo nu boune aijo' na sansala anu ingoa'annyo, kalana lame' samian na bungamea' i hampemo i dunia.

ANU PINOTO'I HI YOHANES 12:2

Boune aijo' hau-haunyo poboa, ka' kalana tempo'nyomo mompohampe, sahingga ia noloboo'mo mongadede'akon sakit.