MIKHA 2:6 - KITAB NU TUMPU ALLA LELE MA'IMAI'

⁶ To mia-mian binalakhotbamo mae hi belengku, koonyo nu aha, “Boli balakhotba mae hi kami. Boli balakhotbah mongkona han aijo' iwi-iwi'. Kami madi' mule' mohumpak ambang.

MIKHA 2:6 Iomraidhean Croise

MAZMUR 74:9

To nabi-nabi ka' tanda-tanda anu okabangangi madi'mo daagi' tinoa, ka' madi' ko anu monsumbu' pa' hipianje na anu susumo aiya belentimo.

YESAYA 29:10

Nu pojadimo nu Tumpu matatundu' na belemiu ka' hoyot bobogonmo. Nu kukubimo na mata nu to nabi-nabi ka' mule' nongkukumbungimo mata nu aha anu saja montoa apa-apaa.

YESAYA 30:10

Aha nontaloakon hi to nabi-nabi, “Gunggumi na nganga' nu belemiu! Boli mae mompoto'i hi kami hahan anu totu'u, panyo ola ahi' apaa na anu oka'ima'i mami ohongo. Bakas da kami ola saja' mompopikilakon anu madi' mingkaliangan.

YEHEZKIEL 20:46

“O, manusia anu madi' tumuu' batu, soba toa isasu salatan. Soba taeakon hi tano' sasu salatan ka' tambuha'i na alas anu kiijo' mae.

YEHEZKIEL 21:2

“O, manusia anu madi' tumuu' batu, kutukimo na Yerusalem. Kutukimo na tampat-tampat ponsomban nu aha kiijo' mae. Pokinde'imo na tano' nu Israel,

YEHEZKIEL 3:26

Ku pojadimo na jila' nu beleyum madi'mo moko ala mongkohenggo sahingga beleyum madi'mo moko ala mompokinde'i bansa anu saja' motomuhuk aiya.

AMOS 2:12

Panyo belemiu mombee'i mian anu iniatakonmo hi Tumpu monginum anggur, sahingga mombau da aha madi'mo mongganapi jandi'. Ka' belemiu nontewa'moto nabi-nabi da bolimo momposampe potuunon-Ku.

AMOS 7:13

Bolimo daagi' balahotba i Betel. Kota' aiya ola samata-mata bau tampat nu tomundo' ka' tampat pogalejaan nu mian da'isan.”

AMOS 7:16

Kalana aijo' potombihing pe'e apaa na anu tinaloakonmo nu Tumpu hi belemiu. Kalana beleyum montewa' aku balahotba mompisala'i bansa Israel.

MIKHA 3:6

“O to nabi-nabi tempo'nyo nu belemiu ohanimo lapas; batu nu sinaa makakinsapmo. Belemiu madi'mo montoa anu opoto'i na tanga'an-Ku iwi-iwi'. Belemiu madi'mo daagi' moko ala mongkila-kila apa-apaa.”

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

SISIKON NU TO RASUL-RASUL 4:17

Panyo da han aiya boli talalo togilele ka' lebe motala mule' i totonga' nu to mia-mian, imbo' da opopobuhukto na ua-ua'aha, da aha madi'mo timbali motatae hi samian pe'e mompake sanggo i Yesus.”

SISIKON NU TO RASUL-RASUL 5:28

Ia notatae, “Tinewa'mo mami na komiu, da bolimo hondo-hondo mongajan mongkona Mian aijo'. Panyo uuka soba toa pa' apaa na anu binaumo nu belemiu! Komiu nompolelemo pangajalan miu aijo' i songko-songko na Yerusalem, ka' komiu ola mule' monsangka saba' kamimo na anu nonsaduakon kinapatean nu Mian aijo'.”

SISIKON NU TO RASUL-RASUL 5:40

Sahingga to rasul-rasul aijo' i laga, lantas pinohos, lapas aijo' pinoliwa'mo na mongajan mule' mongkona i Yesus. Lapas aitu, i lapasakonmo na aha.

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!