MIKHA 4:4 - KITAB NU TUMPU ALLA LELE MA'IMAI'

⁴ Iwi-iwi na mian tumuu' madi'mo ko anu mompoposia ka' mohumpakmo kantumuu'an ma'ima' itotonga' nu ale' nu anggur tiba ale' nu ara; madi'mo ko anu lewa' monggala-gala ia aijo'mo na palajanjian nu Tumpu Anu Daka' na Kuasanyo.

MIKHA 4:4 Iomraidhean Croise

1 TOMU-TOMUNDO' 5:5

Tumpu nojanji'mo hi tuumangku, i Daud sumo uuka, 'Anak nu beleyum momo'ane na Ku hangkatje bau tomundo' mombolosakon beleyum, iaje na mompotinjo laigan bau ponsombaan mae Aku.' Kalana aijo' kita Tuan Hiram Anu talasanggo aku i Salomo nombaumo kaputusan da mompotinjomo laigan aijo'.

AYUB 11:19

Beleyum madi'mo mabuhuk hi mian anu mongka'ideki; manjoo' na mian momoitaje tulung hi beleyum.

MAZMUR 72:3

De timbali da lipu' mami mohumpakmo ka'ima'an ka' kantumuu'an anu sanang, ka' daagi' ko ka'adilan hi songko-songko na bansa.

AMSAL 3:25

Bolimo belemiu mongkabuhuk balaa' anu saintolo-tolo montokaimo mae susumo tombusisi', ka' nontuda'mo to mia-mian anu ma'idek na kinyonyoanyo.

YESAYA 1:20

Panyo de belemiu madi mohongo-hongo Aku, belemiu matemo i uno nu pahampatean. Akumo na Tumpu anu notataemo.”

YESAYA 17:2

Iwi-iwi' na kota' i Siria opala'imo sampe toka sidu-sidutu' ka'timbalimo tampat nu gombuan nu potuu'on; madi' kosamian na anu molaa' aha.

YESAYA 22:25

De bisuanyo aijo' jadimo saba' sapa anu pinokonamo hoso-hoson aijo' tonggautmo ka' manabu'mo. Ka' aijo'mo na kamingkotannyo nu to utu-utusnyo ka' iwi-iwi' na mian anu mompasehakon butong nu aha hi ia. Aku, Tumpu, notataemo.”

YESAYA 26:16

Belento nohukumo kami; i uno nu kasansala'an kami po ule'mo nompalesaya Belento, ka' binalado'amo hi belento, o, Tumpu.

YESAYA 32:17

Batu-batu mian mombaumo palabuatan anu totu'u sahingga daagi'mo ko kantumuu'an ma'ima' ka' madi'mo ko anu mombau kahengge'an sampe toka sidu-sidutu'.

YESAYA 36:16

Boli mohongo i Hizkia! Aku, tomundo' nu Asyur mompoto'i da belemiu mosabat mae atina' ikota' ka' mangakumo kalah. Da belemiu timbali mongkaan bua' nu anggur anu i, ale' nu belemiu ka' monyamit bua' nu ara anu pinosi su'an nu belemiu ka' mule' monginum uee anu iposi bubung nu belemiu,

YESAYA 40:5

Sahingga kaholomatan nu Tumpu oponyata'mo; iwi-iwi' na manusia monsakisimo. Totu-totu'u, Tumpu binalajanji'mo!”

YESAYA 54:14

Beleyum binaumo i uno nu kaadilan, madi'mo daagi' ko anu okabuhuk ka' kasansala'an.

YESAYA 58:14

Sahingga belemiu lame'mo kalana nontulutimo Aku. Ku pojadimo na belemiu oholomati isongko-songko na dunia. Belemiu sanangmo na tumuu' kalana hasin nu tano' pusaka' i Yakub mompolee' nu belemiu. Aku, Tumpu na notataemo.”

YEREMIA 23:4

Aku mohangkatmo polaya' da monjagai aha. Mian anu palesayamo hi beleng-Ku madi'mo daagi' mabuhuk ka' madi'mo daagi' saja' nu lakat; madi'mo daagi' maga'a na mian anu aijo' hi aha. Aku, Tumpu notataemo.”

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

YEHEZKIEL 34:25

Aku mombaumo palajanjian tiba aha anu timbali otaha'imani monjagai aha. Ku laa'mo na binatang iwi-iwi' anu mahangas isongko-songko na lipu', sahingga to domba-dombang-Ku jojoongmo sanang i iwi-iwi na padang ka' lumukutmo i iwi-iwi na alas.

YEHEZKIEL 34:28

Aha madi'mo daagi otololangi nu to bansa-bansa anu madi' monsumbu' Aku, kabai nu sa'u nu to bina-binatang anu mahangas. Aha tumuu'mo ma'ima' ka' madi'mo daagi ko samian anu lewa' mompahatakut aha.

YEHEZKIEL 38:11

Beleyum montantukanmo montumbuhi lipu' anu madi' ko bentengnyo aijo', anu miannyo ikiijo' tumuu' madi' koanu mompoposia ka' ma'ima' isinin na kota' anu madi' ko pagannyo mesen ka' mule' anu madi' ko posadiaon bau pahampate.

YEHEZKIEL 39:26

De aha po ule'mo ma'ima na jojoong ilipu' nu aha ka' madi'mo daagi' ko anu sola' mompopobuhuk aha sahingga nu kolilimimo nu aha mosia na aha pinopo ambangmo kalana madi'mo nompajuli mae Aku.

IMAMAT 26:6

Aku monjagaije kaamanan nu lipu'miu sahingga belemiu hoyotmo bobogon ka madi'mo ko anu o kabuhuk manmo pa'hihe. To binatang-binatang anu mahangas, Ku hopu'imo ilipu'aijo ka' madi'mo ko anu mahampahe ilipu' nu belemiu.

MIKHA 5:3

De anu mongkuasai aha aijo' tokamo mae, Ia mompalentahmo mian-Nyo anu palesayamo tiba kahosonan ka' mule' kakuasa'an anu lengkat mae hi Tumpu-Nyo. Mian-Nyo anu palesayamo tumuu'mo sanang madi'mo ko anu mompoposia kalana iwi-iwi' na mian i songko-songko na dunia mompototu'umo katalasanggoan-Nyo,

ZEFANYA 3:13

Aha mian nu Israel anu daagi tuha'nyo madi'mo daagi mombau anu ma'idek maumo pa' hi he; aha madi' modaagi balekos ka' madi'mo lewa' mongakali. Aha mohumpakmo kantumuu'an anu ma'ima' ka' madi'mo daagi mongoa'i mabuhuk maumo pa' hihe.”

ZAKHARIA 3:10

De sinaa aijo' tokamo mae batu-batu mian molagamo mian anu mompaha ohani tiba laigannyo da toka mae mongoa'i kadamean ka' mule' kasanangan itotonga' nu ale' nu anggur ka' mule' itotenga nu to kau-kau' ara nu belemiu.”