MIKHA 3:3 - KITAB NU TUMPU ALLA LELE MA'IMAI'

³ Bansangku kinaanmo nu belemiu. Kilit nu aha binea-beakmo nu belemiu ka' mule' bukunyo i hansunanmo nu belemiu. Aha pinado-padotmo nu belemiu susumo mompado-padot antok nu binatang anu o'isimo i kuhon.

MIKHA 3:3 Iomraidhean Croise

MAZMUR 14:4

Tumpu notatae, “Pa' madi'mo ko kasinsumbu'annyo na mian toto ide-idek na kinyonyoanyo haha aijo'? Aha tumuu' ola saja' mompahuhui mian anu palesayamo hi Beleng-Ku ka' madi'mo toho' balado'a mae hi Beleng-Ku.”

MAZMUR 27:2

De aku nu tumbuhi mae nu mian anu ma'idek na kinyonyoanyo anu kahanda'mo mompatei mae aku ahamo ahi' na tosumpun ka' tombahangkangmo.

AMSAL 30:14

Daagi' ko mian anu molio Kaanon nu jalan anu talalo buhingison, aha talalo hondo buhingison ka' molio ka'untungan hi mian kasiasi ka' hi mian anu madi' moko ala mombau apa-apaa.

YESAYA 3:14

Tumpu mongulusmo susumo mian kopian hi aha to pola-polaya' nu aha mian anu palesayamo hi Ia. Sumo uuka na Tumpu nontudu aha; “Belemiumo na nontomang iwi-iwi' na isi nu ale' nu anggur; laigan nu belemiu kahomo balang anu ingagoan nu belemiu hi aha mian anu kasiasi.

YESAYA 3:15

Kadaka' belemiu nonsakisamo mian anu palesayamo hi beleng-Ku ka' lewa'mo nongakali mian anu kasiasi? Aku, Tumpu Anu Matangkas na Kuasanyo ka' mule' Anu Daka' na Kuasanyo notataemo.”

YEHEZKIEL 11:3

Kalana aijo' potokakon na potuunon-Ku aha obee'imo hukuman, o, manusia anu madi' tumuu' batu. Kalana aha nontaloakonmo, ‘Madi'mo daagi pin na laigan haha aiya po ule'mo obaunto. Kota'mo aiya na kuhon ka' kitamo na antok nu binatang i unonyo. Kita madi'mo nu poposia nu panas nu apu kalana kiijo' i unonyo nu kuhon.’ ”

YEHEZKIEL 24:4

Po isi na antok nu binatang anu ma'ima' hondo; antok nu binatang anu ibekoangnyo ka' mule' antoknyo anu i pa'anyo ka' mule' bukunyo anu manjoo' na touaknyo.

AMOS 8:4

Potombihing mae o belemiu anu nongkabisa'imo mian anu kasiasi i lipu' aiya sahingga aha i hansunmo.

MIKHA 2:8

Tumpu nontaami, “Belemiumo na anu nontumbuhi mian-Ku anu palesayamo susumo anu monsampobali. Mian ninsusule'mo mae i pahampatean ka' nontaha'imanimo au'aitu madi'mo ko anu mompoposia pada han ikiijo' mae belemiu nontanda'imo ahi' da mongagoimo laigannyo.

ZEFANYA 3:3

To mia-mian daka' anu i kota' aijo' sumomo singa anu lewa' molohu'. To mia-mian kopiannyo sumomo to seri-serigala anu no'ohopmo, aha talalomo hondo nangoa sahingga sangkolong pe'e na buku madi'mo ko tuha'nyo anu okaan dodop.