MIKHA 4:3 - KITAB NU TUMPU ALLA LELE MA'IMAI'

³ Tumpu momputusimo palakala hi aha to bansa-bansa hi aha to nega-negara anu mahoson anu majo'on kabai anu ohani. To baja-bajak nu aha otutukmo bau pajeko ka' mule' to talo-talombo' nu aha opotimbalimo piso' bau pongkiis. To bansa-bansa madi'mo daagi' paintumbu-tumbuhian ka' mule' madi'mo daagi' mosadia da mahampatemo.

MIKHA 4:3 Iomraidhean Croise

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

MAZMUR 46:9

Imbo' toa pa' apaa na anu binaumo nu Tumpu; talalo ahi' okabangangi na anu binau-Nyomo i dunia aiya!

MAZMUR 72:3

De timbali da lipu' mami mohumpakmo ka'ima'an ka' kantumuu'an anu sanang, ka' daagi' ko ka'adilan hi songko-songko na bansa.

MAZMUR 72:7

O'amalakon da ka'adilan sabole-boleh obau kopinnyo ia mompalentah, ka' kasanangan nu kantumuu'an boli kokakulangannyo kopinnyo daagi' ko bitu'on.

MAZMUR 82:8

Tokamo mae o Tumpu, bee'i mae kaputusan na dunia aiya, kalana iwi-iwi' na bansa Belento na Tumpu-Nyo.

MAZMUR 96:13

Kalana Tumpu tokamo mae mompalentah i dunia, Ia momputusimo hukuman nu to bansa-bansa, adin ka' madi' tageo'.

MAZMUR 98:9

Kalana ia toka mae da momputusimo hukuman nu dunia; iwi-iwi' na bansa oputusimo na hukuman-Nyo, ka' adin ka' madi' hondo sala'.

YESAYA 2:4

Ia na momputusi aha to bansa-bansa, ka montantukan kaputusan nu palakala hi aha tulunan nu to bansa-bansa. Bajak otutukmo da timbalimo aja' ka' mule' talombo' otutukmo da timbali piso' bau pongkis. Aha to bansa-bansa madi'mo lewa' mompaha tubu-tumbuhi, ka' mule' madi'mo lewa' balasadia da mahampatemo.

YESAYA 25:3

Belento nu puji'mo nu to bansa-bansa anu toto hoso-hoson, ka' okabuhukmo iyaya mae na kota' nu to bansa-bansa anu buhingison.

YESAYA 51:5

Kasalamatan anu Ku bee'mo ingohanimo, tempo'nyo nu kamanangan-Ku malia'mo mae toka. Akumo ahi' na mompalentah to bansa-bansa. Lipu' anu toto jo'o-jo'on saja'mo montanda'i Aku ka' montaha'imanimo palabuatan-Ku anu daka' hondo.

YESAYA 60:12

Bansa tiba kalaja'an anu madi' mongka'oho' tulut hi beleyum osilakaimo ka' mingkotmo.

YESAYA 65:25

Serigala tiba anak nu domba mogalumo na mongotot hempu'; singa mongototmo haat susumo sapi', ka' mule' ulo madi'mo ahi' monsilakai. Isongko-songko na puge'nyo anu susi' anu Aku na tumpunyo madi'mo daagi' ko anu mompolugi kabai mombau palabuatan anu ma'idek.”

YESAYA 9:7

Tumpu nonabu'akonmo hukuman hi aha kalaja'an Israel.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

HOSEA 2:18

Tempo'nyo aijo' Aku mombaumo palajanjian tiba iwi-iwi' na ngahannyo nu binatang da aha boli mompoposia mian-Ku anu palesayamo. Madi'mo Ku pobee' na mahampate ka' mongalinimo to paka-pakakas anu bau pahampate aijo' i lipu' nu mian-Ku anu palesayamo aijo', ka' mombau aha da tumuu' sanang ka' amanmo.

HOSEA 2:20

Susumo anu jinanji'-Kumo beleyum Ku nika'ije. Nu akuije nu beleyum na Aku salaku Tumpu nu beleyum.

YOËL 3:2

Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

ZAKHARIA 14:3

Lantas Tumpu mompahampateakonmo mongewa bansa haha aijo' susumo anu binau-Nyomo tempo'nyo naipuan mae.

ZAKHARIA 8:20

Tumpu Anu Daka' na Kuasanyo notataemo, “Tempo'nyo tokamo mae, manjoo' na mian anu jojoong ito kota-kota' tokamo mae i Yerusalem.

ZAKHARIA 9:10

Tumpu notatae, “Kareta-kareta anu bau pahampate anu lengkat mae i Efraim, Ku alinje, iwi-iwi' na ajahan nu Yerusalem Ku hopu'ije, ka' iwi-iwi' na pana' Ku hansunije. Tomundo' nu belemiu mombebakonje paladamean hi aha to bansa-bansa. Lengkat mae i ambai mamba i ambai na ia balakuasa, lengkat mae i Kaunyo nu Efrat toka-toka i puusnyo nu dunia.”

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

1 SAMUEL 2:10

Anu monsampobali' Tumpu opatei madi' ko anu tontuha', aha mabuhukmo; aita' mae i langit lumontupmo na gohung-Nyo, Tumpu na momputusi palakala nu dunia songko-songko, Ka' mombee'i kuasa anu talasanggo, hi tomundo' anu pinile'an-Nyomo.”