MIKHA 4:13 - KITAB NU TUMPU ALLA LELE MA'IMAI'

¹³ Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”

MIKHA 4:13 Iomraidhean Croise

MAZMUR 24:1

Mazmur i Daud. Tano' aiya ka' isinyo iwi-iwi' anu nu Tumpu, dunia aiya ka' iwi-iwi' na anu jojoong i unonyo.

MAZMUR 68:29

Tumpu nu belemiu montuntut kahosonan nu belemiu; o, Tumpu potatapmo mae hi kami apaa na anu binaumo nu Belento hi kami.

MAZMUR 72:10

To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

YESAYA 18:7

Tokaje mae na tempo'nyo palasombahan-palasombahan obee'mo hi Tumpu Anu daka' na Kuasanyo lengkat mae ilipu' aijo' nunu sahak nu kaunyo haha aijo'anu lengkat mae i bansanyo anu mahoson ka' mule' baani, ka' mule' lengkat hi aha miannyo anu toto tangka-tangkas ka' kilitnyo ma'ima' ka' mule' okabuhuk isongko-songko na dunia aiya. Aha tokamo mae i Puge'nyo nu Sion itampat nu Tumpu Anu Daka' na Kuasanyo osombah.

YESAYA 21:10

Bansaku Israel! Beleyum pinahampeja'akomo ka' lewa'mo ilanda'an sumomo batu nu gandum. Uuka aiya ku poto'imo hi beleyum lele ma'ima' anu ihongongkumo hi Tumpu Anu Daka' na Kuasanyo, Tumpu nu aha Israel.

YESAYA 23:18

Ka untungan tiba tambo nu mokalaja anu nu humpak madi'mo ola nu una', panyo nu palasombahkonmo hi Tumpu. Aha to mia-mian anu monsombahmo Tumpu monggunakonmo doi aijo' bau pongoli kapalaluan nu aha pihude tiba anu nu kaan nu aha.

YESAYA 5:28

Hihis nu pana'nyo matajom ka' anu pompeletakonnyo me kokogia' opeletakon. Konuku nu ajahannyo mokuut susumo behese' ka' mule' loda nu karetanyo jokot na tumoyo sumomo ahi tombusisi'.

YEREMIA 51:20

Tumpu notatae, “Babel beleyum sumomo pompaan, baumo toongon-Ku de mahampatemo. Beleyum Ku pakemo bau pompaan bansa-bansa ka' kalaja'an-kalaja'an.

YEREMIA 51:33

Madi'mo daagi' pin aha opatundu'mo ka' opahampeja'akonmo nu sampobali' susumo gandum itampat pongututan gandum. Aku, Tumpu Anu Mahakuasa, Tumpu Allah Israel, no tataemo.”

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

HOSEA 10:11

Naipuan mae Israel sumomo sapi' anu daagi' bata'nyo anu ingajanmo ima-ima' ka' nongka'ima'imo mongutut gandum. Aku madi'mo palalu mompokona pasangan itundunnyo anu ma'ima' aijo'. Panyo uuka aiya Aku mongalamo kaputusan da opakisamo na aha mokalaja anu toto maha-mahan. Yehuda Ku pokaumo mompajeko, ka' Israel mule' Ku pokaumo mompolata tano' anu pinajekomo.

MIKHA 5:7

Aha mian nu Israel anu daagi' jinojoong hi aha to bansa-bansa sumomo singa itotonga' nu to bina-binatang anu i uno nu alas kabai itotonga' nu tompukan nu domba anu i daerah nu padang hemput. Singa aijo' minsoopmo mokiijo' itotonga' nu tompukan nu domba haha aijo' ka' mompahampeja'akonmo ka' mule' mombente-bentekmo; madi' ko anu moko ala molapasakon domba haha aijo'.

HABAKUK 3:12

Notambuha'mo na Belento sinongko-songko na dunia, pinahampeja'akonmo nubelento na to bansa-bansa kalana kapanasan nu kinyonyoa nu Belento.

ZAKHARIA 12:3

Panyo de sinaa aijo' tokamo mae, Ku baumo na Yerusalem susumo batu anu maboat; maumo bansa pa' iya mae na monsoba mohangkat mohumpakmo bahaya. Iwi-iwi' na bansa i dunia aiya mosa'angu'mo montumbuhi Yerusalem.

ZAKHARIA 12:6

I sinaa aijo' to utu-utus nu aha Yehuda Ku pojadimo susumo apu i uno nu tambulan nu kau' anu pinosunmo kabai susumo potong anu noakmo pinosuhapmo i timpa'an nu gandum; nu silakaimo nu aha na to bansa-bansa anu aitu mae mompaha ohani aha. Panyo mian anu jojoong i Yerusalem na tataap ahi' jojoong madi' ko anu mompoposia i uno nu kota'.

ZAKHARIA 4:14

Ia suele notataemo, “aijo' alati'nyo ua'aha na mian anu pinile'anmo nu Tumpu i dunia aiya songko-songko ka' binee'anmo pakalaja'an da mombau anu Nu palentahkon.”

ZAKHARIA 6:5

Ia nontaami, “Aku nambamo i opat na tampat anu nu tujui nu aha de aha moko pangadapmo hi Tumpu nu songko-songko na dunia.

1 KORINTUS 16:2

Sinaa momona anu i sa'angu' na duminggu aijo', kita Utus iwi-iwi' toto samian montoukaimo ahi' doi anu oposi po'iwi'mo sitimbang tiba polioannyo. Po'una na doi aijo' sampe aku toka, da toka i tempo'nyo madi'mo palalu molimu' doi na komiu.

PO'ULE' INGULIT 33:25

O amalakon da iwi-iwi' na sabatan daka' anu tambaga ka' besak na binau bau kahosonan nu aha, da kantumuu'an nu aha madi' ko anu mompoposia.”

YOSUA 6:19

Iwi-iwi' na pakakas, salaka, mosoni', tambaga ka' besak aijo' bau bagi nu Tumpu ka' opo'una' i tampat pompo'una'an halata' nu Tumpu.”