MIKHA 3:8 - KITAB NU TUMPU ALLA LELE MA'IMAI'

⁸ Panyo mongkona ibutongku aiya, Tumpu nombee'imo mae aku roh-Nyo tiba kuasa-Nyo. Aku binee'an-Nyomo balakat da monsumbu' ka'adilan ka' mule' kabaanian da moko ala mompoto'i hi aha mian nu Israel iwi-iwi', na anu binaumo nu aha.

MIKHA 3:8 Iomraidhean Croise

AYUB 32:18

Madi'mo sabaan na aku montanda'i. Madi'mo daagi' ku poko ala ku intim na potataengku.

YESAYA 58:1

Tumpu notatae, “Poloboo'mo hoso-hoson! Poto'imo hi mian anu palesayamo hi beleng-Ku na ko dosa-dosa' nu aha.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YESAYA 61:2

Ia nonsaimo aku da mompolele saba' tokamo na tempo'nyo Tumpu momposalamatmo; da mohase'mo iwi-iwi' na mian anu sinusa'mo ka' mombalosakon mo sampobali' nu aha;

YEREMIA 1:18

Potombihing mae! Beleyum nu ka'idekimo nu mian anu jojoong ilipu' aiya, aijo'mo to tomu-tomundo' nu aha Yehuda, to paga-pagawe nu pamalentah, to ima-imam, ka' suele aha mian daisan. Panyo sinaa aiya Ku bee'imo kahosonan na beleyum da moko ala mongewa aha. Beleyum timbalimo susumo kota' anu ko bentengnyo, pokakanamo susumo ohi' besak, ka' pagan mesen tambaga. Aha madi' moko ala mohungku'i beleyum, kalana Aku na monsangalui ka' monjagai beleyum. Aku, Tumpu notataemo.”

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YEREMIA 6:11

Tambuha' nu Belento hi aha suele ahi' ningoboamo ibutongku, o Tumpu! Madi'mo opokotahan.” Lantas Tumpu notataemo, “Potudunmo na tambuha' atina' hi to ana-anak anu aijo' ijalan daka' ka' hi to pomu-pomuda anu sinihukmo. Mo'ane tiba boune ohakopmo, ka' anu talalomo ilangkai' ka' binengkele'mo suele ahi' madi'mo opobebas.

MOHAANGI 2:14

Anu pinotokakon nu to nabi-nabi hi belemiu, ola ahi' leko' ka' pongakali nu aha. Aha madi' toho' mompoto'i dosa' nu belemiu sahingga kalana aijo' beleyum madi' mobabali'i palabuatan nu dosa' nu beleyum. Ola mule'ahi' aha nompoto'i hi belemiu potatae anu toto bale-baleko' mompigalapi.

YEHEZKIEL 16:2

“O, manusia anu madi' tumuu' batu, soba poto'i hi aha na palabuatan-palabuatan nu Yerusalem anu toto mahu-mahumimi' bibinaunyomo.”

YEHEZKIEL 20:4

O, manusia anu madi' tumuu' batu, binalasadiamo na beleyum momputusi hukuman nu aha? Dongan sampamo bau! Po ingat hi aha na anu okahegati iwi-iwi' bina-binaumo nu mompolee' nu aha.

YEHEZKIEL 22:2

“O, manusia anu madi' tumuu' batu. Sinadiamo na beleyum mombee'i kaputusan hukuman i kota' anu kahomo mian anu sola' mompatei. Poto'i hi aha iwi-iwi' na palabuatan nu aha anu talalo hondo okahegati.”

YEHEZKIEL 23:36

Tumpu notataemo mae hi belengku, “O, manusia anu madi' tumuu' batu, sinadiamo na beleyum momputusi hukuman i Ohola tiba Oholiba? Tewa' na aha sola-solamo nombau anu okahegati da bolimo lewa' nu bau nu aha.

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

YEHEZKIEL 43:10

Lantas po ule'mo mae notatae na Tumpu, “O manusia anu madi' tumuu' batu, poto'i hi aha mian nu Israel, na Laigan-Ku aiya ka' pokau na aha da mompotutugakon apaa na anu tinanga'anmo nu aha. Obau na aha da mongoa'i ambang kalana dosa' nu aha iwi-iwi'.

MATIUS 7:29

Kalana Ia mongajan nu kuasa, misa' sumo to gulu-gulu' nu agama nu aha.

MARKUS 3:17

I Yakobus ka' i Yohanes utusnyo, aijo'mo to ana-anak i Zebedeus (aha aiya sinanggohan-Nyo Boanerges, alati'nyo “anak nu gohung”),

1 KORINTUS 2:4

Lele anu pinotokakon hi komiu madi' pinotokakonku nu potatae anu mompagala mongendei susumo kapandean nu dunia. Aku nompotokakon aijo' tiba jalan momponyata', saba' Roh nu Tumpu Allah ko kuasanyo.