MIKHA 4:10 - KITAB NU TUMPU ALLA LELE MA'IMAI'

¹⁰ O, mian anu jojoong i Yerusalem, uminyohatmo ka' tolo odosmo susumo boune anu kahanda'mo mongaanak! Kalana uuka aiya belemiu tionyo ahi' mompala'imo kota' ka' jojoongmo i padang. Belemiu memang ahi' mambamo i Babel, panyo ikiijo' mae Tumpu molapasakonmo belemiu da madi'mo nu pahampateakon nu mian anu monsampobali' belemiu.

MIKHA 4:10 Iomraidhean Croise

2 TOMU-TOMUNDO' 20:18

To maku-makumpu nu beleyum daagi' ko anu o'ala ka' o hangkat timbali pangkat mokalaja i laigan nu tomundo' mombau apaa na anu nu palentahkon i tomundo' Babel.”

2 TOMU-TOMUNDO' 25:4

pagan mesen nu kota' aijo' i hobo'akonmo nu sampo bali'. Pihi-pihi aijo' maumo mian nu Babel nontumbuhimo kota' aijo', iwi-iwi' na suludadu nu Yehuda nopalaimo namba i bangka'nyo nu Yordan. Aha nontulu jalan i taman anu aijo', koko laigan nu tomundo', lantas nosabatmo nontulu sabatan daka' anu mompoguntang ohua' na pagan mesen i tampat aijo'.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

2 TAWARIKH 36:20

Mian da'isan anu madi' pinatean pinaha boanyomo i Babel. Kiijo' mae aha binaumo posaihonnyo ka' mule' nubaumo posaihon nu lee'nyo saidi' mae sampe kalaja'an nu Persia nompalentahmo.

2 TAWARIKH 36:23

“Sumo uuka na palentah i Kores, tomundo nu Persia! Tumpu, Tumpu Allah anu mongkuasai suluga' nompotimbalimo aku tomundo mompalentah songko-songko na dunia, ka' nompokaumo aku da mombau laigan-Nyo i Yerusalem anu i da'erah Yehuda. Jadi, komiu iwi-iwi' anu tinimbalimo mian anu pinalesayamo hi Tumpu Allah tionyo ahi' minsusule'mo kiijo' mae! O' amalakon da Tumpu Allah nu belemiu monjagai belemiu.” 97

MAZMUR 106:10

Tiba jalan anu susumo aijo', Ia nomposalamatmo aha da madi' pinatean nu mian anu mongewa aha, pinobebas-Nyomo na aha da madi'mo kinuasan nu mian anu monsampobali'.

YESAYA 43:14

Tumpu na Nomposalamatmo Belemiu, Anu Susi' Israel, notataemo, “Kalana belemiu, Aku nonsaimo suludadu namba i Babel, ka' pinaha idean-Kumo na ponsupati tumban nu talungku': taligala nu aha mian nu Kasdim ingabali'-Kumo nu tando' ka' haang.

YESAYA 45:13

Akumo na nompotuka hi Kores da obaumo na anu kinahanda'an-Kumo ka' mule' montoongimo hondo-hondo ka adilan. Ku pohatamo na jalan iwi-iwi' anu nu tului. Ia po ule'mo mombau kota'-Ku Yerusalem ka' mompobebasmo mian anu palesayamo hi beleng-Ku aijo'mo aha anu ihakop ka' binoamo madi' pinai tamboan ka' madi' pinai bayan.” Tumpu Anu Daka' na Kuasanyo notataemo.

YESAYA 48:20

Lako'mo popalai ka' bolimo jojoong i Babel, ka' bebakonmo na lele aiya toka-toka iyaya mae. Poto'imo ka' pontaligalaimo lame-lame': “Tumpu nomposalamatmo posaihon-Nyo aha Israel!

YEREMIA 13:4

“Lako'mo mamba i Kaunyo nu Efrat, ka' posuluk na lipa' kodo'-kodo' aijo' i olot nu batu.”

YEREMIA 15:21

Aku mompobebasamo beleyum da madi' nu kuasai nu aha to mia-mian anu ma'idek na palabuatan nu aha ka' talalo ahi' singgi. Aku, Tumpu, notataemo.”

YEREMIA 29:20

Ka' mule' belemiu iwi-iwi' anu binoang-Kumo namba i Babel potombihing mae apaa na Aku Tumpu tinaeakon.’

YEREMIA 4:31

Ihongongkumo na mongkadede'akon sumomo boune anu kahanda'mo monganak; sumomo langkoyang anu ai-aituje na monganak, sumo aijo'mo na haang nu Yerusalem anu binusokmo na mingkinyonyoa. Limanyo maha kaweanmo ka' ia mompele-pele'mo, “Silakamo na aku – aku nu pateimo nu sampobali'!”

YEREMIA 48:41

Sinin na kota'nyo tiba bentengnyo iwi-iwi' opatundu'mo ka' suludadunyo singkapmo mabuhuk sumomo boune anu kahanda'mo mompohampe anak.

YEREMIA 52:27

idaerah Hamat. Ikiijoo' mae aha sinakisamo lantas pinateanmo. Sumo aijo' na to mia-mian nu Yehuda binoamo lengkat mae ilipu' nu aha ka' binoamo itampat pinompojoongan aha,

HOSEA 1:10

Bansa nu Israel timbalimo na konjoo'nyo sumo bone' i ambai, sahingga madi' opo ka ala otakan kabai o lekeng. Uuka aiya Tumpu motataemo hi aha, “Belemiu misa'mo mian-Ku anu palesayamo,” panyo tokaje na tempo'nyo. Ia notataeje hi aha, “Akumo na Tumpu anu tumuu' ka' belemiumo na to ana-anak-Ku!”

HOSEA 13:13

Israel daagi ko kasampatan na tumuu' panyo aha talalo hondo ponga', sahingga madi' monggunakon kasampatan aijo'. Ia sumomo bunga mea' anu sasaidi' uuka hampemo, panyo madi' mongka oho' mosabat mae aijo' i ma'alum nu tinanyo.

HOSEA 2:14

Tumpu notataemo, “Kalana aijo' Aku momboamo ia mamba i padang mateges; ikiijo' mae ia Ku hase'je nu potatae sindua'an.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MIKHA 5:3

De anu mongkuasai aha aijo' tokamo mae, Ia mompalentahmo mian-Nyo anu palesayamo tiba kahosonan ka' mule' kakuasa'an anu lengkat mae hi Tumpu-Nyo. Mian-Nyo anu palesayamo tumuu'mo sanang madi'mo ko anu mompoposia kalana iwi-iwi' na mian i songko-songko na dunia mompototu'umo katalasanggoan-Nyo,

ANU PINOTO'I HI YOHANES 12:14

Panyo boune aijo' binee'anmo ohua' na polipik nu tomonsi' bonyia' anu daka' hondo, da ia lumahap mamba i tampatnyo i padang mateges, da ia opotumuu' sampe totolu' mintonga' na taun da boli nusa'u nu ulo anu talalo hondo daka' aijo'.