MIKHA 4:8 - KITAB NU TUMPU ALLA LELE MA'IMAI'

⁸ Ka' beleyum Yerusalem tampat nu Tumpu monjagai mian-Nyo anu palesayamo susumo polaya' anu monjagai tompukan nu dombanyo, beleyum po ule'mo timbali puso nu kota' nu kalaja'an nu belemiu susumo u'utu mae momona.

MIKHA 4:8 Iomraidhean Croise

KAJADIAN 35:21

Lapas aijo' i Yakub nolausakonmo lajangnyo, lantas nompotinjomo kemahnyo i sa'angu' na tampat moliu-liu laigan tangka-tangkas kiijo' i Eder.

2 SAMUEL 5:7

I Daud notataemo hi to sulu-suludadunyo, “Pa' daagi ko mian anu aiya hi kita mongka'ideki mian nu Yebus susumo aku suele mongka'ideki aha? Totu-totu'u ahi' na ia mongka'ideki aha sahingga o jujuhi' ahi'na mompatei aha? De sumo uuka yo pinsoopmo montulu jalan mae nu uee ka' paha pateimo na anu to pengko-pengko' tiba anu to mapi-mapisok anu ku ku ka'ideki aijo'.” (Mokonyo aijo' tinaloakonmo nu mian, “Mian anu mapisok tiba mian anu pengko' madi' timbali minsoop hi laigan nu Tumpu.”) I Daud noko alamo nongkuasai benteng nu Sion ka' jinojoongannyomo. Ka' sinanggohannyomo “Kota' Daud”. Kota aijo' binaunyo montotonga'i benteng aijo' tinampu'unan lengkat pe'e mae i sasu kabete'an na lewa' tinambunan nu tano' tangka-tangkas sahingga nabungkutmo.

MAZMUR 24:7

Po'ewa na montuhea'akon sabatan daka' anu pini-pininmo, da minsoopmo na Tomundo' anu talasanggo aijo'.

MAZMUR 48:3

Sion, puge'nyo nu Tumpu natunjomo ma'ima' hondo kota' nu Tomundo' anu Talasanggo momposanang songko-songko na dunia.

MAZMUR 61:3

Majo'on i laiganku na aku aiya mongkakase hi Belento, kalana madi'mo ko anu ku taha'imani. Belentoje na momboa aku i tampat popalaian da madi' ko anu mompoposia tampat anu talalo hondo matangkas madi'mo ku poko ala otoka;

NYANYIAN ANU TALASANGGO 4:4

Gogohong nu beleyum mimbalu-balu' laigan tangka-tangkas anu binau i Daud bau pontanggalakonan mian ka' ponguna'an sanjata. Olo' nu beleyum sumomo samadala na kanta, ka' amangkun toongon nu to sulu-suludadu iwi-iwi'.

YESAYA 1:26

Belemiu po ule'mo Ku bee'i to mia-mian ko pian ka' mule' anu lewa' mompokinde'i susumo nai puan mae. Sahingga Yerusalem osanggohimo kota' anu adin ka' mule' susi'.”

YESAYA 10:32

Sinaa uuka sampobali' tinokamo i kota' Nob, ka' ikiijo' mae aha nontangkakonmo pajagun nu aha i sasu Puge'nyo nu Sion, mambamo i kota' Yerusalem.

YESAYA 5:2

Nu pansun na tano'nyo ka' nu paha alini na batunyo. Sinu'annyomo na anggur anu pinile'annyomo ka' binaunyomo na laigan tangka-tangkas bau ponjagaian. Kinekenyomo sa'angu' na bolo' da pombauan tampat pompao'an nyo anggur, lantas nu tanda'imo na bua'nyo maha, panyo bua'nyo anu ola anggur anu malosing.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 7:18

Panyo mian anu palesayamo hi Tumpu, Anu Matangkas na Kuasanyo na montalimaje hak da mompalentah ka' pamalentahannyo timbali pin hondo sampe toka sidu-sidutu'.”

OBAJA 1:21

Mian anu jojoong i Yerusalem anu nohumpakmo kabilahian saidi' mae montumbuhimo Edom ka' mule' mompatundu'mo. Sah ingga Aku Tumpu na saidi' mae mompalentah susumo tomundo'.”

MIKHA 2:12

Tumpu notatae mule, “O, mian nu Israel anu daagi' tinontuha'! Belemiu Ku posihukmo ka' mule' Ku posa'angu'mo susumo domba anu ninsusule'mo mae i pangkunnyo. Susumo hemput padang anu kahomo domba, sumo aitumo na lipu' nu belemiu mompaka da'isanmo na miannyo.

ZAKHARIA 9:10

Tumpu notatae, “Kareta-kareta anu bau pahampate anu lengkat mae i Efraim, Ku alinje, iwi-iwi' na ajahan nu Yerusalem Ku hopu'ije, ka' iwi-iwi' na pana' Ku hansunije. Tomundo' nu belemiu mombebakonje paladamean hi aha to bansa-bansa. Lengkat mae i ambai mamba i ambai na ia balakuasa, lengkat mae i Kaunyo nu Efrat toka-toka i puusnyo nu dunia.”

ZAKHARIA 9:12

Pinsusule'mo mae o belemiu to mia-mian anu bibinoamo ka' pinojoongmo i sa'angu na tampat, tempo uuka belemiu montaha'imanimo. Pinsusule'mo mae i tampat anu timbali monjagai belemiu. Aku tataap mombalakatimo belemiu. Potombihing mae: Pinduan ohu'a na belemiu Ku balakati kalana iwi-iwi na kasansala'an anu ingoa'anmo nu belemiu.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

NOMBILANGMO 24:19

Lengkat mae hi Yakub saidi' mae lubatmo na samian anu montoongi kakuasa'an, anu mompatei iwi-iwi' na sampobali'nyo.”

MATIUS 21:33

“Hongo na kantuang anu sa'angu' aiya mule'”, koonyo i Yesus. “Samian na tumpu nu tano' nonsu'ani sa'angu' na ale' nu anggur. Ia nompagan titikub, ka' nongkeke bolo' bau pompo' una'an tampat pompeeti anggur, ka' mule' nompotinjo pontamongian. Lapas aijo', ia nontamboakon ale' nu anggur aijo' hi aha anu mokalaja, lantas namba i lipu' sangga'at.

MARKUS 12:1

Lapas aijo' i Yesus nontampu'unimo notatae nu kantuang hi to kapa-kapala nu imam, to gulu-gulu' agama ka' to pola-polaya' nu Yahudi. I Yesus notatae, “Daagi' ko samian anu nonsu'ani sa'angu' na ale' nu anggur, lantas nompagan titikub. Lapas aijo' ia nongkeke bolo' da bau pompetian anggur, lantas ia nompotinjo sa'angu' na laigan bau pontamongian. Lapas aijo' tinamboakonnyomo na ale' nu anggur aijo' hi to pia-piangkuka na anu mokalaja, lantas nambamo i kampung sangga'at.

EFESUS 1:21

Pangkat i Kristus aijo' lebe matangkas molingkudui pangkat nu iwi-iwi' na pamalentah, iwi-iwi' na anu ko kuasa, iwi-iwi' na polaya', iwi-iwi' na to tuan-tuan ka' mau mule' ihe na anu binee'anmo pangkat anu matangkas; mau anu tumuu' tempo' uuka aiya, mau mule' anu tumuu' i tempo' anu tokaje mae.

ANU PINOTO'I HI YOHANES 22:5

Aha madi'mo mompalalui sulu' kabai jingka nu batu nu sinaa, kalana madi'mo daagi' pihi, ka' Tumpuje na monjingkai aha. Sahingga aha saidi' mae mompalentahmo susumo tomundo sampe toka sidu-sidutu'.