MIKHA 4:12 - KITAB NU TUMPU ALLA LELE MA'IMAI'

¹² Panyo bansa haha aijo' madi' monsumbu' pa' mosia na tanga'an nu Tumpu. Madi' nu sumbu' nu aha, na aha aijo' pinosihuk-Nyomo saba' da ohukumo susumo gandum otambunmo da o, ututmo.

MIKHA 4:12 Iomraidhean Croise

MAZMUR 147:19

Ia nompotokamo potuunon-Nyo hi mian anu pinalesayamo hi Ia, palentah ka' atulan-Nyo hi mian anu pinile'an-Nyomo.

MAZMUR 147:20

Ia madi' nombau susumo aijo' hi bansa-bansa sangga'at, aha madi' monsumbu' iwi-iwi' na atulan-Nyo. Opuji' na Tumpu!

YESAYA 10:7

Panyo tomundo' nu aha Asyur koposi tanga'annyo ahi'. Ia kokahanda' da obau ahi' kaganasan na mompalentah ka' mule' manjoo' ahi' na bansa opatei.

YESAYA 21:10

Bansaku Israel! Beleyum pinahampeja'akomo ka' lewa'mo ilanda'an sumomo batu nu gandum. Uuka aiya ku poto'imo hi beleyum lele ma'ima' anu ihongongkumo hi Tumpu Anu Daka' na Kuasanyo, Tumpu nu aha Israel.

YESAYA 29:7

Lantas iwi-iwi' na gombuan nu suludadu nu aha anu isalipu'an mae montumbuhimo Yerusalem, kota' nu mezbah nu Tumpu, iwi-iwi' na anu nontikumo ka' anu nontumbuhimo kota' aijo' saidi mae madi'mo daagi' otoa susumo anu ola ingipi pihi-pihi.

YESAYA 55:8

Tumpu notatae, “Pikilan-Ku misa' sumo pikilan nu belemiu ka' jalan-Ku misa' sumo jalan nu belemiu.

YEREMIA 29:11

Te misa' Ku posi sumbu'i ahi' na anu tinanga'an-Kumo mosia na belemiu atina'? Apaa na anu tinanga'an-Kumo aijo' misa' da monsilakai belemiu panyo da bau ka'ima'an nu kantumuu'an nu belemiu ka' mombee'i belemiu kasampatan anu lebe ma'ima' aiya mae i ahop.

YEREMIA 51:20

Tumpu notatae, “Babel beleyum sumomo pompaan, baumo toongon-Ku de mahampatemo. Beleyum Ku pakemo bau pompaan bansa-bansa ka' kalaja'an-kalaja'an.

YEREMIA 51:33

Madi'mo daagi' pin aha opatundu'mo ka' opahampeja'akonmo nu sampobali' susumo gandum itampat pongututan gandum. Aku, Tumpu Anu Mahakuasa, Tumpu Allah Israel, no tataemo.”

YOËL 3:2

Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

LUKAS 3:17

I lima-Nyo ko kiapan bau pontapii ingko-ingkot na gandum sampe belesi'. Gandum Nu posa'angu' i uno nu alang, panyo iwi-iwi' na ota'nyo Nu papui i uno nu apu anu madi' ko kapateannyo!”