MIKHA 2:3 - KITAB NU TUMPU ALLA LELE MA'IMAI'

³ Kalana aijo' Tumpu notataemo, “Aku ko tanga'anmo montuda'i balaa' belemiu sahingga belemiu madi' ko madi'nyo nu konamo ahi' nu balaa'. Toka i tempo'nyo anu soe' aijo' belemiu madi'mo daagi moko ala junjuhi na lumajang.

MIKHA 2:3 Iomraidhean Croise

YESAYA 29:20

Aijo'mo na kamingkotannyo nu to mia-mian anu saja' mombee'i kasansala'an mian sangga'at ka' sola' montee Tumpu. Tumpu mompateimo iwi-iwi' na mian anu baladosa',

YESAYA 3:16

Tumpu notatae, “Buulon hondo na to bou-boune nu Yerusalem! Aha saja' honbagaya ka' saja mata kalajang ka' mule' aha lumajang saja' kotige-tige. Aha lu majang sumo anu obau-bau ka' gilinsingan na galang nu tengkenyo.

YESAYA 5:19

Belemiu notatae, “Bakasmo da Tumpu anu susi' nu aha Israel mali-lia' mae mombau katantuan! Bakasmo da Nu pojadimo na anu tinanga'an-Nyomo da otoanto ka' mule' osumbu'tomo.”

YEREMIA 18:11

Tumpu notataemo mae hi belengku, “Uuka aiya, poto'imo hi mian nu Yehuda tiba hi aha mian anu jojoong i Yerusalem taalu' Aku binatanga'mo da mongewamo aha, ka' nontoukaimo hukuman anu onabu'akonmo hi aha. Palentah na aha da bolimo mombau kabiasa'an nu aha anu baladosa' aijo' lantas mombabali'imo kalakuan nu aha tiba palabuatan nu aha.

YEREMIA 27:12

Padon hi Zedekia tomundo' nu Yehuda, aku i Yeremia, suele ahi' nompoto'imo sumo aijo'. Pinoto'ingku, “Paninta'alukmo hi tomundo' Babel. Tulutimo na ia ka' suele hi bansanyo da belento Tomundo' salamat.

YEREMIA 36:23

Salatan totolu'mo kabai opatmo nakalimat na binasa'akon i Yehudi, ingalamo itomundo' ka' sinayu'annyomo na bahagian aijo' nu piso' ise-ise' ka' ingalinnyomo i uno nu apu. Sumo aijo'mo na saja' binaunyo sampe iningkot na kitab anu ilulun ai-aijo' nopapu.

YEREMIA 43:2

Lantas i Azarya anak i Hosaya ka i Yohanan anak i Kareah tiba iwi-iwi' na mian sangga'at anu singkap buulon aijo' notataemo mae hi belengku, “Beleyum baleko'. Tumpu Allah mami madi' nompalentah beleyum da montewa' kami boli mamba jojoong i Mesir.

YEREMIA 8:3

Saba' aha to mia-mian anu daagi' tumuu' na bansa anu saja' balabuat ma'idek aiya anu gina'a-ga'at-Kumo namba iyaya mae lebemo mongka'ima'i silaka ka' madi'mo mongka'ima'i tumuu'. Aku, Tumpu Anu Mahakuasa hondo notataemo.”

MOHAANGI 1:14

Ingala-Nyomo iwi-iwi' na dosa'ku, lantas pinosa'angu'mo na nomputi, ka' pino'olo'mo mae i gogohongku, sahingga boatnyo nompolu'usmo butongku. Tumpu nombee'mo aku hi sampobali'; aku madi'mo noko ala mongewa aha.

MOHAANGI 2:17

Tumpu nomposidamo tambuha'-Nyo anu naipuan mae noko tanga'an-Nyomo ka' pinoto'i-Nyomo hi kita. Kita ihansunan-Nyomo ka' madi'mo kinalibosan-Nyo, sampobali' bine'an-Nyomo ka untungan na nahampate Pinolame'-Nyomo na aha na montoa kita nahungku'mo.

MOHAANGI 5:5

Susumo binatang, kami opakisa na mokalaja anu maboat, kami nalawemo, panyo madi' opobee' na milawe.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

AMOS 2:14

Anu talalo hondo malia' na mopadeka', madi'mo ko ala mopalai; anu mahoson madi'mo mahoson. Ka' mian anu baani madi'mo noko posi posalamat butongnyo.

AMOS 3:1

Potombihing mae na potuunon nu Tumpu aiya, 'O bansa Israel anu binoamo mae nu Tumpu nosabat lengkat i Mesir. Tumpu notatae,

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

AMOS 5:13

Kalana kalakuan nu belemiu aijo', sahingga to mia-mian anu pande mongoa'i lebe ma'ima' ola momohokot i tempo' anu ma'idek susumo aijo'.

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.

ROMA 16:4

Aha kiniboli' sinilakamo kalana mongka'oho' momposalamat aku. Aku montalima kaseh hi aha – ka' misa' ola aku, panyo iwi-iwi' na jama'at bansa sangga'at anu misa' Yahudi suele montalima kaseh hi aha.

EFESUS 5:16

Pake ima-ima' na kasampatan anu daagi' hi beleyum, kalana tempo' uuka tempo'mo anu ma'idek.

PO'ULE' INGULIT 28:48

Kalana aijo' belemiu tionyo ahi' ta'alukumo hi sampobali' nu belemiu anu sinaimo mae nu Tumpu mongewa belemiu. Belemiu mongoa'ije ohop, mongoa'ije megot ka' langgo' ka' iwi-iwi' na han madi'mo ko anu daagi'. Tumpu mombee'imo kasansala'an anu taha-tahahumo, sampe belemiu silakamo.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!